Bakı Şəhəri Yasamal Rayon Məhkəməsi Qərar — İş №3(004)-920/2021

Azərbaycan Respublikası adından QƏRAR Bakı şəhəri İş № 3(004)-920/2021 11.06.2021 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlunun sədrliyi, İsmayılzadə Turan Tahir qızının katibliyi ilə, Qərarından şikayət verilmiş Azərbaycan Respublikası Daxili İşlər Nazirliyi Baş X10 İdarəsinin nümayəndəsi X3, X1 iştirakı ilə, X1 Azərbaycan Respublikası Daxili İşlər Nazirliyinin Baş X10 İdarəsinin 06.02.2021ci il tarixli EQ seriyalı ******* nömrəli inzibati xəta haqqında iş üzrə qərarından verdiyi şikayətə baxaraq, MÜƏYYƏN ETDİ: X2 Azərbaycan Respublikası DİN Baş Dövlət Yol Polis İdarəsinin 06.02.2021-ci il tarixli EQ seriyalı ******* nömrəli inzibati tənbeh vermə haqqında qərarından şikayət verərək, həmin qərarın ləğv edilməsi barədə qərar çıxarılmasını xahiş etmişdir. X2 şikayətini onunla əsaslandırmışdır ki, 06 fevral 2021-ci il tarixdə Qaraməryəm, İsmayıllı, Qəbələ, Oğuz yolunda hərəkətdə olarkən onunla üz-üzə gələn YPX avtomobilinin əməkdaşı qanunun 50-ci maddəsinin 7-ci bəndinin tələbini pozaraq onu YPX avtomobilinə quraşdırılmış radarla çəkmiş və EQ seriyalı ******* nömrəli protokol tərtib etmişdir. Məsələ ilə bağlı YPX idarəsinin rəhbərliyinə şikayət ünvanlamış və avtomobil vasitəsilə qeydə aldığı videogörüntünü təqdim etsə də şikayəti əsassız hesab edilmişdir. Göstərilənlərə əsasən Azərbaycan Respublikası Daxili İşlər Nazirliyi Baş X10 İdarəsinin tərtib etdiyi 06.02.2021-ci il tarixli EQ seriyalı ******* nömrəli inzibati tənbeh vermə haqqında qərarın ləğv edilməsini və başlanmış icraata xitam verilməsini xahiş etmişdir. Məhkəmə iclasında iştirak edən X2 şikayət ərizəsinin məzmununa uyğun izahat verərək bildirmişdir ki, şikayətini müdafiə edir və Azərbaycan Respublikası Daxili İşlər Nazirliyi Baş X10 İdarəsinin tərtib etdiyi 06.02.2021-ci il tarixli EQ seriyalı ******* nömrəli tənbeh vermə haqqında qərarın ləğv edilməsini və başlanmış icraata xitam verilməsini xahiş edir. Əlavə olaraq bildirmişdir ki, həmin vaxt həqiqətən yolda müəyyən edilmiş hərəkət sürətini aşmışdır. Lakin “Yol hərəkəti haqqında” qanunun 50-ci maddəsinin 7-ci bəndinin tələbləri pozularaq YPX avtomobili tərəfindən qanunsuz olaraq radar sistemindən istifadə edilmişdir. Məhkəmənin sualına cavab olaraq bildirmişdir ki, həmin ərazidə sürət həddini 60 km/saat müəyyən edən yol nişanı olmuşdur. Qərarından şikayət verilən Azərbaycan Respublikası Daxili İşlər Nazirliyi Baş X10 İdarəsinin nümayəndəsi X6 qərarı müdafiə edərək bildirmişdir ki, Yol Patrul Xidməti avtomobilləri vasitəsilə dislokasiya üzrə ərazidə xidmət apararkən radar sitemi vasitəsilə sürət həddini aşan avtomobillər barəsinə elektron protokol tərtib edilərək qərar qəbul edilir və bu tam qanunidir. Göstərilənlərə əsasən şikayətin təmin edilməməsini məhkəmədən xahiş etdi. Məhkəmə tərəflərin izahatını, şikayəti və materialları nəzərdən keçirdərək hesab edir ki, şikayət təmin edilməməlidir. Belə ki, iş materiallarında olan Azərbaycan Respublikası DİN Baş Dövlət Yol Polis İdarəsinin 06.02.2021-ci il tarixli EQ seriyalı ******* nömrəli inzibati tənbeh vermə haqqında qərardan görünür ki, X5 İXM-in 328.2-ci maddəsi ilə təqsirli bilinib 50 (əlli) manat məbləğində cərimə edilmişdir. İş materiallarında olan Azərbaycan Respublikası Daxili İşlər Nazirliyi Baş X10 İdarəsi tərəfindən ünvanlanmış məktubdan görünür ki, 06.02.2021-ci il tarixdə “Kia” markalı **-ON-*** dövlət qeydiyyat nişanlı avtomobilin Oğuz-Şəki yolunun 37-ci km-də maksimal hərəkət sürətinin 60 km/saat müəyyənləşdirildiyi yol sahəsində 87 km/saat sürətlə idarə olunması halı xüsusi texniki vasitə ilə aşkar olunmuş, Baş X10 İdarəsinin mərkəzi informasiya sisteminin məlumatları əsasında real vaxt rejimində barəsində Azərbaycan Respublikası İnzibati Xətalar Məcəlləsinin 328.2-ci maddəsində nəzərdə tutulmuş inzibati xəta üzrə elektron qaydada tərtib olunmuş EQ ******* nömrəli inzibati tənbeh vermə haqqında qərara qanunauyğundur. Aparılmış araşdırma zamanı qeyd olunan ərazilərə, xüsusi texniki vasitənin qeydə aldığı videogörüntülərə baxış keçirilmiş, tərəfinizdən inzibati xətaya yol verilməsi halı təsdiqlənmişdir. İş materiallarında olan “Asan ödəniş” sistemindən çıxarışdan görünür ki, EQ seriyalı ******* nömrəli inzibati xəta haqqında protokol üzrə tam şəkildə ödəniş edilmişdir. “Yol hərəkəti haqqında” qanunun 50-ci maddəsinin İ bəndinə əsasən Sürücü hərəkətin intensivliyini, nəqliyyat vasitəsinin, yükün xüsusiyyətlərini və vəziyyətini, yol və meteoroloji şərati, xüsusən hərəkət istiqamətində görmə şəraitini nəzərə almaqla, nəqliyyat vasitəsini müəyyən olunmuş sürət məhdudiyyətindən çox olmayan sürətlə sürməlidir. Sürücü hərəkət üçün təhlükə yarandığını gördükdə, nəqliyyat vasitəsinin sürətini tam dayanma həddinə qədər azaltmaq üçün mümkün olan tədbirləri görməlidir. Həmin qanunun İİ bəndinin 1-ci hissəsinə əsasən yaşayış məntəqələri daxilində — saatda 60 kilometrdən çox olmayan sürətlə (səlahiyyətli orqanlar yolun müəyyən sahələrində daha yuxarı hədd müəyyən edə bilərlər, lakin bu hədd saatda 90 kilometrdən çox ola bilməz), yaşayış zonalarında və həyət ərazilərində isə saatda 20 kilometrdən çox olmayan sürətlə hərəkət etməlidirlər. Azərbaycan Respublikası İnzibati Xətalar Məcəlləsinin 328.2-ci maddəsinə əsasən Yolda müəyyən edilmiş hərəkət sürətini 21-40 km/saat həddində aşmağa görə - əlli manat məbləğində cərimə edilir. İXM-in 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin həmin qərarla xəta törətmiş şəxs maddənin sanksiyada nəzərdə tutulmuş həddə inzibati tənbeh edilmişdir. Ona görə də inzibati tənbehin daha da yüngülləşdirilməsi və qərarın dəyişdirilməsi üçün əsaslar da yoxdur. Həmçinin İXM-in 135.1.6-cı maddəsinə əsasən həmin Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardan biri kimi müəyyən edilmişdir. Lakin hazırkı iş üzrə işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu müəyyən edilmədi. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar dəyişdirilmədən saxlanılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 128-137-ci maddərini rəhbər tutaraq, QƏRARA ALDİ: X1 Azərbaycan Respublikası DİN Baş Dövlət Yol Polis İdarəsinin 06.02.2021-ci il tarixli EQ seriyalı ******* nömrəli il tarixli inzibati xəta haqqında qərardan verdiyi şikayət təmin edilməsin, həmin qərar dəyişdirilmədən saxlanılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Rauf Daşdəmirov