Bakı Şəhəri Yasamal Rayon Məhkəməsi Qərar — İş №3(004)-5045/2024

Azərbaycan Respublikası adından QƏRAR Bakı şəhəri İş № 3(004)-5045/2024 08.10.2024 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlunun sədrliyi, Eyvazzadə Maya Adil qızının katibliyi ilə, Yasamal rayon İcra şöbəsinin icra məmuru X3, Tələbkar Zərərçəkmiş şəxs1 MMC-nin nümayəndəsi X1, Barəsində inzibati xəta haqqında iş üzrə icraat aparılan "xxxx" MMC-nin rəhbəri Şəxs iştirakları ilə, "xxxx" MMC-nin rəhbəri Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 528.1-ci maddəsi ilə tərtib olunan inzibati xəta haqqında protokol üzrə inzibati xəta haqqında işə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Yasamal rayon İcra şöbəsindən daxil olmuş 17 sentyabr 2024-cü il tarixli, MN seriyalı ******* nömrəli protokolda göstərilmişdir ki, Bakı Kommersiya Məhkəməsinin 2-2(113)-1182/2023 saylı, xx.xx.2023-cü il tarixli icra sənədinə əsasən 2691.24 manat Zərərçəkmiş şəxs1 MMC-yə, Bakı Kommersiya Məhkəməsinin 2-2(113)-2695/2023 saylı, xx.xx.2023-cü il tarixli icra sənədi üzrə 85498.82 manat Zərərçəkmiş şəxs2 QSC-yə, Azərbaycan Respublikası Ali Məhkəməsinin 10-2(102)-23/2023 saylı, xx.xx.2023-cü tarixli icra sənədi üzrə 24510.46 ABŞ dolları və 3071.71 Belarus rublu "xxxx" BMMC-nin xeyrinə ödənilməlidir. Nəticədə "xxxx" MMC-nin rəhbəri Şəxs tərəfindən Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törədilmişdir. Məhkəmə iclasında iştirak edən Yasamal rayon İcra şöbəsinin icra məmuru X5 tərtib etdiyi inzibati xəta haqqında protokolu müdafiə edərək bildirmişdir ki, Bakı Kommersiya Məhkəməsinin 2-2(113)-1182/2023 saylı, xx.xx.2023-cü il tarixli icra sənədinə əsasən cavabdeh "My Food” MMC-dən 25 may 2021-ci il tarixli 08/21 saylı "Texniki təmir xidmətlərinin göstərilməsi və ehtiyat hissələrinin alınması haqqında” müqavilə üzrə 2331,24 (iki min üç yüz otuz bir manat iyirmi dörd qəpik) manat borc məbləği, vəkil xidmətlərinə çəkilmiş xərclərin əvəzi olaraq 300 (üç yüz) manat və mediasiya xərclərinin əvəzi olaraq 60 (altmış) manat məbləğində pul vəsaiti tutularaq iddiaçı "Start Group Service” MMC-yə ödənilmişdir. İcra sənədi üzrə icraata 06 iyun 2023-cü il tarixli qərarla başlanılmış və borcluya tələbin könüllü icrası üçün müəyyən edilmiş müddət ərzində icranı həyata keçirmək ilə bağlı bildiriş göndərilmişdir. Bakı Kommersiya Məhkəməsinin 2- 2(113)-2695/2023 saylı, xx.xx.2023-cü il tarixli icra sənədinə əsasən iddia təmin edilmişdir. "City Food Service” Məhdud Məsuliyyətli Cəmiyyəti (hazırkı Qapalı Səhmdar Cəmiyyəti) ilə "My Food” Məhdud Məsuliyyətli Cəmiyyəti arasında bağlanmış xx.xx.2021ci il tarixli müqavilə üzrə 83 742 (səksən üç min yeddi yüz qırx iki) manat 82 (səksən iki) qəpik əsas borc, əsas borca illik 5 faizlə hesablanmaqla 1046 (min qırx altı) manat olmaqla ümumilikdə 84 788 (səksən dörd min yeddi yüz səksən səkkiz) manat 82 (səksən iki) qəpik məbləğində pul cavabdeh "My Food” Məhdud Məsuliyyətli Cəmiyyətindən tutularaq iddiaçı "City Food Service” Qapalı Səhmdar Cəmiyyətinə ödənilməlidir. Mediasiya prosesinə çəkilmiş xərcin əvəzi olaraq 410 (dörd yüz on) manat, hüquqi yardım xərcinin əvəzi olaraq 300 (üç yüz) manat məbləğində pul cavabdeh "My Food” Məhdud Məsuliyyətli Cəmiyyətindən tutularaq iddiaçı "City Food Service” Qapalı Səhmdar Cəmiyyətinə ödənilməlidir. İcra sənədi üzrə icraata 21 noyabr 2023-cü il tarixli qərarla başlanılmış və borcluya tələbin könüllü icrası üçün müəyyən edilmiş müddət ərzində icranı həyata keçirmək ilə bağlı bildiriş göndərilmişdir. Azərbaycan Respublikası Ali Məhkəməsinin 10-2(102)-23/2023 saylı, xx.xx.2023-cü il tarixli icra sənədinə əsasən iddiaçı "xxxx" BMMC-nin vəsatəti təmin edilmişdir. Belarus Respublikasının X4 Məhkəməsinin 2023-cü il 27 mart tarixli №156EİP231112 saylı qətnaməsi (həmin məhkəmənin 2023-cü il 4 may tarixli qərardadı nəzərə alınmaqla) Azərbaycan Respublikasının ərazisində tanınsın və məcburi icraya yönəldilmişdir. Qərardad qəbul edildiyi andan qüvvəyə minir. X4 Məhkəməsinin 2023-cü il 27 mart tarixli №156EİP231112 saylı qətnaməsi ilə iddia təmin edilərək, cavabdehdən iddiaçının xeyrinə 20.325,60 ABŞ dolları əsas, 4.184,86 ABŞ dolları cərimə eləcə də ödənilmiş dövlət rüsumuna görə 3071,71 belarus rublu məbləğində pulun tutulması qərara alınmışdır. İcra sənədi üzrə icraata 08 yanvar 2024-cü il tarixli qərarla başlanılmış və borcluya tələbin könüllü icrası üçün müəyyən edilmiş müddət ərzində icranı həyata keçirmək ilə bağlı bildiriş göndərilmişdir. Buna baxmayaraq, borclu icranı könüllü təmin etməmiş və icranı təmin edilməməsi barədə rəsmi şəkildə heç bir üzrlü səbəb göstərməmişdir. Hazırda borclu icra sənədinin icrasını təmin etməkdən üzrsüz səbəbdən boyun qaçırır və onun icrası ilə əlaqədar icra məmurunun qanuni tələblərini yerinə yetirmir. Göstərilənlərə əsasən borclu "xxxx" MMC-nin rəhbəri Şəxs Azərbaycan Respublikasının İXM-nin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında iştirak edən barəsində inzibati icraat aparılan şəxs Şəxs öz izahatında bildirmişdir ki, "xxxx" MMC-nin maddi imkanı olmadığından həmin qətnamələri icra edə bilmir. Göstərilənlərə əsasən iş üzrə icraata xitam verilməsini məhkəmədən xahiş etdi. Tələbkar Zərərçəkmiş şəxs1 MMC-nin nümayəndəsi X2 Bakı Kommersiya Məhkəməsinin 2-2(113)-1182/2023 saylı, xx.xx.2023-cü il tarixli icra sənədinin tam şəkildə icra edilməsinin təmin edilməsini məhkəmədən xahiş etdi. İş materiallarında olan və məhkəmə iclasında tədqiq edilmiş: Bakı Kommersiya Məhkəməsinin 2-2(113)-1182/2023 saylı, xx.xx.2023-cü il tarixli icra sənədinə əsasən cavabdeh "My Food” MMC-dən 25 may 2021-ci il tarixli 08/21 saylı "Texniki təmir xidmətlərinin göstərilməsi və ehtiyat hissələrinin alınması haqqında” müqavilə üzrə 2331,24 (iki min üç yüz otuz bir manat iyirmi dörd qəpik) manat borc məbləği, vəkil xidmətlərinə çəkilmiş xərclərin əvəzi olaraq 300 (üç yüz) manat və mediasiya xərclərinin əvəzi olaraq 60 (altmış) manat məbləğində pul vəsaiti tutularaq iddiaçı "Start Group Service” MMC-yə ödənilmişdir. “İcraata başlamaq haqqında” 06 iyun 2023-cü il tarixli qərarın surətindən görünür ki, Bakı Kommersiya Məhkəməsinin 2-2(113)-1182/2023 saylı, xx.xx.2023-cü il tarixli icra sənədi əsasında iş üzrə icraat başlanılmış və icraata başlanması haqqında qərar icra olunması üçün müvafiq icra sənədinin könüllü icrası barədə bildirişlə borclu "xxxx" MMCyə göndərilmişdir. “Tələbin könüllü icrası haqqında” 06 iyun 2023-cü il tarixli bildirişdən görünür ki, bildirişin surəti 05 iyul 2023-cü il tarixdə Şəxs tərəfindən rəsmi qaydada qəbul edilmişdir. Bakı Kommersiya Məhkəməsinin 2-2(113)-2695/2023 saylı, xx.xx.2023-cü il tarixli icra sənədinə əsasən iddia təmin edilmişdir. "City Food Service” Məhdud Məsuliyyətli Cəmiyyəti (hazırkı Qapalı Səhmdar Cəmiyyəti) ilə "My Food” Məhdud Məsuliyyətli Cəmiyyəti arasında bağlanmış xx.xx.2021-ci il tarixli müqavilə üzrə 83 742 (səksən üç min yeddi yüz qırx iki) manat 82 (səksən iki) qəpik əsas borc, əsas borca illik 5 faizlə hesablanmaqla 1046 (min qırx altı) manat olmaqla ümumilikdə 84 788 (səksən dörd min yeddi yüz səksən səkkiz) manat 82 (səksən iki) qəpik məbləğində pul cavabdeh "My Food” Məhdud Məsuliyyətli Cəmiyyətindən tutularaq iddiaçı "City Food Service” Qapalı Səhmdar Cəmiyyətinə ödənilməlidir. Mediasiya prosesinə çəkilmiş xərcin əvəzi olaraq 410 (dörd yüz on) manat, hüquqi yardım xərcinin əvəzi olaraq 300 (üç yüz) manat məbləğində pul cavabdeh "My Food” Məhdud Məsuliyyətli Cəmiyyətindən tutularaq iddiaçı "City Food Service” Qapalı Səhmdar Cəmiyyətinə ödənilməlidir. “İcraata başlamaq haqqında” 21 noyabr 2023-cü il tarixli qərarın surətindən görünür ki, Bakı Kommersiya Məhkəməsinin 2-2(113)-2695/2023 saylı, xx.xx.2023-cü il tarixli icra sənədi əsasında iş üzrə icraat başlanılmış və icraata başlanması haqqında qərar icra olunması üçün müvafiq icra sənədinin könüllü icrası barədə bildirişlə borclu "xxxx" MMCyə göndərilmişdir. “Tələbin könüllü icrası haqqında” 21 noyabr 2023-cü il tarixli bildirişdən görünür ki, bildirişin surəti 04 iyun 2024-cü il tarixdə Şəxs tərəfindən rəsmi qaydada qəbul edilmişdir. Azərbaycan Respublikası Ali Məhkəməsinin 10-2(102)-23/2023 saylı, xx.xx.2023-cü il saylı icra sənədinə əsasən iddiaçı "xxxx" BMMC-nin vəsatəti təmin edilmişdir. Belarus Respublikasının X4 Məhkəməsinin 2023-cü il 27 mart tarixli №156EİP231112 saylı qətnaməsi (həmin məhkəmənin 2023-cü il 4 may tarixli qərardadı nəzərə alınmaqla) Azərbaycan Respublikasının ərazisində tanınsın və məcburi icraya yönəldilmişdir. Qərardad qəbul edildiyi andan qüvvəyə minir. X4 Məhkəməsinin 2023-cü il 27 mart tarixli №156EİP231112 saylı qətnaməsi ilə iddia təmin edilərək, cavabdehdən iddiaçının xeyrinə 20.325,60 ABŞ dolları əsas, 4.184,86 ABŞ dolları cərimə eləcə də ödənilmiş dövlət rüsumuna görə 3071,71 belarus rublu məbləğində pulun tutulması qərara alınmışdır. “İcraata başlamaq haqqında” 08 yanvar 2024-cü il tarixli qərarın surətindən görünür ki, Azərbaycan Respublikası Ali Məhkəməsinin 10-2(102)-23/2023 saylı, xx.xx.2023-cü il tarixli icra sənədi əsasında iş üzrə icraat başlanılmış və icraata başlanması haqqında qərar icra olunması üçün müvafiq icra sənədinin könüllü icrası barədə bildirişlə borclu "xxxx" MMC-yə göndərilmişdir. “Tələbin könüllü icrası haqqında” 08 yanvar 2024-cü il tarixli bildirişdən görünür ki, bildirişin surəti Şəxs tərəfindən rəsmi qaydada qəbul edilmişdir. İş materiallarında olan Azərbaycan Respublikası İqtisadiyyat Nazirliyi yanında Dövlət Vergi Xidməti Kommersiya qurumlarının dövlət reyestri məlumatları haqqında çıxarışdan müəyyən edilir ki, "xxxx" Məhdud Məsuliyyətli Cəmiyyətinin qanuni təmsilçisi Şəxsdur. Məhkəmə işin faktiki hallarına qiymət verərək hesab edir ki, qanuni qüvvədə olan məhkəmə qərarının icrası ilə bağlı borclu "xxxx" MMC-nin rəhbəri Şəxs bu günədək qətnamələrdəki heç bir ödəniş etməməsi, icra sənədlərinin icra edilməməsinin hər hansı üzrlü səbəblə bağlı olmasını təsdiq edən heç bir sənəd təqdim etməməsi, bütün bunların nəticəsində icra sənədlərinin uzun müddətdən bəri icrasız qalmasına səbəb olması məhkəmə qərarının icrası ilə əlaqədar icra məmurunun qanuni tələblərinin yerinə yetirilməməsi və icra məmuru tərəfindən müəyyən olunmuş müddətdə icra sənədinin üzrsüz səbəbdən icra edilməməsi kimi qiymətləndirilməlidir. Azərbaycan Respublikasının İXM-nin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Azərbaycan Respublikası Konstitusiyasının 129-cu maddəsinin İ və İİ hissələrinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. «Ədalət mühakiməsinin həyata keçirilməsi zamanı «İnsan hüquqlarının və əsas azadlıqların müdafiəsi haqqında» Avropa Konvensiyası müddəalarının və İnsan Hüquqları üzrə Avropa Məhkəməsinin presedentlərinin tətbiqi haqqında» Azərbaycan Respublikası Ali Məhkəməsinin 30 mart 2006-cı il tarixli, 5 nömrəli qərarının 6-cı bəndinə əsasən mülki işlər üzrə məhkəmə baxışı müddəti iddia ərizəsinin məhkəməyə daxil olduğu vaxtdan başlayır və məhkəmə qərarının icrasının başa çatmasına kimi davam edir. «İcra haqqında» Azərbaycan Respublikası Qanununun 82.1-ci maddəsinə əsasən borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Azərbaycan Respublikasının İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 17-ci maddəsinə əsasən vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Həmin maddənin qeydinə əsasən dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Məhkəmə Azərbaycan Respublikasının İXM-nin 17-ci maddəsinin qeydini əsas tutaraq hesab edir ki, "xxxx" MMC-nin direktoru Şəxs vəzifəli şəxs hesab edilməlidir. Azərbaycan Respublikasının İXM-nin 9.1-ci maddəsinin tələbinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə inzibati tənbeh tədbiri tətbiq edərkən Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs əməlində məsuliyyəti yüngülləşdirən hallar müəyyən edilməmişdir. Azərbaycan Respublikasının İnzibati Xətalar Məcəlləsinin 33-cü maddəsinə əsasən Şəxs əməlində məsuliyyəti ağırlaşdıran hallar müəyyən edilməmişdir. Məhkəmə "xxxx" MMC-nin rəhbəri Şəxs barəsində inzibati tənbeh tətbiq edərkən onun törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, onun əmlak vəziyyətini, o cümlədən Azərbaycan Respublikasının İXM-nin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halları nəzərə alır. Məhkəmə "xxxx" MMC-nin rəhbəri Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikası İXM-nin 528.1-ci maddəsinin sanksiyasında nəzərdə tutulmuş cərimə növündə inzibati tənbeh tədbirinin tətbiq edilməsi məqsədəmüvafiqdir. Yuxarıda göstərilənlərə əsasən və Azərbaycan Respublikasının İXM-nin 40, 43, 48- 51, 114-117, 128-130 və 528.1-ci maddələrini rəhbər tutaraq, məhkəmə QƏRARA ALDİ: "xxxx" MMC-nin rəhbəri Şəxs Azərbaycan Respublikası İnzibati Xətalar Məcəlləsinin 528.1-ci maddəsində maddəsində nəzərdə tutulmuş əməli törətməkdə təqsirli bilinsin və barəsində 1200 (bir min iki yüz) manat məbləğində inzibati cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim: Rauf Daşdəmirov