Bakı Şəhəri Yasamal Rayon Məhkəməsi Qərar — İş №3(004)-3953/2023

Azərbaycan Respublikası adından QƏRAR Bakı şəhəri İş № 3(004)-3953/2023 01.08.2023 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlunun sədrliyi, Hacıyev Sərməst Faiq oğlunun katibliyi ilə, Qərarından şikayət verilmiş Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 nümayəndəsi X3, X1 iştirakı ilə, X1 Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 08 iyul 2023-cü il tarixli TP seriyalı ******* nömrəli inzibati xəta haqqında iş üzrə qərarından verdiyi şikayətə baxaraq, MÜƏYYƏN ETDİ: X2 Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 08 iyul 2023-cü il tarixli TP seriyalı ******* nömrəli inzibati tənbeh vermə haqqında qərarından şikayət verərək, həmin qərarın ləğv edilməsi barədə qərar qəbul edilməsini xahiş etmişdir. X2 şikayətini onunla əsaslandırmışdı ki, 08 iyul 2023-cü il tarixdə idarə etdiyi “BMW 330E (HYBRİD)” minik markalı, **-BE-*** dövlət qeydiyyat nişanlı avtomobillə Bakı şəhəri, Yasamal rayonu ərazisində qayda pozuntusu etmədən hərəkət etmişdir. YPX avtomobilinin saxla işarəsindən sonra avtomobili saxlamışdır. İnspektor avtomobilinin guya mühərrikin səs gücünün artırılması məqsədilə işlənmiş qazları xaric etmə sisteminə normativ tələblər pozulmaqla avadanlıq quraşdırılması səsboğucu sisteminin standartlara cavab verməməsi adı ilə cərimə meydançasına aparılmalı olduğunu bildirmişdir. Nə saxlanılan zaman, nə də sonradan avtomobilinin səsboğucu sisteminin səs gücü (desibel) səviyyəsini ölçməmişdir. Avtomobilə xaric olan karbon qazının miqdarının guya normadan artıq olduğunu bildirərək 500 manat miqdarında cərimə oldunduğunu bildirmişdir. O protokolla razı olmadığını və səsboğucunun standartlara cavab verdiyini bildirməyinə baxmayaraq inspektor mövqeyinə məhəl qoymadan narazı olacağı təqdirdə qərardan şikayət verə biləcəyimi qeyd edərək inzibati xəta haqqında protokol tərtib edildiyini və daha sonra xx.xx.2023-cü il tarixdə inzibati tənbeh vermə haqqında TP5843787 qərarı ona təqdim etmişdir. Heç bir təqsiri olmadığı halda onun barəsində Azərbaycan Respublikası İnzibati Xətalar Məcəlləsinin 342.3-cü maddəsi ilə təqsirli bilinərək inzibati məsuliyyətə cəlb olunmağına dair qərar ona təqdim edilmişdir. Hazırda sözügedən inzibati tənbeh vermə haqqında qərardan narazıdır və ləğv edilməsini xahiş etmişdir. Belə ki, ona ümumiyyətlə inspektorun səsboğucu sistemini yoxlamadan, əgər belə bir yoxlanış aparılıbsa belə həmin yoxlamanın nəticələri göstərilməmişdir. Qeyd edilən quraşdırılmış avadanlığın standartlara cavab verməməsini təsdiq edən heç bir sübut mövcud deyil və quraşdırılmış avadanlıq mühərrikin səs gücünün artırılmasına xidmət etmir və icazə verilən səs normasının tələblərinə uyğundur. Hazırki vəziyyətdə o təqsirli hesab oluna bilməz. Göstərilənlərə əsasən Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 tərtib etdiyi 08 iyul 2023-cü il tarixli TP seriyalı ******* nömrəli inzibati tənbeh vermə haqqında qərarın ləğv edilməsini və başlanmış icraata xitam verilməsini xahiş etmişdir. Məhkəmə iclasında iştirak edən X2 şikayət ərizəsinin məzmununa uyğun izahat verərək bildirmişdir ki, şikayətini müdafiə edir və Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 tərtib etdiyi 08 iyul 2023-cü il tarixli TP seriyalı ******* nömrəli tənbeh vermə haqqında qərarın ləğv edilməsini və başlanmış icraata xitam verilməsini xahiş edir. Məhkəmənin sualına cavab olaraq bildirmişdir ki, həmin dəyişikliyi mühərrikin səs gücünün artırılması üçün deyil görünüş məqsədilə etmişdir. Məhkəmə iclasında iştirak edən Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 nümayəndəsi X5 şikayətin əsassız hesab edilərək təmin edilməməsini xahiş etdi. Məhkəmə şikayəti və materialları nəzərdən keçirdərək hesab edir ki, şikayət təmin edilməməlidir. Belə ki, iş materiallarında olan Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 08 iyul 2023-cü il tarixli TP seriyalı ******* nömrəli inzibati tənbeh vermə haqqında qərardan görünür ki, barəsində inzibati xəta haqqında iş üzrə icraat aparılmış fiziki şəxs X7 “BMW 330E (HYBRİD)” markalı **-BE-*** dövlət qeydiyyat nişanlı avtomobillə 08 iyul 2023-cü il tarixdə saat 10:40-da Azərbaycan Respublikası İnzibati Xətalar Məcəlləsinin 342.3-cü maddəsində nəzərdə tutulmuş əməli törətməkdə təqsirli bilinərək, 500 (beş yüz) manat miqdarında cərimə edilmişdir. “Beissbarth” şirkətinin 01 avqust 2023-cü il tarixli texniki baxış protokolundan görünür ki, mühərrikin səsboğucusunun səs-küyü, səs gücünü artırma məqsədi ilə normativ tələblər pozularaq arxa qazan dəyişdirilib. Azərbaycan Respublikası İnzibati Xətalar Məcəlləsinin 342.3-cü maddəsinə əsasən Mühərrikin səs gücünün artırılması məqsədi ilə nəqliyyat vasitəsinin işlənmiş qazları xaric etmə sisteminə normativ tələblər pozulmaqla avadanlığın quraşdırılmasına və ya dəyişdirilməsinə görə - beş yüz manat məbləğində cərimə edilir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin həmin qərarla xəta törətmiş şəxs maddənin sanksiyada nəzərdə tutulmuş həddə inzibati tənbeh edilmişdir. Ona görə də inzibati tənbehin daha da yüngülləşdirilməsi və qərarın dəyişdirilməsi üçün əsaslar da yoxdur. Həmçinin İXM-in 135.1.6-cı maddəsinə əsasən həmin Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardan biri kimi müəyyən edilmişdir. Lakin hazırkı iş üzrə işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu müəyyən edilmədi. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar dəyişdirilmədən saxlanılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 128-137-ci maddərini rəhbər tutaraq, QƏRARA ALDİ: X1 Azərbaycan Respublikası Daxili İşlər Nazirliyi Bakı Şəhər Yasamal Rayon Polis İdarəsi Dövlət X10 08 iyul 2023-cü il tarixli TP seriyalı ******* nömrəli il tarixli inzibati xəta haqqında qərardan verdiyi şikayət təmin edilməsin, həmin qərar dəyişdirilmədən saxlanılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Rauf Daşdəmirov