Bakı Şəhəri Yasamal Rayon Məhkəməsi Qərar — İş №3(004)-831/2023

Azərbaycan Respublikası adından QƏRAR Bakı şəhəri İş № 3(004)-831/2023 24.02.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X1 iclas katibliyi ilə xx.xx.1995-ci ildə Bakı şəhərində anadan olmuş, Azərbaycan Respublikası vətəndaşı, Bakı şəhəri, Xətai rayonu, R.Məmmədov küçəsi, ev 15Q, mənzil 38 qeydiyyatda olan Şəxs barəsində İnzibati Xətalar Məcəlləsinin 338.7-ci maddəsi ilə Yasamal Rayon Polis İdarəsinin Dövlət Yol Polisi Şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs xx.xx.2022-ci il tarixdə təxminən saat 19:05 radələrində özünə məxsus olan “Moon ZX-AF49CC” markalı mopedlə Yasamal rayonu, İnşaatçılar prospekti 11 ünvanında hərəkət edərkən yolun hərəkət hissəsini “piyada keçidi” üfüqi yol nişanlanmanın üzərində keçən piyada X2 vurmuşdur. Piyada hadisə yerinə gəlmiş TTY avtomobili ilə ilk tibbi yardım edilməsi üçün Mirqasımov adına Respublika Kliniki Xəstəxanasına aparılmışdır. Yol hərəkəti qaydası Şəxs tərəfindən pozulmuşdur, zərərçəkən X3 dərəcəsinə görə sağlamlığın qısa müddətdə pozulmasına səbəb sağlamlığa yüngül zərər vurmaya aid xəsarət yetirilmişdir. Bununla da o, İXM-in 338.7-ci maddəsində nəzərdə tutulmuş inzibati xətanı törətmişdir. Onun barəsində xx.xx.2023-cü il tarixli, İXP ******* saylı inzibati xəta haqqında protokol tərtib olunmuşdur. Protokol “cinayət işinin başlanılmasının rədd edilməsi haqqında” Yasamal RPİ-nin İstintaq Şöbəsinin müstəntiqi Vüsal Şahbazov xx.xx.2022-ci il tarixli qərarı əsasında tərtib edilmişdir. Həmin qərarla Şəxs barəsində cinayət işinin başlanması rədd edilmişdir, barəsində İXM-nin 338.7-ci maddəsi ilə inzibati tədbir görülməsi üçün materiallar aidiyyəti üzrə göndərilmişdir. Qərara əsasən Məhkəmə-tibb ekspertizasının xx.xx.2022-ci il tarixli 1310 nömrəli rəyi ilə müəyyən edilmişdir ki, T.İ.Nazarovanın aldığı xəsarətlər dərəcəsinə görə sağlamlığın qısa müddətə pozulmasına səbəb olan sağlamlığa yüngül zərər vurmaya aiddir. Barəsində inzibati xətalar haqqında iş üzrə icraat aparılan şəxsə və protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndələrini göndərməmiş və gəlməmələrinin üzrlü səbəbləri barədə məhkəməyə heç bir məlumat verməmişlər. Ona görə də məhkəmə onların iştirakı olmadan işə baxılmasını mümkün hesab edir. İXM-nin 338.7-ci maddəsinə əsasən həmin Məcəllənin 338.4 - 338.6-cı maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulması inzibati xəta kimi müəyyən edilmişdir. Şəxs həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol, özünün məhkəməyədək verdiyi etirafedici izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 338.7-ci maddəsi ilə təqsirli bilinərək, 80 manat (səksən manat) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov