Bakı Şəhəri Yasamal Rayon Məhkəməsi Qərardad — İş №3(004)-5572/2023

Azərbaycan Respublikası adından QƏRARDAD Bakı şəhəri İş № 3(004)-5572/2023 01.11.2023 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlu, X1 DİN-nin BDYPİ tərəfindən qəbul edilmiş qərarın ləğv edilməsi barədə şikayətə baxaraq, m ü ə y y ə n e t d i m: X2 BDYPİ tərəfindən qəbul edilmiş qərarın ləğv edilməsi barədə qərar qəbul edilməsini xahiş etmişdir. Məhkəmə şikayət ərizəsini və ona əlavə edilmiş sənədləri araşdıraraq hesab edir ki, şikayət geri qaytarılmalıdır. Belə ki, X2 BDYPİ tərəfindən onun barəsində İnzibati Xətalar Məcəlləsinin 332.2-ci maddəsi ilə qəbul edilmiş qərarın ləğv edilməsini xahiş etmiş, lakin mübahisələndirdiyi qərarı şikayət ərizəsinə əlavə etməmişdir. Azərbaycan Respublikası İnzibati Xəta Məcəlləsinin 128.2-ci maddəsinə əsasən inzibati xətalar haqqında işlər üzrə qərardan şikayət və ya protest aşağıdakı qaydada verilir: 128.2.1. hakimin qərarından - apellyasiya instansiyası məhkəməsinə; 128.2.2. kollegial orqanın qərarından - kollegial orqanın olduğu yerin məhkəməsinə; 128.2.3. səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə. Həmin Məcəllənin 129-cu maddəsinin tələblərinə əsasən səlahiyyətli orqanın (vəzifəli şəxsin) inzibati xəta haqqında iş üzrə qərardan məhkəməyə şikayət verilə bilər. Göründüyü kimi, qanunvericilikdə inzibati xəta haqqında iş üzrə qərardan məhkəməyə şikayət verilməsi nəzərdə tutulmuşdur. Məhkəmə hesab edir ki, X1 BDYPİ tərəfindən onun barəsində İnzibati Xətalar Məcəlləsinin 332.2-ci maddəsi ilə qəbul edilmiş qərarın ləğv edilməsi barədə şikayət ərizəsi Azərbaycan Respublikası İXM-nin 128-ci və 129-cu maddəsinin tələblərinə uyğun olmadığından geri qaytarılmalıdır. Məhkəmə eyni zamanda şikayət vermiş şəxsə izah edir ki, mübahisələndirdiyi inzibati qərarı əldə etdikdən sonra yenidən məhkəməyə ərizə ilə müraciət etmək imkanı vardır. Digər tərəfdən məhkəmə şikayət vermiş şəxsə izah edir ki, Azərbaycan Respublikasının İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Göstərilənlərə əsasən və Azərbaycan Respublikası İnzibati Xətalar Məcəlləsinin 128- 130-cu maddələrini rəhbər tutaraq məhkəmə q ə r a r a a l d ı m: X1 BDYPİ tərəfindən onun barəsində İnzibati Xətalar Məcəlləsinin 332.2-ci maddəsi ilə qəbul edilmiş qərarın ləğv edilməsi barədə şikayət ərizəsi geri qaytarılsın. Hakim: Rəşad Cavadzadə