Bakı Şəhəri Yasamal Rayon Məhkəməsi Qərardad — İş №3(004)-918/2021

Azərbaycan Respublikası adından QƏRARDAD Bakı şəhəri İş № 3(004)-918/2021 07.04.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Əkbərli Günel Bəkir qızının sədrliyi ilə, X4 Bakı Nəqliyyat Agentliyi tərəfindən Azərbaycan Respublikası İnzibati Xətalar Məcəlləsinin (bundan sonra İXM) 346.2-ci maddəsi ilə nəzərdə tutulmuş inzibati xətanı törətməsinə dair barəsində qəbul edilmiş xx xxxx 2021-ci il tarixli BNA seriyalı ******* nömrəli qərardan verdiyi şikayət ərizəsini və ona əlavə edilmiş sənədləri işin məhkəmədə baxılmasına hazırlanması zamanı nəzərdən keçirib, məhkəmə MÜƏYYƏN ETDİ : X2 Rayon Məhkəməsinə şikayət ərizəsi ilə müraciət edərək barəsində Azərbaycan Respublikasının İXM-nin 346.2-ci maddəsi ilə nəzərdə tutulmuş inzibati xətanı törətməsinə dair Bakı Nəqliyyat Agentliyi tərəfindən qəbul edilmiş xx xxxx 2021-ci il tarixli BNA seriyalı ******* nömrəli qərarın ləğv edilməsini və inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə şikayət ərizəsini və ona əlavə edilmiş sənədləri nəzərdən keçirib hesab edir ki, iş baxılması üçün ərazi aidiyyəti üzrə Bakı şəhəri Nizami Rayon Məhkəməsinə göndərilməlidir. Belə ki, Azərbaycan Respublikası İXM-nin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh edilməsinə dair xx xxxxxx 2020-ci il tarixli qərarında qeyd edilmişdir ki, qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq, yəni inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Həmin Məcəllənin 114.3-cü maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda,inzibati xəta haqqında işin aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarır. Şikayət ərizəsindən və iş materiallarından görünür ki, X7 xx.xx.2021-ci il tarixdə istifadəsində olan **-BU-*** dövlət qeydiyyat nişanlı nəqliyyat vasitəsini Bakı şəhəri Nizami rayonu, Qara Qarayev prospektindəki Neftçilər metrostansiyasının yaxınlığında park etdiyi üçün o, eyni tarixdə Bakı Nəqliyyat Agentliyi tərəfindən qəbul edilmiş elektron qərarla Azərbaycan Respublikası İXM-nin 346.2-ci maddəsi ilə təqsirli bilinərək barəsində 40 manat məbləğində inzibati cərimə növündə tənbeh tədbiri təyin olunmuşdur. Qəbul edilmiş qərar barədə o, sms-radar vasitəsi ilə məlumatlandırılmışdır. İş materiallarına əlavə edilmiş şəxsiyyət vəsiqəsinin surəti və ərizədən görünür ki, X1 Tərtər rayonu Xoruzlu kəndində qeydiyyatda olmaqla faktiki ünvan 1 ünvanında yaşayır. Beləliklə iş materiallarından müəyyən edilmişdir ki, inzibati xətanın törədildiyi yer Bakı şəhəri Nizami rayonunun inzibati ərazisidir. X1 tərəfindən isə onun şikayətinə yaşayış yeri üzrə baxılmasına dair hər hansı bir vəsatət daxil olmamışdır. Beləliklə, məhkəmə hesab edir ki, X4 Bakı Nəqliyyat Agentliyi tərəfindən İXM-nin 346.2-ci maddəsi ilə nəzərdə tutulmuş inzibati xətanı törətməsinə dair barəsində qəbul edilmiş xx xxxx 2021-ci il tarixli BNA seriyalı ******* nömrəli elektron qərardan verdiyi şikayəti və ona əlavə edilmiş sənədlər baxılması üçün aidiyyəti, yəni inzibati xətanın törədildiyi yer üzrə Bakı şəhər Nizami Rayon Məhkəməsinə göndərilməlidir. Göstərilənlərə əsasən və Azərbaycan Respublikası İXM-nin 114.3 və 129.1.3-cü maddələrini rəhbər tutaraq, məhkəmə QƏRARA ALDİ : X4 Bakı Nəqliyyat Agentliyi tərəfindən barəsində Azərbaycan Respublikası İnzibati Xətalar Məcəlləsinin 346.2-ci maddəsi ilə nəzərdə tutulmuş inzibati xətanı törətməsinə dair qəbul edilmiş xx xxxx 2021-ci il tarixli BNA seriyalı ******* nömrəli elektron qərardan verdiyi şikayət ərizəsi və ona əlavə edilmiş sənədlər baxılması üçün aidiyyəti üzrə Bakı şəhəri Nizami Rayon Məhkəməsinə göndərilsin. Hakim: Günel Əkbərli