Bakı Şəhəri Yasamal Rayon Məhkəməsi Qərar — İş №3(004)-3942/2022

Azərbaycan Respublikası adından QƏRAR Bakı şəhəri İş № 3(004)-3942/2022 09.08.2022 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X1 iclas katibliyi ilə xx.xx.1970-ci ildə Lənkəran şəhəri Digəh kəndində anadan olmuş, Azərbaycan Respublikası vətəndaşı, evli, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 515.0.3-cü maddəsi ilə Bakı şəhəri Yasamal rayon Polis İdarəsi 27-ci Polis Bölməsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs azyaşlı uşaqlar və gənclər üçün dini yığıncaqlar keçirilmiş, dini qruplar təşkil etmişdir. Bununla da o, İXM-in 515.0.3-cü maddəsində nəzərdə tutulmuş inzibati xətanı törətmişdir. Onun barəsində xx.xx.2022-ci il tarixli, MN ******* saylı inzibati xəta haqqında protokol tərtib olunmuşdur. Şəxs məhkəməyə verdiyi izahatında inzibati xəta törətməsini etiraf edərək izahatında göstərdi ki, özü ibadət əhlidir. Bir ay bundan qabaq sosial şəbəkədə yayılmış məlumatlarda olduğu kimi uşaqları yığaraq dini ainlər icra etmək üçün qrup halında ziyarətgaha getmişdir. Bunu çəkib sosial şəbəkəyə yerləşdirilməsindən xəbəri olmayıb. Həmçinin uşaqlara dindən dərslər keçirn. Çəkilişləri Bakı şəhəri daxili ziyarətdə bir də Şamaxı rayonunda olub. Özü və qardaşları ibadət əhlidi. O, heç bir çəkiliş etməyib. Ola bilər kimsə qıraqda çəkib paylaşıb. Protokol tərtib etmiş Bakı şəhəri Yasamal rayon Polis İdarəsi 27-ci Polis Bölməsinin sahə inspektoru Teymur Hacıyev verdiyi izahatında bildirdi ki, Şəxs dini qurumlar tərəfindən uşaqlar və gənclər üçün yığıncaqların keçirilməsi və onların keçirilməsi qaydalarını pozaraq bu hərəkətlərə yol vermişdir. İXM-in 515.0.3-cü maddəsinə əsasən ruhanilər və dini qurumların üzvləri tərəfindən uşaqlar və gənclər üçün xüsusi yığıncaqların keçirilməsinə, habelə dini ayinlərin icrası ilə əlaqədar olmayan əmək, ədəbiyyat dərnəkləri və qrupları, digər dərnəklərin və qrupların təşkili inzibati xəta kimi müəyyən edilmişdir. Həmin xətaya görə inzibati cərimə nəzərdə tutulmuşdur. Şəxs həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol, özünün məhkəməyə verdiyi etirafedici izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 515.0.3 -cü maddəsi ilə təqsirli bilinərək, 1500 manat (min beş yüz manat) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov