Bakı Şəhəri Yasamal Rayon Məhkəməsi Qərar — İş №3(004)-830/2021

Azərbaycan Respublikası adından QƏRAR Bakı şəhəri İş № 3(004)-830/2021 02.04.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Cavadzadə Rəşad Bəylər oğlunun sədrliyi, Məhkəmə iclas katibi Əliyeva Zəminə Səməd qızının katibliyi, Barəsində inzibati xəta haqqında iş üzrə icraat aparılan Şəxs iştirakı ilə, xx.xx.1989-cu il tarixdə Sumqayıt şəhərində anadan olmuş, Azərbaycan Respublikası vətəndaşı, subay, Salyan rayonunun Artbatan kəndində qeydiyyatda olan Şəxs barəsində Bakı şəhəri Yasamal Rayon Polis İdarəsindən daxil olmuş inzibati xəta haqqında materiallara baxaraq, məhkəmə müəyyən etdi: Şəxs xx.xx.2021-ci il tarixdə, saat 15:40 radələrində etibarnamə ilə idarə etdiyi “Mersedes Benz 190” minik markalı, AZ **-UP-*** dövlət qeydiyyat nişanlı avtomaşınla Yasamal rayonu Bravo marketin yaxınlığında olan “3 manatlıq avtoyumanın” yanında ondan eyni istiqamətdə, lakin ondan bir qədər geridə hərəkət edən X1 idarə etdiyi “Mercedes Benz E 220 CDİ” minik markalı, AZ **-SL-*** dövlət qeydiyyatlı avtomaşınla toqquşmuşdur. Nəticədə maşınlara ziyan dəymiş və şəxslər xəsarət almışdırlar. Barəsində inzibati xəta haqqında iş üzrə icraat aparılan Şəxs məhkəmə iclasında törətdiyi inzibati xətada özünü təqsirli bilərək verdiyi izahatında göstərmişdir ki, o, xx.xx.2021-ci il tarixdə saat 15:40 radələrində etibarnamə ilə idarə etdiyi Mercedes Benz 190 minik markalı **-UP-*** dövlət qeydiyyat nişanlı avtomobillə Yasamal rayonu M.Xiyabani küçəsi ilə, yolun hərəkət istiqamətinin sol zolağı ilə, təxminən 30 km/saat sürətlə üzü “Qismət” şadlıq sarayı istiqamətinə gedən zaman M.Xiyabani küçəsində yeriəşən “Bravo” marketin qarşısına çatanda, həmin marketin yanında olan avtoyuma məntəqəsinin boş olduğunu görmüş və avtomobili yudurmaq məqsədi ilə dönmə nişanından istifadə etməklə sola dönmək istəmişdir. Həmin vaxt qarşıdan, yəni əks hərəkət istiqamətindən avtomobil və ya digər nəqliyyat vasitəsi gəlmədiyinə görə o sola dönməyə başlamışdır. Həmin vaxt arxada olan avtomobillər dayanıb onun dönməyisini gözləmişlər. Bu zaman onunla eyni istiqamətdə, lakin onun idarə etdiyi avtomobildən bir qədər geridə olan Mercedes Benz markalı **-SL-*** dövlət qeydiyyat nişanlı avtomobil yolun əks hərəkət istiqamətinə çıxaraq onun avtomobilini və digər avtomobilləri sürətlə ötüb keçmək istəmişdir. Həmin avtomobil sürətlə hərəkət etdiyinə görə, onu son anda görüb avtomobili dayandırmış, lakin buna baxmayaraq həmin avtomobil onun idarə etdiyi avtomobilin sol yan hissəsinə çırpılmışdır. Nəticədə hər iki avtomobilə ciddi zərər dəydi, həmçinin, hadisə zamanı bədən xəsarəti almasını bildirmiş və buna görə hadisədən bir qədər sonra TTYS-nə zəng edib hadisə barədə məlumat vermiş və təxminən 10 dəqiqədən sonra TTYS-nin ekipajı hadisə yerinə gələrək onu 3 saylı Şəhər Kliniki Xəstəxanasına aparmışlar. Orada məlum olmuşdur ki, hadisə nəticəsində onun sol qabırğası əzilmişdir. Həkim onu müayinə etdikdən sonra evə göndərmişdir. O, əməlindən peşman olmasını nəzərə alaraq, barəsində yüngül inzibati tənbeh tətbiq edilməsini xahiş etmişdir. İş materiallarında olan Bakı şəhəri Yasamal rayon Polis İdarəsi DYPŞ-nin baş inspektoru X2 tərəfindən tərtib edilmiş xx.xx.2021-ci il tarixli, İXP ******* nömrəli inzibati xəta haqqında protokoldan görünür ki, Şəxs Azərbaycan Respublikası İnzibati Xətalar Məcəlləsinin 327.8-ci maddələrində nəzərdə tutulmuş inzibati xətaları törətmişdir. İş materiallarında olan Bakı şəhəri Yasamal rayon Polis İdarəsi Təhqiqat Şöbəsinin təhqiqatçısı Aydın Zeynalov tərəfindən qəbul edilmiş xx.xx.2021-ci il tarixli qərarla, qərarın təsviri hissəsində göstəriiəniərə əsasən yol-nəqliyyat hadisəsi faktına dair toplanmış material üzrə əməldə cinayət tərkibi olmadığından cinayət işinin başlanmasının rədd edilməsi, “Mercedes Benz 190” minik markalı, AZ **-UP-*** dövlət nömrə nişanlı avtomobilin sürücüsü Şəxs hərəkətlərində «Yol hərəkəti haqqında» Azərbaycan Respublikası Qanunun 60-cı maddəsinin 2-ci hissəsinin və Azərbaycan Respublikası İXMnin 327.8-ci maddəsinin tələblərinə uyğunsuzluq olmasına görə onun barəsində inzibati qaydada tədbir görülməsindən ötrü toplanmış material üzrə cinayət işinin başlanmasının rədd edilməsi haqqında qəbul edilmiş qərarın surətinin Yasamal RPİ-nin DYPŞ-nə göndərilməsi qərara alınmışdır. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd olunan Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə inzibati xəta haqqında iş üzrə materialları araşdırıb, sübutlara qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 327.8ci maddəsində nəzərdə tutulmuş əməli törətməsi Bakı şəhəri Yasamal rayon Polis İdarəsi DYPŞ-nin baş inspektoru X2 tərəfindən tərtib edilmiş xx.xx.2021-ci il tarixli, İXP ******* nömrəli inzibati xəta haqqında protokol, xx.xx.2021-ci il tarixli cinayət işinin başlanmasının rədd edilməsi haqqında qərar və digər iş materialları ilə sübuta yetirilir. Odur ki, Şəxs İXM-nin 327.8-ci maddəsində nəzərdə tutulmuş inzibati xətanı törətməkdə təqsirli bilinib, barəsində həmin maddədə nəzərdə tutulmuş inzibati tənbeh tətbiq edilməlidir. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinin tələbinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinin tələbinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs özünü təqsirli bilərək əməlindən peşman olmasını məsuliyyəti yüngülləşdirən hallar kimi nəzərə alır. Şəxs törətdiyi inzibati xətaya görə məsuliyyətini ağırlaşdıran hallar müəyyən edilmədi. Məhkəmə inzibati tənbeh tədbiri tətbiq edərkən inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin şəxsiyyətini və işin digər hallarını nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 327.8-ci maddəsinin sanksiyasında nəzərdə tutulan cərimə növündə inzibati tənbehin tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 49-51, 114-115, 117, 129 və 130-cu maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinib 200 (iki yüz) manat miqdarında inzibati qaydada cərimə edilsin. Qərarın surəti rəsim qaydada alındığı gündən 10 (on) gün müddətində Bakı Apellyasiya Məhkəməsinə şikayət və ya protest verilə bilər. Hakim: Rəşad Cavadzadə