Bakı Şəhəri Yasamal Rayon Məhkəməsi Qərardad — İş №3(004)-6286/2023

Azərbaycan Respublikası adından QƏRARDAD Bakı şəhəri İş № 3(004)-6286/2023 26.12.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Cavadzadə Rəşad Bəylər oğlu Şəki şəhər-rayon Polis Şöbəsi tərəfindən Şəxs firması barəsində Azərbaycan Respublikası İnzibati Xətalar Məcəlləsinin 347-ci maddəsi ilə toplanmış inzibati xəta haqqında materialları nəzərdən keçirərək MÜƏYYƏN ETDİM: Şəxs firmasının Azərbaycan Respublikası Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətməsinə dair Şəki rayon DYPB tərəfindən inzibati xəta haqqında protokol tərtib edilərək baxılması üçün məhkəməyə göndərilmişdir. Məhkəmə inzibati xəta haqqında protokolu və digər materialları araşdıraraq hesab edir ki, iş baxılması üçün aidiyyəti üzrə Şəki Rayon Məhkəməsinə göndərilməlidir. İnzibati Xəta haqqında protokola əsasən Şəxs firması 55AC645 dövlət qeydiyyat nömrəli nəqliyyat vasitəsini idarə etmiş fiziki şəxs haqqında məlumatı səlahiyyətli orqanın bu barədə sorğusu daxil olduğu vaxtdan 5 gün müddətində cavab verilməmişdir. Nəzərə alsaq ki, Şəxs firması qeyd olunan inzibati xətanı yəni nəqliyyat vasitəsini idarə etmiş fiziki şəxs haqqında məlumatı səlahiyyətli orqanın bu barədə sorğusu daxil olduğu vaxtdan 5 gün müddətində cavab verməməsi ilə hərəkətsizliyə yol vermişdir, belə olan halda, inzibati xəta hadisəsi hüquqi şəxsin ünvanında baş vermişdir. Məhkəmə qeyd edir ki, "xxxx" QSC-nin nizamnaməsinin surətindən görünür ki, “Əfqan firması” adını və təşkilati hüquqi formasini dəyişərək "xxxx" MMC-yə çevrilmişdir, həmin MMC isə "xxxx" QSC-yə çevrilmişdir. "xxxx" QSC onun hüquqi varisidir və hüquqi ünvanı ünvan 1eri Euroline” QSC- hüquqi ünvanının olduğu yerdir. Ona görə də inzibati işə aidiyyəti üzrə Şəki Şəhər Məhkəməsində baxılmalıdır. Azərbaycan Respublikasının İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Azərbaycan Respublikasının İXM-nin 109.1.7-ci maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, inzibati xəta haqqında protokolun aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarılır. Qeyd olunanlara əsasən hesab edirəm ki, inzibati xəta haqqında protokola Bakı şəhəri Yasamal Rayon Məhkəməsində baxılması üçün hüquqi əsaslar olmadığından inzibati xəta haqqında iş aidiyyəti üzrə baxılması üçün Şəki Şəhər Məhkəməsinə göndərilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 109.1.7, 110 və 118-ci maddələrini rəhbər tutaraq, QƏRARA ALDİM: Şəxs Firması tərəfindən Azərbaycan Respublikasının İnzibati Xətalar Məcəlləsinin 347-ci maddəsi ilə nəzərdə tutulmuş inzibati xətanının törədilməsinə dair Şəki DYPB tərəfindən tərtib edilmiş xx.xx.2023-cü il tarixli, MN ******* nömrəli inzibati xəta haqqında protokol və ona əlavə edilmiş sənədlər baxılması üçün aidiyyəti üzrə Şəki Şəhər Məhkəməsinə göndərilsin. Hakim: Rəşad Cavadzadə