Bakı Şəhəri Yasamal Rayon Məhkəməsi Qərar — İş №3(004)-691/2025

Azərbaycan Respublikası adından QƏRAR Bakı şəhəri İş № 3(004)-691/2025 20.02.2025 BAKI ŞƏHƏRİ YASAMAL RAYON MƏHKƏMƏSİ X4 Məhəmməd qızının sədrliyi, Hacıyev Sərməst Faiq oğlunun katibliyi, şikayətçi X1 iştirakı ilə, Bakı şəhər BPİ DYPİ-nin xx.xx.2025-ci il tarixli, TP ******* saylı inzibati tənbeh vermə haqqında qərarından X3 tərəfindən verilmiş şikayətə açıq məhkəmə iclasında baxaraq, məhkəmə MÜƏYYƏN ETDİ: X3 şikayətlə məhkəməyə müraciət edərək, Bakı şəhər BPİ DYPİ-nin xx.xx.2025-ci il tarixli, TP ******* saylı inzibati tənbeh vermə haqqında qərarının ləğv edilməsini və barəsində başlanılmış inzibati iş üzrə icraata xitam verilməsini xahiş etmişdir. Şikayətçi ərizəsini onunla əsaslandırmışdır ki, TP ******* saylı inzibati tənbeh vermə haqqında tərtib edilmiş xx.xx.2025-ci il tarixli İXP ******* nömrəli protokola baxılaraq həmin gün saat 18ş45-də Mikayıl Müşfiq küçəsi ərazisində ona məxsus olan **-NF-*** dövlət qeydiyyat nişanlı Hyundai Accent markalı nəqliyyat vasitəsinə saxla əmri verilmişdir. Mövcud halı araşdırmaq və saxla əmrinin hansı səbəblə olduğunu soruşmaq üçün avtomobildən düşmüşdür. Yol polisi əməkdaşı ona avtomobilində olan işıq sisteminin onun avtomobili üçün uyğunsuz olduğunu vurğuladı və heç bir protokol tərtib etmədən avtomobilini duracağa təmin etdi. Sonra isə duracaqdan avtomobilin təhvil verdikdən sonra Bakı şəhər BPİ DYPİ-də 23-cü otağa getmiş və orada əyləşən inspektordan protokolu tələb etmişdir. Bir müddən sonra barəsində İXM-nin 342.2.2-ci maddəsilə tərtib edilmiş protokol ona təhvil verilmişdir. Xidməti inspektor bildirdi ki, işıqlar söküləndən sonra avtomobil cərimə meydançasından çıxa bilər. O, cərimə meydançasında işıqlarda birini sökərək videoya çəkmiş və sənədlərin koduna uyğun işıq cihazı quraşdırmışdır. Həmin işıqlar müəyyən olunmuş cihazla tənzimlənib, həm də avtomobilin interyerində belə həmin ön çəkən işıqlar müəyyən olunmuş cihazla tənzimlənib. Onun avtomobilində olmayan avadanlıqlara görə 2 gün avtomobil cərimə meydançasında qaldı. Göstərilənlərə əsasən Bakı şəhər BPİ DYPİ-nin xx.xx.2025-ci il tarixli, TP ******* saylı inzibati tənbeh vermə haqqında qərarının ləğv edilməsi və barəsində başlanılmış inzibati iş üzrə icraata xitam verilməsi xahiş edilmişdir. Məhkəmə iclasında iştirak edən şikayətçi Ə.N.Rüstəmov şikayət ərizəsinin məzmununa uyğun izahat verərək, şikayətinin təmin edilməsini xahiş etdilər. Bakı şəhər BPİ DYPİ-yə məhkəmə iclasının vaxtı və yeri barədə məlumat verilməsinə baxmayaraq, nümayəndəsi məhkəmə iclasına gəlməmiş, gəlməməsinin üzrlü səbəbi barədə məhkəməyə heç bir məlumat verməmişdir. Ona görə də məhkəmə şikayət vermiş şəxsin iştirakı olmadan işə baxılmasını mümkün hesab edir. Məhkəmə proses iştirakçılarının dinləyib, iş materiallarını araşdırıb hesab edir ki, şikayət əsassız olduğundan təmin olunmamalıdır. Belə ki, iş materiallarına əlavə edilmiş Bakı şəhər BPİ DYPİ-nin xx.xx.2025-ci il tarixli, TP ******* saylı inzibati tənbeh vermə haqqında qərarından görünür ki, Ə.N.Rüstəmov xx.xx.2025-ci il tarixdə, saat 18:45-də M.Müşfiq küçəsində olan ərazidə Hyundai Accent minik markalı, **-NF-*** dövlət qeydiyyat nişanlı nəqliyyat vasitəsi ilə hərəkətdə olan zaman normativ tələblər pozulmaqla avadanlığın dəyişdirilməsinə görə Azərbaycan Respublikası İnzibati Xətalar Məcəlləsinin 342.2.2-ci maddəsində nəzərdə tutulmuş inzibati xətanı törətmiş və həmin xətanı törətdiyinə görə 150 (bir yüz əlli) manat məbləğində cərimə edilmişdir. İş materiallarında olan xx.xx.2025-ci il tarixli aktdan görünür ki, nəqliyyat vasitəsinin ön hissəsində olan led lampalar dəyişdirilmişdir. Beləliklə, məhkəmə iclasında müəyyən olundu ki, şikayətçi Ə.N.Rüstəmov xx.xx.2025-ci il tarixdə, saat 18:45-də ünvanında ona məxsus olan Hyundai Accent minik markalı, **-NF-*** dövlət qeydiyyat nişanlı nəqliyyat vasitəsi ilə hərəkətdə olan zaman ön faranın ışıqlandırılmasının artırılması məqsədi ilə nəqliyyat vasitəsində led lampalar quraşdırılmaqla normativ tələblər pozulmaqla avadanlığın dəyişdirilməsi hallarına yol vermişdir. Ona görə də Bakı şəhəri BPİ DYPİ-nin YPX-nin inspektoru tərəfindən onun barəsində həmin tarixdə İXP ******* saylı inzibati xəta haqqında protokol tərtib edilmişdir. Sürücü Ə.N.Rüstəmov inzibati xəta hadisəsinin mövcudluğu ilə razılaşmadığından qanunvericiliyin tələbinə uyğun olaraq yerində qərar qəbul edilməmiş və inzibati xəta haqqında protokol baxılması üçün yuxarı səlahiyyətli orqana (vəzifəli şəxsə) göndərilmişdir. xx.xx.2025-ci il tarixdə Bakı şəhəri BPİ DYPİ-nin polis mayoru X2 tərəfindən idarənin inzibati binasında işə baxılmış və Ə.N.Rüstəmovun yol verdiyi inzibati xəta öz təsdiqini tapdığından o, Azərbaycan Respublikasının İnzibati Xətalar Məcəlləsinin 342.2.2-ci maddəsi ilə təqsirli bilinərək 150 (bir yüz əlli ) manat məbləğində inzibati cərimə edilmişdir. Şikayətçi şikayətində onun tərəfindən qeyd edilən pozuntunun törədilməməsini qeyd etsə də, bu barədə əsaslı dəlili məhkəməyə təqdim edə bilməmişdir. Həmçinin müəyyən edilir ki, sanksiya həddində inzibati tənbeh tətbiq edilmişdir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Bununla da şikayətçi İXM-in həmin maddəsində göstərilən inzibati xətanı törətmişdir. Həmçinin şikayətçi onun həmin maddədə göstərilən inzibati xətanı törətməməsini, həmçinin başqa inzibati xətanı törəməsini bildirsə də, məhkəmə zalında internetdə inzibati xətanı araşdırdığını, həmin maddənin sanksiyasında 50 manat cərimənin nəzərdə tutulduğunu bildirsə də, məhkəmədə müəyyən edildi ki, o həmin maddədə göstərilən inzibati xətanı törətmişdir, bu barədə onun barəsində protokol tərtib edilmişdir. İXM-in yuxarıda qeyd edilən maddəsinə əsasən isə protokol inzibati iş üzrə sübut kimi qəbul edilir. Həmin protokolla şəxsin inzabati xəta törətməsi tam sübut olunur. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin həmin qərarla xəta törətmiş şəxs maddənin sanksiyada nəzərdə tutulmuş həddə inzibati tənbeh edilmişdir. Ona görə də inzibati tənbehin daha da yüngülləşdirilməsi və qərarın dəyişdirilməsi üçün əsaslar da yoxdur. Həmçinin İXM-in 135.1.6-cı maddəsinə əsasən həmin Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardan biri kimi müəyyən edilmişdir. Lakin hazırkı iş üzrə işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu müəyyən edilmədi. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar isə dəyişdirilmədən saxlanılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 128-137-ci maddərini rəhbər tutaraq, məhkəmə QƏRARA ALDİ: X1 şikayəti təmin edilməsin. Bakı şəhər BPİ DYPİ-nin xx.xx.2025-ci il tarixli, TP ******* saylı inzibati tənbeh vermə haqqında qərarı dəyişdirilmədən saxlanılsın. Qərarın surəti tərəflərə rəsmi qaydada verildikdən sonra 10 (on) gün müddətində Bakı Apellyasiya Məhkəməsinə şikayət verilə bilər. Sədrlik edən: Sevinc Quliyeva