Bakı Şəhəri Yasamal Rayon Məhkəməsi Qərar — İş №3(004)-7591/2022

Azərbaycan Respublikası adından QƏRAR Bakı şəhəri İş № 3(004)-7591/2022 26.12.2022 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X1 iclas katibliyi ilə, Müdafiəçi: X3 xx.xx.1975-ci ildə Bakı şəhərində anadan olmuş, ailəli, Astara rayonu, Vaqo kəndində qeydiyyatda olan və ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İXM-nin 528.1-ci maddəsi ilə Bakı Şəhəri Yasamal Rayon İcra Şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Bakı Şəhəri Yasamal Rayon Məhkəməsinin 2(004)-3560/2019 saylı, xx.xx.2019-cu il tarixli icra sənədinə əsasən borclu Şəxs cəmi 4980 (dörd min doqquz yüz səksən) manat məbləğində pul tutularaq tələbkar X2 ödənilməlidir. Bakı Şəhəri Yasamal Rayon Məhkəməsinin 2(004)-4181/2021 saylı, xx.xx.2021-ci il tarixli icra sənədinə əsasən borclu Şəxs cəmi 6530 (altı min beş yüz otuz) manat məbləğində pul tutularaq tələbkar X2 ödənilməlidir. Borclu icra vərəqələrində göstərilən tələbləri icra etmir və icra sənədlərinin icrası ilə bağlı icra məmurunun qanuni tələblərini yerinə yetirmir. Beləliklə də borclu icra sənədlərini üzürsüz səbəbdən icra etməmişdir. Bununla Şəxs İXM-in 528.1-ci maddəsində nəzərdə tutulmuş inzibati xətanı törətmişdir. Onun barəsində Yasamal rayon icra və Probasiya şöbəsinin icra məmuru tərəfindən xx.xx.2022-ci il tarixli MN ******* saylı inzibati xəta haqqında protokol tərtib olunmuşdur. Barəsində inzibati xətalar haqqında iş üzrə icraat aparılan şəxs Şəxs məhkəməyə verdiyi izahatında bildirdi ki, barəsində olan Bakı Şəhəri Yasamal Rayon Məhkəməsinin 2(004)-3560/2019 saylı, xx.xx.2019-cu il tarixli icra sənədindən xəbərdardır, Bakı Şəhəri Baş Polis İdarəsində izahat verərək məlumat almış və ona bildirmişlər ki, Bakı Şəhəri Yasamal Rayon İcra Şöbəsi tərəfindən axtarışdadır. Bundan sonra o, nümayəndə tutmuş, nümayəndə də işi uzadaraq həmin qətnamədən apelyasiya şikayəti vermiş, lakin müddəti ötürdüyü üçün apelyasiya şikayətini vermək üçün müddət bərpa olunmamışdır. Sonra polis idarələrinə yazdığı şikayətlər ilə bağlı araşdırmalar aparılır və onun nəticəsini gözləyir. barəsində olan Bakı Şəhəri Yasamal Rayon Məhkəməsinin 2(004)-4181/2021 saylı, xx.xx.2021-ci il tarixli icra sənədindən xəbəri olmayıb. Məhkəməyədək o, X2 əslində faizə götürdüyü pulu ödəmişdir, lakin məhkəmələrdə onun iştirakı olmadan qətnamələr çıxarılmışdır, halbuki qızıl-zinət əşyalarına qoub faizə pul götürmüşdür, həmin qızıllar hazırda da Adilə Həsənovadadır. Polis idarəsində araşdırma yekunlaşandan sonra icra sənədlərini tam icra edəcək. Məhkəmə iclasında iştirak edən tələbkar (zərər çəkmiş şəxs) X4 bildirdi ki, Şəxs hər iki məhkəmə qətnaməsində göstərilən məbləğləri ödəmir. Müxtəlif bəhanələrlə ödənişdən yayınır. Ona görə də müxtəlif dövlət orqanlarına şikayətlər edir ki, tədbir görülsün. Şikayətçidir, borclu barəsində ciddi tənbeh tətbiq edilməsini xahiş edir. Yasamal rayon İcra Şöbəsinin icra məmuru Sahib Allahverdiyev məhkəməyə verdiyi izahatında bildirdi ki, borclu dəfələrlə icra şöbəsinə dəvət edilərək borcunu ödəmək ona təklif edilmiş, həmçinin imkanı olmadığı təqdirdə hissə-hissə ödəmək təklif edilsədə, müxtəlif bəhanələrlə icradan yayınmış, hazırda protokolda göstərilən məbləğdə borcu yaranmışdır, bununla da üzrsüz səbəbdən icra vərəqəsini icra etməmişdir. İş materiallarında olan Bakı Şəhəri Yasamal Rayon Məhkəməsinin 2(004)- 3560/2019 saylı, xx.xx.2019-cu il tarixli icra sənədinə əsasən borclu Şəxs cəmi 4980 (dörd min doqquz yüz səksən) manat məbləğində pul tutularaq tələbkar X2 ödənilməlidir. İş materiallarında olan Bakı Şəhəri Yasamal Rayon Məhkəməsinin 2(004)- 4181/2021 saylı, xx.xx.2021-ci il tarixli icra sənədinə əsasən borclu Şəxs cəmi 6530 (altı min beş yüz otuz) manat məbləğində pul tutularaq tələbkar X2 ödənilməlidir. İcra məmuru tərəfindən xx.xx.2019-cu il tarixli və xx.xx.2021-ci il tarixli qərarlarla icraata başlanılmış, tələbin könüllü icrası barədə borcluya 10 günlük müddət verilmişdir, bu barədə borclu məlumatlandırılmışdır. Azərbaycan Respublikası İXM-in 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati xəta kimi müəyyən edilmişdir. Həmin xətaya görə inzibati cərimə və ya inzibati həbs nəzərdə tutulmuşdur. Şəxs həmin inzibati xətanı törətməsi barəsində tərtib olunmuş yuxarıda qeyd edilən inzibati xəta haqqında protokol, icra vərəqəsi, bildiriş, özünün məhkəməyə verdiyi izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xətanın xarakterini, məhkəmə qərarının icra olunmamasındakı müddəti, inzibati xətanın pul borcu ilə əlaqədar olduğunu, pul məbləği ilə bağlı icra sənədini icra etməyən şəxsin yenidən cərimələnməsinin lüzumsuz olduğunu nəzərə alaraq, məhkəmə hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilinməz. Belə ki, inzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd edilənlərə əsasən məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər. Həmçinin məhkəmə inzibati xəta törətmiş şəxsin nəzərinə çatdırır ki, İXM-in 31.5-ci maddəsinə əsasən inzibati tənbehin tətbiq edilməsi həmin inzibati tənbehə səbəb olmuş öhdəliklərin yerinə yetirilməsindən onu azad etmir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, 10 (on) gün müddətinə inzibati həbs edilsin. Həbsetmənin əvvəli xx.xx.2022-ci il tarixdən, saat 16:30-dan hesablansın. Qərar dərhal icra edilsin. Şəxsin inzibati həbsin icrası yerinə çatdırılması Bakı Şəhəri Yasamal Rayonu İcra Şöbəsinə və Bakı Şəhəri Yasamal rayon Polis İdarəsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov