Bakı Şəhəri Yasamal Rayon Məhkəməsi Qərardad — İş №3(004)-6703/2022

Azərbaycan Respublikası adından QƏRARDAD Bakı şəhəri İş № 3(004)-6703/2022 24.11.2022 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Bəylər oğlunun sədrliyi, Məhkəmə iclasının katibi Əliyeva Zəminə Səməd qızının katibliyi, X1 BNA-nın 14 mart 2022-ci il tarixli ******* saylı elektron qərarından verdiyi şikayətə baxaraq məhkəmə müəyyən etdi: X2 BNA-nın 14 mart 2022-ci il tarixli ******* saylı elektron qərarından şikayətlə məhkəməyə müraciət etmişdir. Şikayəti və ona əlavə olunmuş materialları nəzərdən keçirib hesab edirəm ki, şikayət baxılması üçün aidiyyəti üzrə Bakı şəhəri Nəsimi Rayon Məhkəməsinə göndərilməlidir. Belə ki, işdə olan 14 mart 2022-ci il tarixli ******* saylı inzibati tənbeh vermə haqqında qərardan görünür ki, X2 istifadəsində olan “Ford Fusion” minik markalı 99VK977 dövlət qeydiyyat nişanlı nəqliyyat vasitəsini idarə edərkən dayanma qaydasını pozmasına görə barəsində BNA tərəfindən İnzibati Xətalar Məcəlləsinin 346.1-ci maddəsi ilə xx.xx.2022-ci il tarixdə elektron qərar çıxarılmışdır. Göründüyü kimi Bakı Nəqliyyat Agentliyi tərəfindən qəbul edilmiş 14 mart 2022-ci il tarixli ******* saylı inzibati tənbeh vermə haqqında qərar (fiziki şəxs kimi) X2 barəsində qəbul edilmişdir. Digər tərəfdən elektron məhkəmə informasiya sisteminin məlumatlarından görünür ki, X2 Bakı şəhəri, Yasamal rayonu, Ümid Əkbərov 86/7 ünvanında qeydiyyata alınmışdır. Məhkəmə hesab edir ki, inzibati xətanın törədilmə yeri Nəsimi rayonu ərazisidir. Ona görə də inzibati işə aidiyyəti üzrə Bakı şəhəri Nəsimi Rayon Məhkəməsində baxılmalıdır. Azərbaycan Respublikasının İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Azərbaycan Respublikasının Konstitusiya Məhkəməsinin Plenumunun “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh edilməsinə dair” 04 noyabr 2020-ci il tarixil Qərarına əsasən, qanunverici tərəfindən Azərbaycan Respublikası İnzibati Xətalar Məcəlləsinə dəyişiklik edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər, inzibati xəta haqqında iş üzrə qərardan verilən şikayətə baxmağa hazırlıq zamanı ərazi üzrə məhkəmə aidiyyəti, barəsində qərar çıxarılmış şəxsin “Yaşayış yeri və olduğu yer üzrə qeydiyyat haqqında" Azərbaycan Respublikası Qanunun 3-cü maddəsində əks olunan yaşayış yerinin müəyyən edilməsi barədə sənədlərdə və ya onların elektron daşıyıcısında göstərilən yaşayış yeri üzrə müəyyən edilir. Azərbaycan Respublikasının İXM-nin 109.1.7-ci maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, inzibati xəta haqqında protokolun aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarılır. Qeyd olunanlara əsasən hesab edirəm ki, inzibati xəta haqqında protokola Bakı şəhəri Yasamal Rayon Məhkəməsində baxılması üçün hüquqi əsaslar olmadığından inzibati xəta haqqında iş aidiyyəti üzrə baxılması üçün Bakı şəhəri Nəsimi Rayon Məhkəməsinə göndərilməlidir. Göstərilənlərə əsasən və Azərbaycan Respublikasının İnzibati Xətalar Məcəlləsinin 109.1.7, 110 və 118-ci maddələrini rəhbər tutaraq, qərara aldı: X1 BNA-nın 14 mart 2022-ci il tarixli ******* saylı elektron qərarından şikayəti aidiyyəti üzrə baxılması üçün Bakı şəhəri Nəsimi Rayon Məhkəməsinə göndərilsin. Hakim: Rəşad Cavadzadə