Bakı Şəhəri Yasamal Rayon Məhkəməsi Qərar — İş №3(004)-8335/2025

Azərbaycan Respublikası adından QƏRAR Bakı şəhəri İş № 3(004)-8335/2025 14.11.2025 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlunun sədrliyi, Eyvazzaədə Maya Adil qızının katibliyi ilə, İnzibati xəta haqqında protokolu tərtib etmiş şəxs Yasamal rayon Polis İdarəsinin 29cu Polis şöbəsinin polis sahə inspektoru X3, Barəsində inzibati xəta haqqında iş üzrə icraat aparılan şəxs Şəxs və onun müdafiəçisi Bakı Şəhəri “Mərkəz” Vəkil Bürosunun vəkili X4 iştirakları ilə, xx xxxxxx 1993-cü il tarixdə Şamaxı rayonu, Əhmədli kəndində anadan olmuş, Azərbaycan Respublikasının vətəndaşı, evli, Şamaxı rayonu, Əhmədli kəndində qeydiyyatda olan Şəxs Azərbaycan Respublikası İnzibati Xətalar Məcəlləsinin (bundan sonra - İXM) 535.1-ci maddəsində nəzərdə tutulan inzibati xətanı törətməsinə dair Azərbaycan Respublikası Daxili İşlər Nazirliyi Bakı şəhəri Yasamal Rayon Polis İdarəsinin 29-cu Polis şöbəsindən daxil olmuş materiallara məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyi Yasamal Rayon Polis İdarəsinin 29-cu Polis şöbəsinin polis sahə inspektoru X7 tərəfindən Şəxs barəsində İXM-in 535.1-ci maddəsi ilə nəzərdə tutulmuş inzibati xətanı törətməsinə dair 14 noyabr 2025-ci il tarixli MN seriyalı ******* nömrəli inzibati xəta haqqında protokol tərtib edilərək baxılması üçün məhkəməyə göndərilmişdir. MN seriyalı ******* nömrəli inzibati xəta haqqında protokolda göstərilir ki, xx.xx.2025ci il tarixdə Şəxs avtomaşınını YPX inspektoru duracağa təmin etmiş, bu səbəbdən intihara cəhd məlumatı vermiş, polis əməkdaşları ünvanda olarkən polisin qanuni tələbinə tabe olmamışdır. Məhkəmə iclasında inzibati xəta haqqında protokolu tərtib etmiş şəxs X7 protokolu müdafiə edərək bildirmişdir ki, xx.xx.2025-ci il tarixdə ƏÇPA-nın polis əməkdaşları ərazidə xidmətdə olarkən Moskva prospekti, “20 Yanvar” metrostansiyası yaxınlığında Şəxs intihara cəhd etməsi ilə bağlı məlumat daxil olmuş və polis əməkdaşları dərhal həmin yerə yaxınlaşmışlar və sonuncunun səs-küy salaraq, ətrafda olan şəxslərin marağını özünə yönəldib intihara cəhd etməsinin şahidi olmuşlar. Bu zaman polis əməkdaşları Şəxs bu hərəkətlərinə son qoymasını tələb etmişlər. Şəxs dəfələrlə nizam-intizama dəvət edilsə də buna məhəl qoymayaraq aqressiv və kobud bir şəkildə öz qanunazidd hərəkətlərini davam etdirmişdir. Şəxs polis şöbəsinə dəvət etdikdə güc tətbiq edərək qaçmağa cəhd göstərmiş lakin o polis əməkdaşları tərəfindən saxlanılaraq 29-cu PŞ-nə təmin edilmişdir. Yekun olaraq o Şəxs Azərbaycan Respublikasının İXM-nin 535.1-ci maddəsində nəzərdə tutulmuş əməli törətməkdə təqsirli bilinərək, barəsində inzibati tənbeh tədbirinin tətbiq edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü İXM-in 535.1-ci maddəsində nəzərdə tutulmuş əməli törətməkdə təqsirli bilməyərək izahatında göstərdi ki, o özünə məxsus “Mercedes Vito” markalı **-CM-*** dövlət qeydiyyat nişanlı avtomobili ilə taksi fəaliyyəti ilə məşğul olur. 13 noyabr 2025-ci il idarə etdiyi avtomobili qanunla qadağan olunmuş yerdə saxlayaraq müştəri gözləmişdir. Bu zaman orada digər avtomobilləridə saxlamağına baxmayaraq DYP əməkdaşı yalnış ona yaxınlaşaraq avtomobilini orada saxlamamsını bildirmişlər. Bundan sonra sonra DYP əməkdaşı onun idarə etdiyi avtomobilin alın şüşəsində olan çata görə avtomobili müvəqqəti duracağa yerləşdirmişdir. Bundan sonra o, əsəbiləşdiyindən avtomobilinin duracaqdan çıxarılmasına nail olmaq məqsədilə intihar etməyə cəhd göstərmişdir. Həmin vaxt həddən artıq əsəbi olduğu üçün heç bir şey xatırlamır. Polis əməkdaşlarına qarşı heç bir nalayiq ifadə işlətməmişdir. Əməlindən səmimi peşmandır. Göstərilənləri nəzərə alaraq inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə iclasında Bakı Şəhəri “Mərkəz” Vəkil Bürosunun vəkili X1 Şamxal Sabir oğlunun barəsində aparılan inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə iclasında şahid qismində dindirilmiş X2 bildirmişdir ki, xx.xx.2025-ci il tarixdə onlar xidmətdə olarkən Moskva prospekti, “20 Yanvar” metrostansiyası yaxınlığında Şəxs intihara cəhd etməsi ilə bağlı məlumat daxil olmuş, və onlar dərhal həmin yerə yaxınlaşmışlar və sonuncunun səs-küy salaraq, ətrafda olan şəxslərin marağını özünə yönəldib intihara cəhd etməsinin şahidi olmuşlar. Bu zaman o və digər polis əməkdaşları Şəxs bu hərəkətlərinə son qoymasını tələb etmişlər, lakin Şəxs səs-küy salaraq polis əməkdaşlarının ünvanına nalayiq ifadələr işlətmişdir. Şəxs dəfələrlə nizamintizama dəvət edilsə də buna məhəl qoymayaraq aqressiv və kobud bir şəkildə öz qanunazidd hərəkətlərini davam etdirmişdir. Şəxs polis şöbəsinə dəvət etdikdə güc tətbiq edərək qaçmağa cəhd göstərmiş lakin o polis əməkdaşları tərəfindən saxlanılaraq 29-cu PŞ-nə təmin edilmişdir. Məhkəmə iclasında şahid qismində dindirilmiş X10 digər şahid X2 ilə eyni məzmunlu ifadə verərək özünə aid hissədə ifadəni bir daha təsdiq etmişdir. İş materiallarında olan və məhkəmə iclasında tədqiq edilmiş: ƏÇPA-nın 6-cı PB-nin polis nəfəri İlqar İmamquliyev tərəfindən tərtib edilmiş raportdan müəyyən edilir ki, xx.xx.2025-ci il tarixdə saat 18:50 radələrində avtopatrulla inzibati ərazidə xidmət yoldaşı Elçin Bəşirovla xidmət apararkən Şəfəq radio rabitə vasitəsilə məlumat verilmişdir ki, Moskva prospekti, “20 Yanvar” metrosunun yaxınlığında 01 (bir) nəfər şəxsin yolun hərəkət hissəsində körpünün üstündə intihara cəhd etmişdir. Onlar məlumatı qəbul edən kimi deyilən yerə yaxınlaşmışlar. Bu zaman orada xidmət aparan 9727 çağırışlı avtopatrulun əməkdaşları intihara cəhd edən şəxsi saxlamışlar. Həmin şəxs aqressiv və kobud şəkildə danışaraq polisin ünvanına nalayiq ifadələr işlətmişdir. Onlar həmin şəxsi sakitçiliyə və qanuna riayət etməsinə bildirsələrdə lakin həmin şəxs polisin qanuni tələblərinə qəsdən tabe olmayaraq öz qanunsuz hərəkətlərini davam etdirmişdir. Həmin şəxsi avtopatrula dəvət etsələrdə həmin şəxs güc tətbiq edərək qaçmağa cəhd göstərmişdir. Onlar həmin şəxsi 29-cu PŞ-nə təmin etmiş və məlum olmuşdur ki, həmin şəxs Şəxsdur. İnzibati qaydada tutma haqqında 13 noyabr 2025-ci il tarixli protokoldan görünür ki, Şəxs həmin tarixdə saat 19:00-da inzibati qaydada tutulmuşdur. Elektron Məhkəmə Sistemindən çıxarışdan görünür ki, Şəxs himayəsində iki azyaşlı uşağı vardır. İnzibati material üzrə araşdırılan sübutların məcmusunu hərtərəfli, tam və obyektiv qiymətləndirərək məhkəmə hesab edir ki, Şəxs İXM-in 535.1-ci maddəsində nəzərdə tutulan inzibati xətanı törətməsi araşdırılmış sübutlarla tam sübuta yetir. İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama həmin maddədə nəzərdə tutulmuş inzibati məsuliyyətə səbəb olur və fiziki şəxslər iki yüz manat miqdarında cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Qeyd edilən maddənin dispozisiyasından göründüyü kimi, polis işçisi və ya hərbi qulluqçu ictimai qaydanın mühafizəsi ilə bağlı vəzifələrini icra edərkən, ictimai qaydanı pozan şəxs tərəfindən onların qanuni tələblərinə qəsdən tabe olmama İXM-in 535.1-ci maddəsində nəzərdə tutulan məsuliyyətə səbəb olur. Hazırki halda Şəxs hərəkətlərində də həmin halların mövcud olması məhkəmə iclasında öz təsdiqini tapmışdır. Belə ki, tərtib edilmiş inzibati xəta haqqında protokol və məhkəmə iclasında araşdırılan sübutlarla müəyyən edildi ki, Şəxs 13 noyabr 2025-ci il tarixdə Bakı şəhəri, Yasamal rayonu, “20 Yanvar” dairəsi yaxınlığında polis əməkdaşlarının qanuni tələbinə tabe olmamışdır. Bütün bunlar məhkəməyə Şəxs ictimai qaydanın mühafizə vəzifələrini icra edərkən qanuni tələb irəli sürən polis işçisinə tabe olmama kimi halların, yəni İXM-in 535.1-ci maddəsində nəzərdə tutulmuş inzibati xətanın tərkibinin olması barədə nəticəyə gəlməyə əsas verir. Məhkəmə, barəsində inzibati xəta haqqında iş üzrə icraat aparılan Şəxs törətdiyi əməldən peşman olmasını əməlində inzibati xətaya görə məsuliyyəti yüngülləşdirən hal kimi nəzərə alır. Məhkəmə iclasında barəsində inzibati xəta haqqında iş üzrə icraat aparılan Şəxs əməlində ağırlaşdıran hallar müəyyən edilməmişdir. İXM-in: 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən yalnız İXM-lə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən inzibati xətalara görə inzibati tənbeh İXM-ə uyğun olaraq tətbiq edilir; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Məhkəmə, İXM-in 31.2-ci maddəsinə əsasən Şəxs barəsində inzibati tənbeh tətbiq edərkən, xətanın xarakterini, onun şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən halları və ağırlaşdıran halların olmamasını nəzərə alır və hesab edir ki, Şəxs İXM-in 535.1-ci maddəsində nəzərdə tutulan inzibati xətanı törətməkdə təqsirli bilinərək ona inzibati həbs növündə inzibati tənbeh tədbiri tətbiq edilməlidir. Məhkəmə qeyd edir ki, inzibati həbs növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Şəxs həbsetməsinin əvvəlinin hansı vaxtdan hesablanmasına dair məhkəmə qeyd edir ki, Şəxs azadlığının faktiki olaraq məhdudlaşdırıldığı vaxtdan yəni 13 noyabr 2025-ci il tarixdən, saat 18:50-dən hesablanmalıdır. Göstərilənlərlə yanaşı məhkəmə həmçinin hesab edir ki, barəsində inzibati xəta haqqında protokol tərtib edilmiş Şəxs göstərilmiş hüquqi xidmətə görə Bakı Şəhəri “Mərkəz” Vəkil Bürosunun vəkili X5 dövlət büdcəsi hesabına əmək haqqı ödənilməlidir. Belə ki, Azərbaycan Respublikasının İnzibati Xətalar Məcəlləsinin 61.1.5-ci maddəsinə əsasən barəsində inzibati xəta haqqında iş üzrə icraat aparılan şəxsin işinə baxılarkən müdafiəçinin hüquqi yardımından istifadə etmək hüququ vardır. 66.3-cü maddəsinə əsasən maddi vəziyyətinə görə öz hesabına vəkil tutmaq imkanı olmadıqda, inzibati qaydada tutulmuş şəxsə hüquqi yardım dövlətin vəsaiti hesabına göstərilir. Belə halda vəkil öz vəzifələrini yerinə yetirməkdən imtina edə bilməz. “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 28 aprel 2025-ci il tarixli, 141 nömrəli qərarına əsasən hüquqi yardımın göstərilməsinə görə müdafiəçiyə ödənilən haqq hər iş saatı üçün 11 (on bir) manat müəyyən edilmişdir. Odur ki, Şəxs göstərilmiş hüquqi xidmətə görə Bakı Şəhəri “Mərkəz” Vəkil Bürosunun vəkili X5 məhkəmədə iştirak etdiyi 05 (beş) saata görə 55 (əlli beş) manat Azərbaycan Respublikası Dövlət büdcəsi hesabından Bakı Şəhəri “Mərkəz” Vəkil Bürosunun hesabına köçürülməlidir. Qeyd olunanlara əsasən və İXM-in 40, 43, 48-51, 61, 114, 128-131-ci maddələrini rəhbər tutaraq, məhkəmə QƏRARA ALDİ: Şəxs İXM-in 535.1-ci maddəsi ilə nəzərdə tutulan inzibati xətanı törətməkdə təqsirli bilinsin və onun barəsində 10 (on) gün müddətinə inzibati həbs növündə inzibati tənbeh tədbiri tətbiq edilsin. İnzibati həbs haqqında qərar dərhal icra edilsin. Həbsetmənin əvvəli 13 noyabr 2025-ci il tarixdən, saat 18:50-dən hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın icrası Azərbaycan Respublikası Daxili İşlər Nazirliyi Bakı şəhəri Yasamal Rayon Polis İdarəsinin 29-cu Polis şöbəsinə həvalə edilsin. Şəxs göstərilmiş hüquqi xidmətə görə Bakı Şəhəri “Mərkəz” Vəkil Bürosunun vəkili X5 məhkəmədə iştirak etdiyi 05 (beş) saata görə 55 (əlli beş) manat Azərbaycan Respublikası Dövlət büdcəsi hesabından Bakı Şəhəri “Mərkəz” Vəkil Bürosunun hesabına köçürülsün. Qərarın surəti təqdim edildiyi və ya alındığı gündən 10 gün müddətində Bakı Şəhəri Yasamal Rayon Məhkəməsi vasitəsilə və ya bilavasitə Bakı Apellyasiya Məhkəməsinə şikayət verilə bilər. Hakim: Rauf Daşdəmirov