Bakı Şəhəri Yasamal Rayon Məhkəməsi Qərardad — İş №3(004)-4444/2025

Azərbaycan Respublikası adından QƏRARDAD Bakı şəhəri İş № 3(004)-4444/2025 25.06.2025 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlu, X2 Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətaları törətməsinə dair inzibati xəta haqqında protokola və ona əlavə olunmuş materiallara baxaraq, MÜƏYYƏN ETDİ: X2 Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətaları törətməsinə dair inzibati xəta haqqında protokol baxılması üçün məhkəməyə təqdim edilmişdir. Məhkəməyə təqdim edilmiş materialları araşdıraraq hesab edirəm ki, protokol düzgün tərtib edilməmiş, təqdim edilmiş protokolda yanlışlığa yol verilmişdir, işə baxılarkən tamamlanması mümkün deyil. Ona görə də protokol və ona əlavə edilmiş materiallar geri qaytarılmalıdır. İş materiallarında olan 25 iyun 2025-ci il tarixli, MN seriyalı ******* nömrəli inzibati xəta haqqında protokoldan görünür ki, X1 Əli Rəhman oğluna xəsarət yetirdiyi üçün onun barəsində Azərbaycan Respublikası İnzibati Xətalar Məcəlləsinin 227-ci maddəsi üzrə inzibati xəta törətməsi əsas götürülməklə protokol tərtib edilmişdir. Lakin iş üzrə toplanmış sübutların təhlili göstərir ki, qeyd olunan hərəkətlər faktiki olaraq İnzibati Xətalar Məcəlləsinin 157-ci maddəsində nəzərdə tutulmuş inzibati xəta tərkibinə uyğun gəlir. Lakin, 25 iyun 2025-ci il tarixli, MN seriyalı ******* hərəkət və ya hərəkətsizlik mahiyyət etibarilə 227-ci maddənin deyil, 157-ci maddənin tələblərini pozmuşdur. Bu hal göstərir ki, inzibati xəta haqqında protokolda hüquqi kvalifikasiya baxımından yanlışlığa yol verilmiş, nəticədə protokolda qeyd edilən maddə ilə faktiki hüquqpozmaya uyğun maddə arasında uyğunsuzluq yaranmışdır. Bu səbəbdən, işin obyektiv araşdırılması və hüquqi tələblərə uyğun qərar qəbul edilməsi üçün protokolun düzgün hüquqi kvalifikasiyası təmin edilməsi, yəni faktiki hallar İXM-in 157-ci maddəsi üzrə qiymətləndirilməsi üçün protokol və ona əlavə edilmiş materiallar geri qaytarılmalıdır. Qeyd edilənlər hazırlıq mərhələsində müəyyənləşdirilmədən işə baxmaq mümkün deyildir. Çünki Azərbaycan Respublikasının İnzibati Xətalar Məcəlləsinin 106-cı maddəsinə əsasən hakim inzibati xəta haqqında işin baxılmağa hazırlanması zamanı işin baxılmasının onun səlahiyyətinə aid olub-olmamasını (mad 106.0.1), inzibati xəta haqqında protokol və işin digər materiallarının İXM-in tələblərinə müvafiq olaraq tərtib edilib-edilmədiyini (mad. 106.0.3), işin icraatını rədd edən hallar mövcud olub-olmadığını (mad 106.0.4), mahiyyəti üzrə baxılması üçün işdə kifayət qədər sübutlar toplanıbtoplanılmamasını (106.0.5) həll etməlidir. Azərbaycan Respublikasının İnzibati Xətalar Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Şərh olunanlara əsasən və İnzibati Xətalar Məcəlləsinin 106, 109-cu maddələrinə əsasən, məhkəmə QƏRARA ALDİ: X2 Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətaları törətməsinə dair inzibati xəta haqqında 25 iyun 2025-ci il tarixli, MN seriyalı ******* nömrəli protokol və ona əlavə olunmuş materiallar Bakı şəhər Yasamal Rayon Polis İdarəsinin 28-ci Polis Şöbəsinə qaytarılsın. Hakim: Rauf Daşdəmirov