Bakı Şəhəri Yasamal Rayon Məhkəməsi Qərar — İş №3(004)-3987/2025

Azərbaycan Respublikası adından QƏRAR Bakı şəhəri İş № 3(004)-3987/2025 03.07.2025 BAKI ŞƏHƏRİ YASAMAL RAYON MƏHKƏMƏSİ X10 Məhəmməd qızının sədrliyi, Hacıyev Sərməst Faiq oğlunun katibliyi, X1, Yasamal Rayon Polis İdarəsinin Dövlət Yol X12 patrul xidmətinin inspketoru X4 iştirakları ilə X1 Yasamal Rayon Polis İdarəsinin X15 Şöbəsinin TP ******* saylı, xx.xx.2025-ci il tarixli inzibati xəta haqqında iş üzrə qərardan verdiyi şikayətə baxaraq, məhkəmə MÜƏYYƏN ETDİ: X2 Yasamal Rayon Polis İdarəsinin X15 Şöbəsinin TP ******* saylı, xx.xx.2025-ci il tarixli qərarından şikayət verərək, həmin qərarın ləğv edilməsini xahiş etmişdir. Şikayətçi şikayətini onunla əsaslandırmışdır ki, xx.xx.2025-ci il tarixdə Bakı şəhəri Yasamal rayon ərazisində hərəkətdə olan zaman DYP əməkdaşı tərəfindən saxlanılmışdır. DYP əməkdaşı ona bildirdi ki, guya yolayrıcını keçmə qaydalarını pozmuşdur. O, izah etməyə çalışsa da ki, bu mümkün deyil, hüquqşünas olaraq qanunları bilir və onlara ciddi riayət edir. Yol hərəkəti qaydalarını pozmamış, heç vaxt səbrsizlik etmir, bunun ağır məsuliyyətini dərk edir, buna baxmayaraq YPX inspektoru barəsində inzibati xəta haqqında protokol tərtib etmişdir. O etiraz etdiyi üçün o protokol üzrə inzibati xəta haqqında qərar qəbul etmədilər. Həmin prtotokolla bağlı hər hansı qərar ünvanıma göndərilmədiyi üçün xx.xx.2025-ci il tarixdə Bakı şəhər Baş Polis İdarəsi X15 İdarəsində olmuşdur. Oradan ona bildirildi ki, işinə Yasamal rayon DYPŞ baxılıb və xx.xx.2025 tarixli qərarla 100 manat cərimə edilmişdir. Həmin vaxta kimi o elə bildirdi ki, barəsində icraat Badamdar qəsəbəsində yerləşən Bakı DYPİ aparılır. xx.xx.2025-ci il tarixli qərarı Bakı DYP-dan götürmüşdü. Qərarın üzərində xx.xx.2025 il - sistemdən çıxarış tarixi var. Hesab edir ki, Yasamal rayon DYPŞ tərəfindən cərimə edilməyim qanunsuzdur və çıxarılan qərar təqsirinin olmaması, inzibati xəta hadisəsinin baş verməməsi əsası ilə ləğv edilməlidir. Bu səbəbdən Yasamal rayon DYPŞ-nin tərəfindən barəsində çıxarılmış xx.xx.2025-ci il tarixli, TP ******* saylı qərarın ləğv edilməsi və inzibati xəta haqqında işin icraatına xitam verilməsini xahiş etmişdir. Məhkəmə iclasında iştirak edən X2 şikayət ərizəsinin məzmununa uyğun izahat verərək, şikayətin təmin edilməsini xahiş etdi. Məhkəmə iclasında iştirak Yasamal Rayon Polis İdarəsinin Dövlət Yol X12 patrul xidmətinin inspketoru X6 bildirdi ki, X1 şikayəti əsassızdır, bunu təsdiq edən görüntü də mövcuddur, xəta tərəfindən aşkar edilmiş, həmin yerdə protokol tərtib edilmiş, E.Səfərov şikayətlə razılaşmadığı üçün yuxarı vəzifəli şəxs tərəfindən qərar qəbul edilmişdir. Ona görə də xahiş edir ki, şikayət təmin edilməsin. Məhkəmə proses iştirakçılarını dinləyib, şikayət ərizəsini və digər iş materiallarını araşdıraraq hesab edir ki, şikayət əsassız olduğundan təmin olunmamalıdır. Belə ki, iş materiallarında olan Yasamal Rayon Polis İdarəsinin X15 Şöbəsinin TP ******* saylı, xx.xx.2025-ci il tarixli qərara əsasən X8 xx.xx.2025-ci il tarixdə saat 19:06-da Bakı şəhəri, X11, 429 ünvanında Nissan X Trail minik markalı, **-XH-*** dövlət qeydiyyat nişanlı nəqliyyat vasitəsini idarə edərkən yolayrıcını keçmə qaydalarının pozulmasına görə İXM-in 327.2-ci maddəsi ilə təqsirli bilinib 100 manat cərimə edilmişdir. İş materiallarında olan yuxarıda qeyd edilən inzibati xəta haqqında iş üzrə protokol və videogörüntüdən görünür ki, X8 xx.xx.2025-ci il tarixdə saat 19:06-da Bakı şəhəri, X11, 429 ünvanında Nissan X Trail minik markalı, **-XH-*** dövlət qeydiyyat nişanlı nəqliyyat vasitəsini idarə edərkən yolayrıcını keçmə qaydalarının pozulmasına görə İXM-in 327.2-ci maddəsində nəzərdə tutulan inzibati xətanı törətmişdir. Həmçinin müəyyən edilir ki, şikayətçiyə təqsirli bilindiyi inzibati xətanın sanksiyası həddində inzibati tənbeh tətbiq edilmişdir. Şikayətçi şikayətində onun barəsində qəbul edilmiş qərar üzrə həmin görüntüdəki avtomobilin ona məxsus olub olmaması ilə bağlı qeyd etdiklərini məhkəmə əsassız hesab edir. Belə ki, xəta bilavasitə DYP əməkdaşı vasitəsilə aşkar edilmiş və inzibati xətayla bağlı müvafiq protokol tərtib olunmuş, inzibati xəta törədən razılaşmadığından yuxarı vəzifəli şəxs tərəfindən müvafiq qərar qəbul edilmişdir, inzibtai xətanın olması görüntü ilə də təsdiq olunmuşdur, ona görə də məhkəmə hesab edir ki, şikayət əsassızdır. Azərbaycan Respublikası İnzibati Xətalar Məcəlləsinin 327.2-ci maddəsinə əsasən Svetoforun və ya nizamlayıcının qadağanedici işarəsi verilərkən hərəkətin davam etdirilməsinə, 3.1 “Giriş qadağandır” yol nişanının tələblərinin və ya sərnişin daşıma, əks istiqamətli hərəkət zolağına çıxmaqla ötmə və ya manevr etmə, yolayrıcını keçmə qaydalarının pozulmasına, ümumi istifadədə olan nəqliyyat vasitələrinin, yaxud adamlar daşınan yük avtomobillərinin sərnişinlərlə yanacaqdoldurma məntəqəsinə daxil olmasına, 1.1, 1.3 və 1.11 üfüqi nişanlanma xətlərinin tələblərinə riayət etməyərək sola və ya geriyə dönməyə, yaxud maneəni kənardan keçməyə görəyüz manat məbləğində cərimə edilir. Azərbaycan Respublikası İnzibati Xətalar Məcəlləsinin 124.2-ci maddəsinə əsasən İnzibati xətalar haqqında işlərə baxmaq hüququ səlahiyyətli orqana (vəzifəli şəxsə) aid edilmiş yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətalar səlahiyyətli vəzifəli şəxs tərəfindən bilavasitə aşkar edildikdə və barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşdıqda, inzibati tənbeh tətbiq etmə haqqında qərar çıxarılır. Azərbaycan Respublikası İnzibati Xətalar Məcəlləsinin 124.3-cü maddəsinə əsasən Barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşmadıqda, səlahiyyətli vəzifəli şəxs inzibati xəta haqqında protokol tərtib edir. Azərbaycan Respublikası İnzibati Xətalar Məcəlləsinin 124.4-cü maddəsinə əsasən İnzibati tənbeh tətbiq etmə haqqında qərar və ya inzibati xəta haqqında protokol operativ nəqliyyat vasitəsində quraşdırılmış bort-kompüter vasitəsilə tərtib olunaraq dərhal, yaxud belə kompüter olmadıqda həmin günün sonunadək müvafiq icra hakimiyyəti orqanının müəyyən etdiyi orqanın (qurumun) müvafiq informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə bu Məcəllənin 125.2.1-ci maddəsində nəzərdə tutulmuş qaydada bu barədə məlumat verilir. İnzibati tənbeh tətbiq etmə haqqında qərarın və ya inzibati xəta haqqında protokolun kağız daşıyıcıda surəti səlahiyyətli orqan (vəzifəli şəxs) tərəfindən yerindəcə barəsində inzibati xəta haqqında iş üzrə icraat aparılan şəxsə, həmçinin belə müraciəti olduqda inzibati xəta haqqında iş üzrə zərər çəkmiş şəxsə verilir. Bu Məcəllənin 124.3-cü maddəsində nəzərdə tutulmuş hallarda inzibati xəta haqqında protokol baxılması üçün yuxarı səlahiyyətli orqana (vəzifəli şəxsə) göndərilir. Yuxarı səlahiyyətli orqan (vəzifəli şəxs) tərəfindən həmin iş üzrə qəbul edilən qərar qəbul edildiyi gün müvafiq icra hakimiyyəti orqanının müəyyən etdiyi orqanın (qurumun) müvafiq informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə həmin qərar barədə bu Məcəllənin 125.2-ci maddəsində nəzərdə tutulmuş qaydada məlumat verilir. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin İXM-in 135.1.6-cı maddəsinə əsasən həmin Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardan biri kimi müəyyən edilməmişdir. Lakin hazırkı iş üzrə işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu müəyyən edilmədi. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar dəyişdirilmədən saxlanılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 128-137-ci maddərini rəhbər tutaraq, QƏRARA ALDİ: X1 Yasamal Rayon Polis İdarəsinin X15 Şöbəsinin TP ******* saylı, xx.xx.2025-ci il tarixli qərarından verdiyi şikayət təmin edilməsin, qərar dəyişdirilmədən saxlanılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Sevinc Quliyeva