Bakı Şəhəri Yasamal Rayon Məhkəməsi Qərar — İş №3(004)-5218/2024

Azərbaycan Respublikası adından QƏRAR Bakı şəhəri İş № 3(004)-5218/2024 10.10.2024 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Məhkəmə iclasının katibi Əliyeva Zəminə Səməd qızının katibliyi ilə, Barəsində inzibati xəta haqqında iş üzrə qərar qəbul edilmiş X2 AR DİN Bakı şəhəri X7 İdarəsinin xx.xx.2024-cü il tarixli, EQ 23639485 saylı inzibati tənbeh verilməsi haqqında qərarından verdiyi şikayətə açıq məhkəmə iclasında baxaraq məhkəmə MÜƏYYƏN ETDİ: X5 AR DİN Bakı şəhəri X7 İdarəsinin xx.xx.2024-cü il tarixli, EQ 23639485 saylı qərarından şikayət ərizəsi ilə məhkəməyə müraciət edərək, İnzibati tənbeh haqqında qərarın ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsini xahiş etmişdir. Şikayət ərizəsi onunla əsaslandırılmışdır ki, xx.xx.2024-cü il tarixində İXM-nin 346.4cü maddəsi ilə barəsində 23639485 saylı elektron qərar çıxarılmışdır. Belə ki, həmin vaxt o, avtomobilinin sükanında olmuş və digər avtomobillər kimi sərnişin düşürmək üçün 1 dəqiqəlik avtomobilini həmin ərazidə saxlamışdır. Daha sonra isə avtomobil yan güzgüsündən baxdıqda arxadan polis əməkdaşının gəlib avtomobilinin fotoşəklini çəkməyə çalışdığını görüb dərhal maşından düşüb, həmin dəqiqə avtomobilini ərazidən çıxardacağını və fotoşəklin çəkməməsini xahiş etmişdir. Lakin polis əməkdaşı yanında olduğu halda avtomobilin fotoşəklini çəkərək elektron qərar qəbul etmişdir. Bütün bunları nəzərə alaraq AR DİN Bakı şəhəri X7 İdarəsinin tərəfindən tərtib edilmiş xx.xx.2024-cü il tarixli, EQ 23639485 saylı qərarın ləğv edilməsini xahiş etmişdir. AR DİN Bakı şəhəri X7 İdarəsinin nümayəndəsi X1 məhkəməyə elektron qaydada ərizə təqdim edərək bildirmişdir ki, haqqında icraat aparılan şəxsin təqdim etdiyi fotoşəkillərdən onun təqsirli olması aydın görünür. 2-ci cərgədə avtomobil park etmək qanunla qadağandır, müştəri gözləmək və ya müştəri qarşılamaq sürücüyə hər hansı əlavə hüquq vermir ki, qanunu pozsun. İş yükünün çoxluğunu nəzərə alınmaqla işə iştirakı olmadan baxılmasını və X5 tərəfindən verilmiş şikayətin rədd edilməsini xahiş etmişdir. Məhkəmə iclasının yeri və vaxtı barədə lazımı qaydada xəbərdar edilmiş barəsində inzibati xəta haqqında iş üzrə qərar qəbul edilmiş X5 məhkəmə iclasına gəlməmiş və ya nümayəndəsini göndərməmiş və bunun səbəbi barədə heç bir məlumat verməmişdir. Məhkəmə işə barəsində inzibati xəta haqqında iş üzrə qərar qəbul edilmiş X5 və qərarından şikayət verilmiş orqanın nümayəndəsinin iştirakı olmadan baxılmasını mümkün hesab etmişdir. Məhkəmə proses iştirakçısı X3 dinləyib, iş materiallarını araşdıraraq belə nəticəyə gəlir ki, şikayət təmin edilməməlidir. Belə ki, iş materiallarına əlavə edilmiş AR DİN Bakı şəhəri X7 İdarəsinin xx.xx.2024cü il tarixli, EQ 23639485 saylı inzibati tənbeh verilməsi haqqında qərarından görünür ki, X5 xx.xx.2024-cü il tarixində yanqoşqusu olamayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə İXM-in 346.4-cü maddəsi ilə təqsirli bilinib 80 manat cərimə edilmişdir. Azərbaycan Respublikası İnzibati Xətalar Məcəlləsinin 346.4-cü maddəsinə əsasən, Yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə səksən manat məbləğində cərimə edilir. Bununla da şikayətçi şikayətində onun tərəfindən qeyd edilən pozuntunun törədilməməsini qeyd etsə də, bu barədə əsaslı dəlili məhkəməyə təqdim edə bilməmişdir. Həmçinin şikayətdə göstərilən hallar inzibati xətanı istisna edən hallar deyildir. Halbuki, iş materiallarında olan yuxarıda qeyd edilənlərə əsasən şikayətçinin həmin inzibati xətanı törətməsi təsdiq edilir. Həmçinin müəyyən edilir ki, şikayətçiyə təqsirli bilindiyi inzibati xətanın sanksiyası həddində inzibati tənbeh tətbiq edilmişdir. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin həmin qərarla xəta törətmiş şəxs maddənin sanksiyada nəzərdə tutulmuş həddə inzibati tənbeh edilmişdir. Ona görə də inzibati tənbehin daha da yüngülləşdirilməsi və qərarın dəyişdirilməsi üçün əsaslar da yoxdur. Həmçinin İXM-in 135.1.6-cı maddəsinə əsasən həmin Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardan biri kimi müəyyən edilmişdir. Lakin hazırkı iş üzrə işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu müəyyən edilmədi. Formal əsasları işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu kimi qəbul etmək yolverilməzdir. Formal əsaslara görə qərar ləğv edilə bilməz. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar dəyişdirilmədən saxlanılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 128-137-ci maddərini rəhbər tutaraq, QƏRARA ALDİ: Barəsində inzibati xəta haqqında iş üzrə qərar qəbul edilmiş X2 AR DİN Bakı şəhəri X7 İdarəsinin xx.xx.2024-cü il tarixli, EQ 23639485 saylı qərarından verdiyi şikayət təmin edilməsin. Qərarın surəti rəsmi qaydada alındığı gündən 10 (on) gün müddətində qərarı qəbul etmiş Bakı şəhər Yasamal Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti verilə bilər. Hakim: Rəşad Cavadzadə