Bakı Şəhəri Yasamal Rayon Məhkəməsi Qərar — İş №3(004)-632/2022

Azərbaycan Respublikası adından QƏRAR Bakı şəhəri İş № 3(004)-632/2022 28.02.2022 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlunun sədrliyi, İsmayılzadə Turan Tahir qızının katibliyi ilə, ünvan 1 ünvanında qeydiyyatda olan Şəxs MMC (VÖEN **********) barəsində Azərbaycan Respublikası İnzibati Xətalar Məcəlləsinin (bundan sonra - İXM) 485.2-ci maddəsi ilə tənbeh tədbirinin tətbiq edilməsinə dair Azərbaycan Respublikası Dövlət Gömrük Komitəsi Şimal Ərazi Baş Gömrük İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Dövlət Gömrük Komitəsi Şimal Ərazi Baş Gömrük İdarəsindən daxil olmuş 01400-0228/22 nömrəli 26 yanvar 2022-ci il tarixli inzibati xəta haqqında protokolda göstərilmişdir ki, 24.01.2022-ci il tarixdə “LATAZ" MMC tərəfindən Gürcüstan Respublikasından **********01513 nömrəli mal qeydiyyat kodu ilə 95021788 nömrəli vaqonda idxal etdiyi “soya” yükünə dair Azərbaycan Respublikasının Gömrük Məcəlləsinin 113.1-ci maddəsi ilə müəyyən olunmuş qaydada mallar gömrük ərazisinə gətirilməzdən əvvəl gömrük organlarına elektron formada gısa idxal bəyannaməsinin verilməsinə dair gömrük xidmətinin VAİS-də məlumat geydə alınmamışdır. Azərbaycan Respublikasının İnzibati Xətalar Məcəlləsinin 485.2-ci maddəsində nəzərdə tutulmuş inzibati xəta törədilmişdir. Bu fakt Şimal Ərazi Baş Gömrük İdarəsi Gömrük Əməliyyatları idarəsi Gömrük Prosedurları və Ödənişləri Şöbəsinin 25.01.2022-ci il tarixli, 34/012/000385 saylı raportu, hüquqi şəxsin nümayəndəsinin sorğu-sual edilməsi haqqında protokol və işdə olan digər sənədlərlə təsdiq edilir. Nəticədə Şəxs MMC tərəfindən Azərbaycan Respublikasının İnzibati Xətalar Məcəlləsinin 485.2-ci maddəsində nəzərdə tutulmuş inzibati xəta törədilmişdir. Bununla da Şəxs MMC barəsində İXM-in 485.2-ci maddəsində nəzərdə tutulmuş inzibati xəta haqqında protokol tərtib edilərək Bakı şəhəri Yasamal Rayon Məhkəməsinə göndərilmişdir. İnzibati xəta haqqında protokol tərtib etmiş səlahiyyətli orqan və barəsində inzibati xəta haqqında protokol tərtib edilmiş şəxs məhkəmə iclasının vaxtı və yeri barədə lazımi qaydada xəbərdar edilmələrinə baxmayaraq, məhkəmə iclasında səlahiyyətli nümayəndəsinin iştiraklarını təmin etməyib bunun səbəbləri barədə məhkəməyə məlumat verməmişdilər. Buna görə də məhkəmə proses iştirakçılarının iştirakı olmadan işə baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: 01400-0228/22 nömrəli 26 yanvar 2022-ci il tarixli inzibati xəta haqqında protokolda göstərilmişdir ki, 24.01.2022-ci il tarixdə “LATAZ" MMC tərəfindən Gürcüstan Respublikasından **********01513 nömrəli mal qeydiyyat kodu ilə 95021788 nömrəli vaqonda idxal etdiyi “soya” yükünə dair Azərbaycan Respublikasının Gömrük Məcəlləsinin 113.1-ci maddəsi ilə müəyyən olunmuş qaydada mallar gömrük ərazisinə gətirilməzdən əvvəl gömrük organlarına elektron formada gısa idxal bəyannaməsinin verilməsinə dair gömrük xidmətinin VAİS-də məlumat geydə alınmamışdır. Azərbaycan Respublikasının İnzibati Xətalar Məcəlləsinin 485.2-ci maddəsində nəzərdə tutulmuş inzibati xəta törədilmişdir. Bu fakt Şimal Ərazi Baş Gömrük İdarəsi Gömrük Əməliyyatları idarəsi Gömrük Prosedurları və Ödənişləri Şöbəsinin 25.01.2022-ci il tarixli, 34/012/000385 saylı raportu, hüquqi şəxsin nümayəndəsinin sorğu-sual edilməsi haqqında protokol və işdə olan digər sənədlərlə təsdiq edilir. Gömrük prosedurları və ödənişləri şöbəsinin baş inspektoru Nöhbala Həsənov tərəfindən verilmiş raportdan görünür ki, 24.01.2022-ci il tarixdə Şəxs MMC tərəfindən Gürcüstan Respublikasından **********01513 nömrəli mal qeydiyyat kodu ilə 95021788 nömrəli vaqonda idxal etdiyi “soya” yükünə dair Azərbaycan Respublikasının Gömrük Məcəlləsinin 113.1-ci maddəsi ilə müəyyən olunmuş qaydada mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsinin verilməsinə dair gömrük xidmətinin VAİS-də məlumat qeydə alınmamışdır. “Barəsində icraat aparılan şəxsin sorğu-sual edilməsi haqqında” 26 yanvar 2022-ci il tarixli protokoldan görünür ki, Şəxs MMC-nin nümayəndəsi X1 bildirmişdir ki, Şəxs MMCnin əsas fəaliyyət istiqaməti kənd təsərüffatı məhsullarının ölkəyə idxalından ibarətdir. Elə bu məqsədlə də 24.01.2022-ci il tarixdə nümayəndəsi olduğu hüquqi şəxs – "xxxx" MMC ünvanına Gürcüstan Respublikasında qeydiyyatda olan və fəaliyyət göstərən "xxxx" şirkətindən 95021788 nömrəli vaqonla 63050 kq çəkidə soya yükü idxal edilmişdir. Lakin, idxal etdikləri yükə dair mal müşayiət sənədləri yüklərin daşındığı vaqon “Böyük kəsik” gömrük postundan keçərək ölkə ərazisinə daxil olduqdan sonra "xxxx" MMC tərəfindən onlara göndərilmişdir. Yüklər artıq ölkə ərazisinə daxil olduğu üçün elektron formada qısa idxal bəyannaməsinin gömrük orqanlarına verməyin bir əhəmiyyətinin olmadığını düşünüb təqdim etməmişlər. Beləliklə, məhkəmə iclasında tədqiq edilmiş sübutlarla müəyyən edilmişdir ki, 24.01.2022-ci il tarixdə “LATAZ" MMC tərəfindən Gürcüstan Respublikasından **********01513 nömrəli mal qeydiyyat kodu ilə 95021788 nömrəli vaqonda idxal etdiyi “soya” yükünə dair Azərbaycan Respublikasının Gömrük Məcəlləsinin 113.1-ci maddəsi ilə müəyyən olunmuş qaydada mallar gömrük ərazisinə gətirilməzdən əvvəl gömrük organlarına elektron formada gısa idxal bəyannaməsinin verilməsinə dair gömrük xidmətinin VAİS-də məlumat geydə alınmamışdır. Azərbaycan Respublikasının İnzibati Xətalar Məcəlləsinin 485.2-ci maddəsində nəzərdə tutulmuş inzibati xəta törədilmişdir. Bu fakt Şimal Ərazi Baş Gömrük İdarəsi Gömrük Əməliyyatları idarəsi Gömrük Prosedurları və Ödənişləri Şöbəsinin 25.01.2022-ci il tarixli, 34/012/000385 saylı raportu, hüquqi şəxsin nümayəndəsinin sorğu-sual edilməsi haqqında protokol və işdə olan digər sənədlərlə təsdiq edilir. İXM-in 485.2-ci maddəsinə əsasən Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir. Azərbaycan Respublikası Gömrük Məcəlləsinin 113.1-ci maddəsinə əsasən fiziki şəxslər tərəfindən gömrük sərhədindən kommersiya məqsədləri üçün nəzərdə tutulmayan malların keçirilməsi halları istisna olmaqla, mallar gömrük ərazisinə gətirilməzdən əvvəl gömrük orqanlarına elektron formada qısa idxal bəyannaməsi verilir. Qısa idxal bəyannaməsinin verilməməsi bəyannaməsinin inzibati məsuliyyətinə səbəb olur, lakin gömrük rəsmiləşdirilməsinin və malların buraxılışının həyata keçirilməsinə mane olmur. Qısa idxal bəyannaməsinin formasını beynəlxalq standartlar və ticarət təcrübəsi nəzərə alınmaqla müvafiq icra hakimiyyəti orqanı müəyyən edir. Məhkəmə iclasında Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. Məhkəmə, törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs MMC barəsində İXM-in 485.2-ci maddəsinin sanksiyası hədləri daxilində inzibati cərimə növündə tənbeh tətbiq edilməlidir. Yuxarıda göstərilənlərə və İXM-in 31, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs MMC Azərbaycan Respublikası İnzibati Xətalar Məcəlləsinin 485.2-ci maddəsində nəzərdə tutulan inzibati xətanı törətməkdə təqsirli bilinsin və barəsində 1500 (min beş yüz) manat məbləğində cərimə növündə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Yasamal Rayon Məhkəməsi vasitəsilə və ya bilavasitə Bakı Apellyasiya Məhkəməsinə şikayət verilə bilər. Hakim: Rauf Daşdəmirov