Bakı Şəhəri Yasamal Rayon Məhkəməsi Qərardad — İş №3(004)-4197/2020

Azərbaycan Respublikası adından QƏRARDAD Bakı şəhəri İş № 3(004)-4197/2020 08.12.2020 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlu, X2 AQTA-nın Bakı regional bölməsinin MN №0458318 saylı, xx xxxxxxx 2020-ci il tarixli qərarından verdiyi şikayətə baxaraq, m ü ə y y ə n e t d i m: X3 şikayət ərizəsi ilə məhkəməyə müraciət edərək, AQTA-nın Bakı regional bölməsinin MN №0458318 saylı, xx xxxxxxx 2020-ci il tarixli qərarının ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsini xahiş etmişdir. Məhkəmə şikayət ərizəsini və ona əlavə edilmiş sənədləri araşdıraraq hesab edir ki, inzibati qərardan şikayət vermə müddəti ötürüldüyündən və ötürülmüş müddətin üzrlü sayılmasına dair vəsatət verilmədiyindən şikayət ərizəsi geri qaytarılmalıdır. Belə ki, məhkəməyə təqdim edilmiş şikayət ərizəsinə əlavə edilmiş qərardan aydın olur ki, AQTA-nın Bakı regional bölməsinin MN №0458318 saylı, xx xxxxxxx 2020-ci il tarixli qərarı ilə X1 Xətalar Məcəlləsinin 211.1-ci maddəsində nəzərdə tutulan xətanı törətməkdə təqsirli bilinib, 3000 manat miqdarında cərimə edilmişdir. Həmin qərardan X2 şikayəti xx.xx.2020-ci il tarixdə məhkəməyə daxil olmuşdur. X2 AQTA-nın Bakı regional bölməsinin MN №0458318 saylı, xx xxxxxxx 2020-ci il tarixli qərarını rəsmi qaydada nə zaman əldə etməsi barədə iş materiallarında hər hansı sübut yoxdur. Ona görə də həmin qərardan şikayət vermə müddətinin ötürülüb-ötürülməməsini müəyyən etmək mümkün olmamışdır. Azərbaycan Respublikasının İnzibati Xətalar Məcəlləsinin 128.2-ci maddəsinə əsasən inzibati xətalar haqqında işlər üzrə qərardan şikayət və ya protest aşağıdakı qaydada verilir: 128.2.1. hakimin qərarından - apellyasiya instansiyası məhkəməsinə; 128.2.2. kollegial orqanın qərarından - kollegial orqanın olduğu yerin məhkəməsinə; 128.2.3. səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə. Azərbaycan Respublikasının İnzibati Xətalar Məcəlləsinin 130.1-ci maddəsinə əsasən qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Beləliklə məhkəmə hesab edir ki, X2 AQTA-nın Bakı regional bölməsinin MN №0458318 saylı, xx xxxxxxx 2020-ci il tarixli inzibati tənbeh vermə haqqında qərarından şikayəti Azərbaycan Respublikası İXM-nin 130.1-ci maddəsində nəzərdə tutulmuş şikayət vermə müddəti buraxıldığından və buraxılmış müddətin üzürlü sayılmasına dair vəsatət verilmədiyindən geri qaytarılmalıdır. Göstərilənlərə əsasən və Azərbaycan Respublikası İXM-nin 128-130-cu maddələrini rəhbər tutaraq məhkəmə q ə r a r a a l d ı m: X2 AQTA-nın Bakı regional bölməsinin MN №0458318 saylı, xx xxxxxxx 2020-ci il tarixli inzibati tənbeh vermə haqqında qərarından verdiyi şikayət ərizəsi geri qaytarılsın. Hakim: Rəşad Cavadzadə