Bakı Şəhəri Yasamal Rayon Məhkəməsi Qərar — İş №3(004)-7085/2022

Azərbaycan Respublikası adından QƏRAR Bakı şəhəri İş № 3(004)-7085/2022 30.11.2022 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Məhkəmə iclasının katibi Əliyeva Zəminə Səməd qızının katibliyi, Bakı şəhəri Yasamal RPİ-nin 29-cu PB-nin sahə inspektoru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1996-ci il tarixdə Bakı şəhərində anadan olmuş, Azərbaycan Respublikasının vətəndaşı, subay, ünvan 1 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xəta haqqında materiala baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməsinə dair 30 noyabr 2022-ci il tarixli MN seriyalı ******* saylı inzibati xəta haqqında protokol və ona əlavə edilmiş materiallar Bakı şəhəri Yasamal Rayon Məhkəməsinə daxil olmuşdur. İnzibati xəta haqqında protokola və ona əlavə edilmiş materiallara əsasən, Şəxs polisin qanuni tələblərinə tabe olmamışdır. Məhkəmə iclasında iştirak edən Bakı şəhəri Yasamal RPİ-nin 29-cu PB-nin sahə inspektoru, polis leytenantı X2 inzibati xəta haqqında protokolu müdafiə edərək bildirmişdir ki, xx.xx.2022-ci ildə saat 01:10 radələrində Yasamal rayonu, M.Həsənov küçəsində “BMW” markalı **-CY-*** d.q.n-lı avtomaşının səs gücünün artırılması məqsədilə normativ tələblər pozulmaqla avadanlığın dəyişdirilməsi aşkar olunmuşdur. Avtomobilin sürücüsü Şəxs nəqliyyat vasitəsinin duracağa aparılmalı olduğu bildirilsə də, o bununla razılaşmamış və müxtəlif cür bəhanələr gətirərək polisin qanuni tələbinə tabe olmamışdır. Həmçinin avtomobilin evakuator vasitəsilə aparılmasını təmin etmək mümkün olmamışdır. Odur ki, Şəxs barəsində müvafiq inzibati tənbeh tədbirinin tətbiq edilməsini xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü təqsirli bilməmişdir. Onun sözlərinə görə xx.xx.2022-ci il tarixdə, gecə saat 01:00 radələrində polis əməkdaşları tərəfindən heç bir qayda pozmadığı halda saxlanılmışdır. O bildirmişdir ki, YPX əməkdaşları ona avtomobilin səs gücünün çox olduğunu əsas gətirərək avomobili duracağa sürməli olduğunu söyləmiş, o isə avtomobildə səs gücünün, işlənmiş qazların xaricetmə sisteminin normal qaydada olduğunu, heç bir konstruksiya dəyişikliyinin olmadığını qeyd etmişdir. O, polisin tələbinin qanunsuz olduğunu iddia edərək protokol yazılmasını və avtomobilin evakuator vasitəsilə aparılmasını təklif etmiş, həmçinin polis əməkdaşlarından hansı qanuna görə saxlanılması barədə izah istəsə də, YPX əməkdaşları onun tabesizlik nümayiş etdirdiyini əsas gətirərək PPX əməkdaşlarını çağırmış və onu 29-cu PŞ-nə gətirmişlər Bundan əlavə verilmiş suala cavab olaraq bildirdi ki, o, saxlanılarkən ona Azərbaycan Respublikasının İnzibati Xətalar Məcəlləsində nəzərdə tutulan hüquqları izah olunmuş, iş materialları ilə tanış olmuş, tutulan zaman və polis şöbəsində olduğu dövrdə heç bir fiziki təzyiqə və zorakılığa məruz qalmamışdır. Məhkəmə iclasında şahid qismində iştirak edən Bakı şəhəri Yasamal Rayon Polis İdarəsinin yol patrul xidmətinin inspektoru X4 bildirmişdir ki, xx.xx.2022-ci il tarixində saat təxmiynən 01:10 radələrində M.Həsənov küçəsində xidmət aparan zaman hərəkətdə olan BMW markalı 10CY420 dövlət qeydiyyat nişanlı avtomobildə normativ tələblər pozulmaqla sonradan səsboğucunun qazanından sonra əlavə borunu quraşdırılması halı müəyyən edildiyindən həmin avtomobilin duracağa yerləşdirilməsini təmin etmək məqsədi ilə sürüçüyə onu duracağa yerləşdirilməli olmasını bildirdik lakin sürümü sürücü qanuni tələbimizin yerinə yetirməsindən yayındı və təxmiynən 1 saat ona qanunvericiliyin tələbləri izah olunmasına baxmayaraq tələbimiz yerinə yetirilməmiş qaldı. Bunun nəticəsində iş fəaliyyətimin pozuldu.Eyni zamnda bildirmişdir ki, avtomobillərinə əlavə avadanlıq quraşdıraraq yüksək səs gələ gələ avtomobili gecə vaxtı ərzində idarə edən sürüçülər barəsində daim vətəndaşlar tərəfində narazılıq ifadə edilir və bu kimi hallara son qoyulması xahiş edilir. İş materiallarında olan diskə baxış keçirilərkən müəyyən olunmuşdur ki, Şəxs idarə etdiyi avtomobilin alt hissəsində (səs boğucu oan hissədə) əlavə dəmir boru qaynaq edilməklə quraşdırılmdır, Şəxs idarə etdiyi avtomobilin duracağa yerləşdirilməsi tələb edilir lakin o, müxtəlif bəhanələr gətirməklə mübahisə edir və polisin qanuni tələbinə məhəl qoymur. Məhkəmə proses iştirakçılarının izahatlarını dinləyərək və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xəta törətməsi tam sübuta yetirilir. Azərbaycan Respublikasının İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə inzibati məsuliyyət nəzərdə tutulur. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə Bakı şəhəri Yasamal RPİ-nin 29-cu PB-nin sahə inspektoru X2 tərəfindən tərtib edilmiş xx.xx.2022-ci il tarixli MN seriyalı ******* saylı inzibati xəta haqqında protokolu nəzərdən keçirib, məhkəmə iclasında iştirak edən şəxsləri dinləyib, həmçinin iş materiallarında olan diski və digər iş materiallarını araşdırıb hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan əməli törətməsi toplanmış sübutlarla təsdiqini tapır. Ona görə də o, inzibati məsuliyyətə cəlb edilməlidir. “Polis haqqında” Azərbaycan Respublikası Qanununun 17-ci maddəsinin 1-ci bəndinə görə hər bir şəxsdən cinayətlərə və digər hüquqpozmalara, şəxsiyyət və ictimai asayiş üçün təhlükə törədən və onlara şərait yaradan hərəkətlərə son qoyulmasını tələb etmək üzərinə düşən vəzifələrin yerinə yetirilməsi üçün polis əməkdaşının hüququdur. Azərbaycan Respublikasının İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikasının İnzibati Xətalar Məcəlləsinin 32 və 33-cü maddələrinə əsasən Şəxs məsuliyyətini yüngülləşdirən və ağırlaşdıran hallar müəyyən edilməmişdir. Məhkəmə Şəxs törətdiyi inzibati xətanın hallarını, şəxsiyyətini xarakterizə edən halları nəzərə alaraq hesab edir ki, o, Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinməli, onun barəsində həmin maddənin sanksiyasında nəzərdə tutulmuş həbs növündə inzibati tənbeh tədbirinin tətbiq edilməsi məqsədəmüvafiqdir. Azərbaycan Respublikasının İnzibati Xətalar Məcəlləsinin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Məhkəmə həmçinin hesab edir ki, inzibati həbsdə saxlama müddətinin əvvəli 29 noyabr 2022-ci il tarixdən, saat 03:00-dan hesablanmalıdır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-117, 128-130, 535-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinərək barəsində 08 (səkkiz) gün müddətinə inzibati həbs tətbiq edilsin. İnzibati həbs müddətinin əvvəli 29 noyabr 2022-ci il tarixdən, saat 03:00-dan hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti tərəfə təqdim edildiyi və ya alındığı gündən 10 (on) gün müddətində Bakı Şəhəri Yasamal Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim: Rəşad Cavadzadə