Bakı Şəhəri Yasamal Rayon Məhkəməsi Qərar — İş №3(004)-4979/2023

Azərbaycan Respublikası adından QƏRAR Bakı şəhəri İş № 3(004)-4979/2023 05.10.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Cavadzadə Rəşad Bəylər oğlunun sədrliyi, X1 iclas katibliyi ilə, xx.xx.1991-ci ildə Fizuli rayonunda anadan olmuş, hazırda ünvan 1 ünvanında yaşayan Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə Yasamal rayon Polis İdarəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs barəsində İXM-in 529.3-cü maddəsi ilə xx.xx.2023-cü il tarixdə İXP ******* saylı protokol tərtib edilmişdir ondan ötəri ki, o əvvəllər barəsində olan yol hərəkəti qaydaları əleyhinə olan inzibati xəta haqqında iş üzrə xx.xx.2023-cü il tarixli EQ 13921261 saylı cərimə qərarını qanuni qüvvəyə mindiyi vaxtdan 3 ay müddətində icra etməmişdir. Lakin məhkəməyə daxil olmuş Şəxs ərizəsinə qoşma edilən "xxxx" MMC-nin 21 sentyabr 2023-cü il tarixli, 2416 saylı məktubundan görünür ki, "xxxx" MMC ilə Şəxs arasında bağlanmış ALY-4569 saylı daxili lizinq müqaviləsinə əsasən lizinqə verilmiş “Khazar LX” markalı, **-PF-*** dövlət qeydiyyat nişanlı avtomobil Şəxs tərəfindən xx.xx.2022-ci ildən xx.xx.2022-ci ilədək idarə olunmuşdur. “Khazar LX” markalı, **-PF-*** dövlət qeydiyyat nişanlı avtomobilin xx.xx.2022-ci ildən xx.xx.2023-cü ilədək idarə olunması üçün Şəxs "xxxx" MMC tərəfindən etibarnamə verilməmişdir. Başqa sözlə desək yuxarıda qeyd edilən inzibati xəta haqqında protokollarda qeyd edilən tarixlərdə sözügedən avtomobili idarə edən şəxs Şəxs olmamışdır və buna müvafiq olaraq o, həmin inzibati xətaları törədə bilməzdi. Belə olduğu təqdirdə şəxsin əməlində inzibati xəta tərkibinin bütün əlamətləri mövcud olmur. İXM-in 53.1.1-ci maddəsinə əsasən inzibati xəta hadisəsi olmadıqda, həmçinin İXM-in 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXMin 105.1-ci maddəsinə əsasən həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Qeyd olunanlara əsasən inzibati xəta haqqında işi üzrə icraata xitam verilməlidir. Yuxarıda göstərilənlərə və İXM-nin 106, 109-cu maddərini rəhbər tutaraq, QƏRARA ALDİM: Şəxs barəsində İnzibati Xətalar Məcəlləsinin 529.3-cü maddəsi ilə başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Rəşad Cavadzadə