Bakı Şəhəri Yasamal Rayon Məhkəməsi Qərar — İş №3(004)-4968/2023

Azərbaycan Respublikası adından QƏRAR Bakı şəhəri İş № 3(004)-4968/2023 09.10.2023 BAKI ŞƏHƏRİ YASAMAL RAYON MƏHKƏMƏSİ Hakim Məmmədov Murad Akif oğlunun sədrliyi, Nəcəfli İlham Əmrah oğlunun katibliyi, barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi X1 iştirakı ilə, Hüquqi ünvanı Bakı şəhəri, Yasamal rayonu, Vidadi küçəsi, ev 36, mənzil 2 ünvanında qeydiyyatda olan Şəxs MMC (VÖEN: **********) barəsində Azərbaycan Respublikası İnzibati Xətalar Məcəlləsinin 485.2-ci maddəsi ilə Azərbaycan Respublikası Dövlət Gömrük Komitəsi Bakı Baş Gömrük İdarəsindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: Bakı şəhəri, Yasamal rayonu, Vidadi küçəsi, ev 36, mənzil 2 ünvanında qeydiyyatda olan Şəxs MMC-nin ünvanına 52K4850/52ABE779 nömrəli nəqliyyat vasitəsi ilə daxil olmuş yüklərin **********4722 sorğu nömrəli xx.xx.2023-cü il tarixli Gömrük bəyannaməsi ilə Bakı Baş Gömrük İdarəsində bəyan edildiyi, lakin mallar Azərbaycan Respublikasının gömrük ərazisinə gətirilməzdən əvvəl Azərbaycan Respublikası Gömrük Məcəlləsinin 113.1-ci maddəsinin tələblərinə riayət edərək gömrük orqanlarına elektron formada qısa idxal bəyannaməsinin verilmədiyi müəvvən edilmişdir. Belə ki, BBGİ-nin “Gömrük prosedurları və ödənişləri” şöbəsindən daxil olmuş 3-33-/3-1-/022263/2023 nömrəli xx.xx.2023-cü il tarixli raporta əsasən Şəxs MMC-nin ünvanına 52K4850/52ABE779 nömrəli nəqliyyat vasitəsi ilə ölkə ərazisinə daxil olmuş yük üçün Azərbaycan Respublikasının gömrük ərazisinə gətirilməzdən əvvəl elektron formada qısa idxal bəyannaməsi təqdim edilməmişdir. Bununla da Şəxs MMC İXM-in 485.2-ci maddəsində nəzərdə tutulmuş inzibati xətanı törətmişdir. Onun barəsində xx.xx.2023-cü il tarixli, 00100-02321/23 saylı inzibati xəta haqqında protokol tərtib olunmuşdur. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs MMC-nin nümayəndəsi X3 izahatında göstərmişdir ki, onların şirkətinin ünvanına 2 nəqliyyat vasitəsi ilə yüklər göndərilmişdir. 07 iyul 2023-cü il tarixdə onlar tərəfindən hər iki yük üçün Gömrük Komitəsinə ödəniş edilmişdir, həmdə ki qısa idxal bəyannamələr elektron qaydada sistem vasitəsi ilə təqdim edilmişdir. Lakin sonradan onlar Bakı Baş Gömrük İdarəsinə dəvət olunanda məlum olmuşdur ki, bir yük üzrə qısa bəyannamə sistemdə mövcüd deyil. S.Məmmədova hesab edir ki, ŞəxsMMC-nin heç bir qünahı yoxdur, çünki texniki xəta baş vermişdir. İXM-nin Məcəlləsinin müvafiq normasına əsasən hər bir şübhə olanda protokol tərtib olunmuş hüquqi şəxsin xeyrinə həll olunmalıdır məsələ. Məhz buna görə məhkəmədən xahiş etmişdir ki, şirkət barəsində tərtib olunan protokol etibarsız hesab edilsin və icraata xitam verilsin. İnzibati xəta haqqında protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş və gəlməməsinin üzrlü səbəbləri barədə məhkəməyə heç bir məlumat verməmişdir. Ona görə də məhkəmə onun iştirakı olmadan işə baxılmasını mümkün hesab edir. Məhkəmə proses iştirakçısının izahatını dinləyib, iş materiallarını araşdırıb, toplanmış sübutlara məcmu halda hüquqi qiymət verərək hesab edir ki, Şəxs MMC-nin Azərbaycan Respublikasının İnzibati Xətalar Məcəlləsinin 485.2-ci maddəsində nəzərdə tutulan əməli törətməsi tam sübuta yetirilir. Belə ki, iş materiallarına əlavə edilmiş Dövlət Gömrük Komitəsinin “X2 Sistemi” informasiya resursundan “malın çatdırılması və bosaldılması"-na dair çıxarışdan görünür ki, 52K4850/52ABE779 nömrəli nəqliyyat vasitəsi ilə Şəxs MMC-nin ünvanına göndərilən mallar xx.xx.2023-cü il tarixdə saat 11:27 radələrində “Mazımqara” gömrük postundan keçməklə Azərbaycan Respublikası gömrük ərazisinə gətirilmişdir. İs üzrə Dövlət Gömrük Komitəsinin “X2 Sistemi" informasiya resursuna baxış keçirilməsi haqqında protokoldan görünür ki, Şəxs MMC-nin ünvanına 52K4850/52ABE779 nömrəli nəqliyyat vasitəsi ilə göndərilmiş mallara dair qısa idxal bəyannaməsi gömrük orqanlarına təqdim edilməmişdir. İş materiallarında olan Dövlət Gömrük Komitəsinin Texnolji İnnovasiyalar və Statistika Baş İdarəsi tərəfindən göndərilən məktubdan görünür ki, 07 iyul 2023-çü il taixdə gömrük orqanlarını elektron sistemlərində heç bir dayanma müəyyən ediməmişdir və sistem müntəzəm fəaliyyət göstərmişdir.Əlavə olaraq qeyd olunmuşdur ki, **********4920 sorğu nömrəli qısa idxal bəyannaməsi üzrə ödəniş 07 iyul 2023-cü il tarixində edilmişdir, lakin ödənilmiş bəyannamə həmin tarixdə gömrük sisteminə təqdim edilməmişdir. Sözügedən qısa idxal bəyannaməsi 11 iyul 2023-cü ildə gömrük sisteminə təqdim edilmişdir. İXM-in 485.2-ci maddəsinə əsasən Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsi inzibati xəta kimi müəyyən edilmişdir. Şəxs MMC-nin həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokolla, 3-33-/3-1-/022263/2023 nömrəli xx.xx.2023-cü il tarixli raport, Gömrük Xidmətinin "X2 sistemi” informasiya resursundan “Malın çatdırılması və bosaldılması”na dair çıxarış və “X2 Sistemi" informasiya resursuna baxış keçirilməsi haqqında protokol və isdə olan digər sənədlərlə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114,128-130-cu maddərini rəhbər tutaraq, məhkəmə QƏRARA ALDİ: Şəxs MMC İnzibati Xətalar Məcəlləsinin 485.2-ci maddəsi ilə təqsirli bilinərək, 1500 manat (min beş yüz manat) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Murad Məmmədov