Bakı Şəhəri Yasamal Rayon Məhkəməsi Qərar — İş №3(004)-792/2023

Azərbaycan Respublikası adından QƏRAR Bakı şəhəri İş № 3(004)-792/2023 06.03.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Məmmədov Murad Akif oğlunun sədrliyi, X1 iclas katibliyi ilə Hüquqi ünvanı Bakı şəhəri, Yasamal rayonu, Həsənbəy Zərdabi pr., məhəllə 593, mənzil 72 olan Şəxs MMC-nin (VÖEN: **********) barəsində Azərbaycan Respublikası İnzibati Xətalar Məcəlləsinin 485.1-ci maddəsi ilə Azərbaycan Respublikası Dövlət Gömrük Komitəsi Bakı Baş Gömrük İdarəsindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: Hüquqi şəxs olan "X3" MMC-nin ünvanına İran İslam Respublikasından 77EU426/50ZB264 və 36AB681/36AB682 nömrəli nəqliyyat vasitəsilərlə idxal edilmiş və Bakı Bas Gömrük idarəsində **********5711 sorğu nömrəli və **********6374 sorğu nömrəli xx.xx.2023-cü il tarixli gömrük bəyannamələri ilə bəyan edilmiş mallara dair əvvəlcədən **********1392 və **********1394 sorğu nömrəli elektron qaydada qısa idxal bəyannamələri verilmiş, lakin həmin qısa idxal bəyannamələrində malların invoys dəyərinin düzgün göstərilmədiyi aşkar edilmişdir.Belə ki, **********5711 sorğu nömrəli gömrük bəyannaməsində bəyan edilmiş malların invoys dəyəri 33222,00 ABŞ dolları olsa da, həmin mallara dair **********1392 sorğu nömrəli elektron qaydada qısa idxal bəyannaməsində malların invois dəyərinin 15855,20 ABŞ dolları olduğu göstərilmiş,həmçinin **********6374 sorğu nömrəli gömrük bəyannaməsində bəyan edilmiş malların invois dəyəri 16768,40 ABŞ dolları olsa da, h.min mallara dair **********1394 sorğu nömrəli elektron qaydada qısa idxal bəyannaməsində malların invois dəyərinin 8148,23 ABŞ dolları olduğu göstərilmişdir. Nəticədə, Şəxs MMC-nin əməlində Azərbaycan Respublikası İnzibati Xətalar Məcəlləsinin 485.1-ci maddəsinin tərkib əlamətlərinin olduğu müəyyən edilmişdir. Bununla da Şəxs MMC İXM-in 485.1-ci maddəsində nəzərdə tutulmuş inzibati xətanı törətmişdir. Onun barəsində xx.xx.2023-ci il tarixli, 00100-00295/23 saylı inzibati xəta haqqında protokol tərtib olunmuşdur. Barəsində inzibati xətalar haqqında iş üzrə icraat aparılan şəxsə (hüquqi şəxsə)və protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndələrini göndərməmiş və gəlməmələrinin üzrlü səbəbləri barədə məhkəməyə heç bir məlumat verməmişlər. Ona görə də məhkəmə onların iştirakı olmadan işə baxılmasını mümkün hesab edir. Məhkəmə iş materiallarını araşdırıb, toplanmış sübutlara məcmu halda hüquqi qiymət verərək hesab edir ki, Şəxs MMC-nin Azərbaycan Respublikasının İnzibati Xətalar Məcəlləsinin 485.1-ci maddəsində nəzərdə tutulan əməli törətməsi tam sübuta yetirilir. Belə ki, İXM-in 485.1-ci maddəsinə əsasən Azərbaycan Respublikasının Gömrük Məcəlləsi ilə müəyyən edilmiş hallarda, mallar və nəqliyyat vasitələri Azərbaycan Respublikasının gömrük ərazisinə gətirilərkən Azərbaycan Respublikasının gömrük sərhədindən keçmə barədə və ya gömrük ərazisindən aparılarkən malların və nəqliyyat vasitələrinin aparılması barədə müvafiq icra hakimiyyəti orqanına məlumatların verilməməsinə və ya təhrif olunmuş məlumatın verilməsinə, yaxud malların və nəqliyyat vasitələrinin məlumatda göstərilən yerə müəyyən edilmiş vaxtda çatdırılmamasına görə fiziki şəxslər iyirmi manatdan əlli manatadək məbləğdə, vəzifəli şəxslər yetmiş manatdan yüz manatadək məbləğdə, hüquqi şəxslər iki yüz əlli manatdan beş yüz manatadək məbləğdə cərimə edilir. Şəxs MMC-nin həmin inzibati xətanı törətməsi onun barəsində tərtib olunmuş xx.xx.2023-cü il tarixli, 00100-00295/23 saylı inzibati xəta haqqında protokolla, 34/012/002171 saylı xx.xx.2023-cü il tarixli raport, **********5711 və **********6374 sorğu nömrəli gömrük bəyannamələri, **********1392 və **********1394 sorğu nömrəli qısa idxal bəyannamələri, “VAİS” informasiya resursundan çıxarışla və işdə olan digər sənədlərlə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114,128-130-cu maddərini rəhbər tutaraq, məhkəmə QƏRARA ALDİ: Şəxs MMC İnzibati Xətalar Məcəlləsinin 485.1-ci maddəsi ilə təqsirli bilinərək, 250 (iki yüz əlli) manat məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Murad Məmmədov