Bakı Şəhəri Yasamal Rayon Məhkəməsi Qərar — İş №3(004)-4679/2023

Azərbaycan Respublikası adından QƏRAR Bakı şəhəri İş № 3(004)-4679/2023 06.10.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X3 iclas katibliyi ilə, X1 inzibati xəta haqqında iş üzrə qərardan verdiyi şikayətə baxaraq, MÜƏYYƏN ETDİ: X2 Azərbaycan Respublikası DİN Bakı şəhər Baş Polis İdarəsi X9 İdarəsinin TP ******* saylı, xx.xx.2023-cü il tarixli qərarından şikayət verərək, həmin qərarın ləğv edilməsini xahiş etmişdir. Şikayətçi şikayətində və məhkəməyə verdiyi izahatında şikayətini onunla əsaslandırmışdır ki, xx.xx.2023-cü il tarixində özünü Baş X10 İdarəsinin kapitanı kimi təqdim edən şəxs, ona zəng edərək, istifadəsində olan **-AL-*** dövlət nömrə qeydiyyatlı Hyundai markalı avtomobili ilə xx.xx.2023 və xx.xx.2023-cü il tarixlərində yol hərəkəti qaydalarını pozduğunu və pozuntunun video kamera vasitəsilə təsbit edildiyini bildirmiş, mobil telefonuna sözügedən pozuntu ilə bağlı video görüntü göndərmişdir. Həmin əməkdaş onu BDYPİ-nin 104-cü otağa dəvət edərək məsələnin orada həll olunmasını təklif etmişdir. BDYPİ-nin əməkdaşına telefon vasitəsilə sözügedən pozuntuların 16 və 27 avqust tarixlərində törədildiyi halda nəyə görə xx.xx.2023 tarixinə ona xəbərdarlıq edirlər, İnzibati Xətalar Məcəlləsinin 38.6-cı maddəsinə əsasən inzibati xəta törədildiyi gündən bir gün müddətində protokol tərtib edib onu şəxsin elektron kabinetində yerləşdirmədikdə, şəxs inzibati məsuliyyətə cəlb edilə bilməməsi barədə öz iradını bildirdiyi zaman, polis əməkdaşı məsələyə İnzibati Xətalar Məcəlləsinin (bundan sonra - İXM) 99-cu maddəsinə əsasən baxıldığını bildirmişdir. İşlərinin çox olması səbəbindən BDYPİ-nə getməyi mümkün olmadı. Daha sonra xx.xx.2023-cü il tarixində telefonuna sms vasitəsilə bildiriş gələrək onun barəsində İXM-nin 327.4cü maddəsinə əsasən xx.xx.2023 tarixli İXP ******* nömrəli protokol tərtib edildiyi bildirilmişdir. Odur ki, X4 inzibati məsuliyyətə cəlb olunması barədə xx.xx.2023-cü il tarixli İXP ******* nömrəli protokolun etibarsız hesab edilməsi və onun əsasında Bakı şəhər X10 Şöbəsi tərəfindən qəbul edilmiş xx.xx.2023-cü il tarixli TP ******* nömrəli inzibati tənbeh vermə haqqında qərarın ləğv olunması barədə qərar qəbul edilməsini məhkəmədən xahiş etdi. Qərarından şikayət verilən orqan məhkəmə iclasının yeri və vaxtı barədə müvafiq qaydada xəbərdar edilsələr də, məhkəmə iclasına gəlməmiş və gəlməmələrinin üzürlü səbəbləri barədə məhkəməyə məlumat verməmişlər. Buna görə də, məhkəmə onların iştrakı olmadan işə baxılmasını mümkün hesab etmişdir. Məhkəmə şikayəti və materialları nəzərdən keçirdərək hesab edir ki, şikayət təmin edilməməlidir. Belə ki, iş materiallarında olan Azərbaycan Respublikası DİN Bakı şəhər Baş Polis İdarəsi X9 İdarəsinin TP ******* saylı, xx.xx.2023-cü il tarixli inzibati xəta haqqında iş üzrə qərarına əsasən X5 16 avqust 2023-cü il tarixdə saat 10:52 radələrində “Hyundai Grandeur minik” markalı, **-AL-*** dövlət qeydiyyat nişanlı avtomobillə Bakı şəhəri, Xiyabani küçəsində 1.1, 1.3 və 1.11 üfüqi nişanlanma xətlərinin tələblərini pozmaqla nəqliyyat vasitəsini tam olaraq əks istiqamətli nəqliyyat axınının hərəkət zolağına keçirərək nəqliyyat axınına əks istiqamətdə hərəkət etməyə görə İXM-in 327.4-cü maddəsi ilə təqsirli bilinib 150 manat cərimə edilmişdir. Həmin qərar xx.xx.2023-cü il tarixli İXP ******* saylı inzibati xəta haqqında iş üzrə protokol əsasında qəbul edilmişdir. Şikayətçi şikayətində inzibati xətanın mövcudluğunu mübahisələndirmir, sadəcə ona gec məlumat verildiyini bildirir. Faktiki olaraq şikayətində inzibati xəta törədildiyini təsdiq edir. Həmçinin iş materiallarındakı SD diskdəki videogörüntüdən də görünür ki, barəsində şikayət verilmiş qərarda göstərilən inzibati xəta törədilmişdir. Göstərilənlərə əsasən şikayətçinin şikayətində bununla bağlı göstərdiyi dəlil, inzibati xətanı aradan qaldırmır, şəxsi törətdiyi inzibati məsuliyyətdən azad edən hal deyildir. Həmçinin müəyyən edilir ki, şikayətçiyə təqsirli bilindiyi inzibati xətanın sanksiyası həddində inzibati tənbeh tətbiq edilmişdir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Bununla da protokolla da müəyyən edilir ki, şikayətçi İXM-in həmin maddəsində göstərilən inzibati xətanı törətmişdir. Həmçinin şikayətçi onun həmin maddədə göstərilən inzibati xətanı törətməməsini bildirsə də, məhkəmədə müəyyən edildi ki, o həmin maddədə göstərilən inzibati xətanı törətmişdir, bu barədə onun barəsində protokol tərtib edilmişdir. İXM-in yuxarıda qeyd edilən maddəsinə əsasən isə protokol inzibati iş üzrə sübut kimi qəbul edilir. Həmin protokolla şəxsin inzabati xəta törətməsi tam sübut olunur. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin həmin qərarla xəta törətmiş şəxs maddənin sanksiyada nəzərdə tutulmuş həddə inzibati tənbeh edilmişdir. Ona görə də inzibati tənbehin daha da yüngülləşdirilməsi və qərarın dəyişdirilməsi üçün əsaslar da yoxdur. Həmçinin İXM-in 135.1.6-cı maddəsinə əsasən həmin Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardan biri kimi müəyyən edilmişdir. Lakin hazırkı iş üzrə işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu müəyyən edilmədi. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar dəyişdirilmədən saxlanılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 128-137ci maddərini rəhbər tutaraq, QƏRARA ALDİ: X1 Azərbaycan Respublikası DİN Bakı şəhər Baş Polis İdarəsi X9 İdarəsinin TP ******* saylı, xx.xx.2023-cü il tarixli inzibati xəta haqqında qərardan verdiyi şikayəti təmin edilməsin, həmin qərar dəyişdirilmədən saxlanılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov