Bakı Şəhəri Yasamal Rayon Məhkəməsi Qərardad — İş №3(004)-5572/2024

Azərbaycan Respublikası adından QƏRARDAD Bakı şəhəri İş № 3(004)-5572/2024 30.10.2024 BAKI ŞƏHƏRİ YASAMAL RAYON MƏHKƏMƏSİ X11 Məhəmməd qızının sədrliyi, Abdullayeva Məryəm Zaur qızının katibliyi, X1 iştirakı ilə Azərbaycan Respublikası Daxili İşlər Nazirliyinin Baş X12 İdarəsinin xx.xx.2024-ci il tarixli, EQ 23173869 saylı qərarından şikayət vermə müddətinin bərpasına dair X2 tərəfindən verilmiş vəsatətə açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyinin Baş X12 İdarəsinin xx.xx.2024-ci il tarixli, EQ 23173869 saylı qərarı ilə X4 Azərbaycan Respublikasının İnzibati Xətalar Məcəlləsinin 346.9-cu maddəsi ilə təqsirli bilinərək 60 (altmış) manat miqdarında cərimə edilmişdir. X2 Azərbaycan Respublikası Daxili İşlər Nazirliyinin Baş X12 İdarəsinin xx.xx.2024-ci il tarixli, EQ 23173869 saylı qərarından şikayət verilməsi üçün buraxılmış müddətin bərpasına dair vəsatətlə məhkəməyə müraciət etmişdir. Məhkəmə iclasında iştirak edən X4 bildirmişdir ki, Bakı şəhər DYP İdarəsinin əməkdaşı kapitan X6 tərəfindən xx.xx.2024-cü il tarixdə EQ 23173869 inzibati tənbeh vermə haqqında qərara əsasən müddəti üzürlü səbəbdən ötürdüyünü nəzərə almağı məhkəmədən xahiş etmişdir Məhkəmə iş materiallarını araşdıraraq hesab edir ki, buraxılmış şikayət vermə müddətinin bərpasına dair ərizə təmin edilməməli və X3 şikayəti və ona əlavə edilmiş sənədlər geri qaytarılmalıdır. Belə ki, Azərbaycan Respublikasının İnzibati Xətalar Məcəlləsinin 126.1-ci maddəsinə əsasən barəsində inzibati xəta haqqında iş üzrə qərar qəbul edilmiş şəxs yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətaların törədilməsinə görə inzibati tənbeh tətbiq etmə haqqında qərar ona bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan 20 (iyirmi) gün müddətində yuxarı səlahiyyətli orqana (vəzifəli şəxsə) və ya məhkəməyə şikayət edə bilər. Həmin Məcəllənin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Həmin Məcəllənin 130.3-cü maddəsinə əsasən buraxılmış müddətin bərpası qeyrimümkün hesab edildikdə, bu halda vəsatəti rədd etmə haqqında qərardad qəbul edilir. Məhkəmə yuxarıda qeyd olunanlara əsaslanaraq hesab edir ki, Azərbaycan Respublikası Daxili İşlər Nazirliyinin Baş X12 İdarəsinin xx.xx.2024-ci il tarixli, EQ 23173869 saylı qərarının surəti X3 şikayət vermə müddətinin ötürülməsinin üzrlü səbəblərini təsdiq edən hansısa sübut sonuncu tərəfindən məhkəməyə təqdim edilmədiyindən vəsatət rədd edilməli, şikayət və ona əlavə edilmiş sənədlər geri qaytarılmalıdır Yuxarıdakılara əsasən və Azərbaycan Respublikasının İnzibati Xətalar Məcəlləsinin 128 və 130-cu maddələrini rəhbər tutaraq, məhkəmə QƏRARA ALDİ: Azərbaycan Respublikası Daxili İşlər Nazirliyinin Baş X12 İdarəsinin xx.xx.2024-ci il tarixli, EQ 23173869 saylı qərarından şikayət vermə müddətinin bərpasına dair şikayətçi X5 tərəfindən verilmiş vəsatət rədd edilsin, şikayət və ona əlavə edilmiş sənədlər geri qaytarılsın. Hakim: Sevinc Quliyeva