Bakı Şəhəri Yasamal Rayon Məhkəməsi Qərar — İş №3(004)-4594/2024

Azərbaycan Respublikası adından QƏRAR Bakı şəhəri İş № 3(004)-4594/2024 03.09.2024 BAKI ŞƏHƏRİ YASAMAL RAYON MƏHKƏMƏSİ X10 Məhəmməd qızının sədrliyi, Hacıyev Sərməst Faiq oğlunun katibliyi, inzibati xəta haqqında protokolu tərtib edən Bakı şəhəri Yasamal RPİ-nin 29-cu PŞ-nin sahə rəisi X4, zərərçəkmiş şəxs X2, barəsində inzibati xəta haqqında iş üzrə icraat aparılan şəxs hoğlunun iştirakı ilə, xx.xx.1990-cı il təvəllüdlü, Azərbaycan Respublikasının vətəndaşı, Bakı şəhəri, Xətai rayonu, Sadıqcan küçəsi, 52, İnzibati binada qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulmuş inzibati xəta haqqında materiala baxaraq, məhkəmə MÜƏYYƏN ETDİM: Şəxs Azərbaycan Respublikasının İnzibati Xətalar Məcəlləsinin (bundan sonra İXM) 227-ci maddəsi ilə nəzərdə tutulan inzibati xəta törətməsi haqqında Bakı şəhəri Yasamal rayon Polis İdarəsi tərəfindən tərtib edilmiş protokol Bakı şəhəri Yasamal Rayon Məhkəməsinə daxil olmuşdur. Protkoldan görünür ki, 01 sentyabr 2024-cü il tarixdə, saat 02 və 05 radələrində Nuriyev X6 rayonu, Şərifzadə küçəsində yerləşən X3 yiyəsiz olduğu meyvə-tərəvəz yerindən ümumi dəyəri 150 manat dəyərində meytvə tərəvəz oğurlamışdır. X1 02 sentyabr 2024-cü il tarixdə Yasamal Rayon Polis İdarəsinin 29-cu Polis Şöbəsinə rəsmi ərizə ilə müraciət edərək 01 sentyabr 2024-cü il tarixdə Yasamal rayonu, Şərifzadə küçəsində yerləşən meyvə- tərəvəz yerindən Kənan adlı şəxsin 150 manat dəyərində meyvə-tərəvəzlərinin oğurladığını göstərməklə həmin şəxs ilə bağlı qanuni tədbir görülməyini xahiş etmişdir. Araşdırma zamanı X7 izahatında göstərmişdir ki, 01 sentyabr 2024-cü il tarixdə, gecə saatlarında Yasamal rayonu, Şərifzadə küçəsində yerləşən meyvə-tərəvəz yerindən Kənan adlı şəxsin 150 manat dəyərində iki qutu meyvə, dörd ədəd yemişinini oğurladığını aşkar etmişdir. 02 sentyabr 2024-cü il tarixdə, saat 23 radələrində Kənan adlı şəxs meyvətərəvəz yerinə gəlmiş, həmin vaxt Kənan adlı şəxs ehtiyacı olduğu üçün meyvə-tərəvəz oğurladığını bildirmiş, bununla bağlı polisə məlumat vermişdir. Bakı şəhəri, Yasamal rayon Polis İdarəsinin 29-cu Polis şöbəsinin təhqiqatçısı, polis mayoru X5 tərəfindən cinayət işinin başlanması rədd edilmişdir. Məhkəmə iclasında şəxs Bakı şəhəri Yasamal rayon Polis İdarəsinin İTŞ-nin sahə rəisi, polis mayoru X9 protokolu müdafiə edərək Şəxs barəsində inzbati tənbeh tədbiri seçilməsini xahiş etdi. Məhkəmə iclasında Şəxs inzibati xəta törətməsini qismən qəbul edərək bildirdi ki, özünü təqsirli bilir və əməlindən səmimi peşmandır. Ona görə də barəsində yüngül cəza təyin edilməsini məhkəmədən xahiş etdi. İş materiallarında olan inzibati qaydada tutma haqqında protokoldan görünür ki, Şəxs xx.xx.2024-cü il tarixdə, saat 23:40 radələrində inzibati qaydada tutulmuşdur. İnzibati xəta haqqında işin materiallarını tədqiq edərək, barəsində inzibati xəta haqqında icraat aparılan şəxsi və sahə rəisini dinləyərək, məhkəmə hesab edir ki, toplanmış sübutlarla Şəxs inzibati xətanı törətməsində təqsiri tam sübuta yetir və onun törətdiyi əməl Azərbaycan Respublikasının İXM-nin 227-ci maddəsi ilə düzgün tövsif olunmuşdur. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini, əmlak vəziyyətini və onun təqsirinin dərəcəsini nəzərə alır. Azərbaycan Respublikasının İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə Şəxs məsuliyyətini yüngülləşdirən və ağırlaşdırılan hallar müəyyən edilmədi. Məhkəmə hesab edir ki, Şəxs narkotik vasitə aludəçisi olmasını nəzərə almaqla ona həbs növündə tənbeh tətbiq etməklə, inzibati tənbehin məqsədlərinə nail olmaq olar, bu növ inzibati tənbehin təyin edilməsi qanuni və ədalətli olmaqla yanaşı, həm də inzibati məsuliyyətə cəlbetmənin məqsədlərinə uyğundur. Azərbaycan Respublikasının İXM-nin 85-ci maddəsinə əsasən icraatında inzibati xəta haqqında iş olan hakim, səlahiyyətli orqan (vəzifəli şəxs) fiziki şəxs tərəfindən törədilmiş inzibati xətada cinayət əlamətlərini aşkar etdikdə, materialları prokurora, ibtidai istintaq və ya təhqiqat orqanına göndərir. Azərbaycan Respublikasının İXM-nin 114.2.3-cü maddəsinə əsasən inzibati xəta haqqında işdə cinayətin əlamətləri olduqda, iş üzrə materiallar prokurora, təhqiqat və ya istintaq orqanına göndərilməsi barədə məhkəmə qərar qəbul edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-130-cu maddələrini rəhbər tutaraq, QƏRARA ALDİM: Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinərək barəsində 01 (bir) ay müddətə inzibati həbs tətbiq edilsin. İnzibati həbs müddətinin əvvəli 02 sentyabr 2024-cü il tarixdən saat 23:40-dan hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti tərəfə təqdim edildiyi və ya alındığı gündən 10 (on) gün müddətində Bakı Şəhəri Yasamal Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən: Sevinc Quliyeva