Bakı Şəhəri Yasamal Rayon Məhkəməsi Qərardad — İş №3(004)-647/2024

Azərbaycan Respublikası adından QƏRARDAD Bakı şəhəri İş № 3(004)-647/2024 31.01.2024 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Əkbərli Günel Bəkir qızı, X2 barəsində Azərbaycan Respublikası DİN Bakı şəhər DYPİ-si tərəfindən qəbul edilmiş 19 yanvar 2024-cü il tarixli TP seriyalı ******* nömrəli qərardan verilmiş şikayət ərizəsini işin məhkəmədə baxılmağa hazırlanması zamanı nəzərdən keçirib, MÜƏYYƏNETDİ: X4 xx.xx.2024-cü il tarixdə şikayət ərizəsi ilə məhkəməyə müraciət edərək barəsində Azərbaycan Respublikası DİN Bakı şəhər X7 İdarəsi tərəfindən AR İXM-nin 342.2.2-ci maddəsi ilə qəbul edilmiş 19 yanvar 2024-cü il tarixli, TP seriyalı, ******* saylı inzibati tənbeh vermə haqqında qərarın ləğv edilməsini və işə Yasamal Rayon Məhkəməsində baxılmasını xahiş etmişdir. Məhkəmə şikayət ərizəsini işin baxılmağa hazırlanması zamanı nəzərdən keçirib hesab edir ki, şikayət ərizəsi və ona əlavə edilmiş sənədlər icraata qəbul edilmədən şikayətçiyə geri qaytarılmalıdır. Belə ki, Azərbaycan Respublikası İXM-nin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh edilməsinə dair 04 noyabr 2020-ci il tarixli qərarında qeyd edilmişdir ki, qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq, yəni inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Elektron portaldan şəxsin fərdi məlumatları nəzərdən keçirilərkən müəyyən edilmişdir ki, X1 özü ünvan 1i ünvanında qeydiyyatdadır. Lakin iş materiallarına əlavə edilmiş 19 yanvar 2024-cü il tarixli TP seriyalı ******* nömrəli inzibati tənbeh vermə haqqında qərardan görünür ki, inzibati xətanın törədildiyi yer Bakı şəhəri Səbail rayon ərazisidir. Göründüyü kimi, nə inzibati xətanın törədildiyi yer, nədə ki, şikayətçinin yaşadığı yer üzrə qeydiyyat ünvanı Yasamal rayon ərazisi deyildir. X1 tərəfindən isə şikayət ərizəsinin giriş hissəsində onun faktiki yaşayış yeri Yasamal rayonu göstərilməsinə baxmayaraq buna dair məhkəməyə sübut təqdim edilməmişdir. X1 tərəfindən işə onun yaşayış yeri üzrə, yəni ünvan 3 ünvanı üzrə baxılmasına dair vəsatət daxil olsa da, onun həqiqətən də həmin ünvanda yaşamasını təsdiq edən sübut əlavə edilməmişdir. Yuxarıda qeyd edilənlərə əsasən məhkəmə hesab edir ki, hazırki iş üzrə məhkəməyə təqdim edilmiş sənədlər əsasında inzibati xəta haqqında işin baxılmağa hazırlanması mümkün deyil, ona görə də, Azərbaycan Respublikası DİN Bakı şəhər DYPİ-si tərəfindən qəbul edilmiş 19 yanvar 2024-cü il tarixli TP seriyalı ******* nömrəli qərardan verilmiş şikayət ərizəsi və ona əlavə edilmiş sənədlər X1na geri qaytarılmalıdır. Göstərilənlərə əsasən və Azərbaycan Respublikasının İnzibati Xətalar Məcəlləsinin 109 və 118-ci maddələrini rəhbər tutaraq, məhkəmə Q Ə R A R A A L D İ: X2 Azərbaycan Respublikası DİN Bakı şəhər DYPİ-si tərəfindən qəbul edilmiş 19 yanvar 2024-cü il tarixli TP seriyalı ******* nömrəli inzibati tənbeh vermə haqqında qərarından verdiyi şikayəti və ona əlavə edilmiş sənədlər geri qaytarılsın. Hakim: Günel Əkbərli