Bakı Şəhəri Yasamal Rayon Məhkəməsi Qərar — İş №3(004)-6237/2023

Azərbaycan Respublikası adından QƏRAR Bakı şəhəri İş № 3(004)-6237/2023 20.12.2023 BAKI ŞƏHƏRİ YASAMAL RAYON MƏHKƏMƏSİ Hakim Məmmədli Orxan Qədir oğlunun sədrliyi, X2 oğlunun katibliyi ilə, 27 avqust 1984-cü ildə Bakı şəhərində anadan olmuş, Azərbaycan Respublikası vətəndaşı, evli, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə Azərbaycan Respublikası Bakı şəhəri Yasamal Rayon Polis İdarəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs barəsində İXM-in 529.3-cü maddəsi ilə 05 dekabr 2023-cü il tarixli İXP seriyalı ******* saylı və 05 dekabr 2023-cü il tarixli İXP seriyalı ******* saylı hazırkı protokollar tərtib edilmişdir ondan ötəri ki, o əvvəllər barəsində olan yol hərəkəti qaydaları əleyhinə olan inzibati xəta haqqında iş üzrə qəbul edilmiş 19 avqust 2023-cü il tarixli EQ 16380856 nömrəli və 18 avqust 2023-cü il tarixli EQ 16348541 nömrəli qərarları qanuni qüvvəyə mindiyi vaxtdan 3 ay müddətində icra etməmişdir. Beləliklə, məhkəmə iclasında müəyyən edilmişdir ki, 05 dekabr 2023-cü il tarixli İXP seriyalı ******* saylı və 05 dekabr 2023-cü il tarixli İXP seriyalı ******* saylı hazırkı protokollar Şəxs adına tərtib olunmamışdır. “Asanpay” ödəniş portalından edilən çıxarışdan görünür ki, 05 dekabr 2023-cü il tarixli İXP seriyalı ******* saylı və 05 dekabr 2023-cü il tarixli İXP seriyalı ******* saylı protokollar Şəxs deyil, X1 adına tərtib olunmuşdur. Məhkəmə hesab edir ki, Şəxs barəsində tərtib olunmuş İXM-in 529.3-cü maddəsinə nəzərdə tutulmuş inzibati xətanı törətməsinə dair 02 dekabr 2023-cü il tarixli İXP seriyalı ******* saylı protokol üzrə müvafiq əməli törətməsi öz təsdiqini tapmadığından başqa şəxsin adına tərtib edilmiş inzibati protokol əsasında o, inzibati məsuliyyətə cəlb edilə bilməz. İXM-in: 53.1.2-ci maddəsinin tələbinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə törədilmiş inzibati xətaların hallarını nəzərə alaraq hesab edir ki, Şəxs barəsində tərtib olunmuş İXM-in 529.3-cü maddəsinə nəzərdə tutulmuş inzibati xətanı törətməsinə dair 02 dekabr 2023-cü il tarixli İXP seriyalı ******* saylı protokol üzrə müvafiq əməli törətməsi öz təsdiqini tapmadığından iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-117, 128-130 və 529.3-cü maddələrini rəhbər tutaraq, məhkəmə QƏRARA ALDİ: Şəxs barəsində tərtib olunmuş İXM-in 529.3-cü maddəsinə nəzərdə tutulmuş inzibati xətanı törətməsinə dair 02 dekabr 2023-cü il tarixli İXP seriyalı ******* saylı protokol üzrə inzibati məsuliyyətdən azad edilsin və inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Orxan Məmmədli