Bakı Şəhəri Yasamal Rayon Məhkəməsi Qərar — İş №3(004)-9737/2025

Azərbaycan Respublikası adından QƏRAR Bakı şəhəri İş № 3(004)-9737/2025 30.12.2025 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Abdullayev Məryəm Zaur qızının katibliyi, «Respublika Təcili və X2 Mərkəzi» PHŞ-nin etibarnamə üzrə səlahiyyətli nümayəndəsi X1 iştirakı ilə, «Təcili və Təxirəsalınmaz tibbi stansiyası» PHŞ-nin Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xətanı törətməsinə dair materiala baxaraq məhkəmə MÜƏYYƏN ETDİ: Bakı şəhəri Yasamal Rayon Polis İdarəsinin DYPŞ-nin səlahiyyətli nümayəndəsi tərəfindən xx.xx.2025-ci il tarixdə «Təcili və Təxirəsalınmaz tibbi stansiyası» PHŞ barəsində Azərbaycan Respublikası İnzibati Xətalar Məcəlləsinin 347-ci maddəsi ilə İXP ******* saylı inzibati xəta haqqında protokol tərtib edilərək baxılması üçün Bakı şəhəri Yasamal Rayon Məhkəməsinə göndərilmişdir. Məhkəmə iclasında iştirak edən « Respublika Təcili və X2 Mərkəzi» PHŞ-nin etibarnamə üzrə səlahiyyətli nümayəndəsi X3 bildirmişdir ki, “Təcili və X2 Stansiyası” PHŞ xx.xx.2023-cü il tarixindən artıq fəaliyyət göstərmir. Belə ki, həmin Müəssisə ləğv edilmiş və yeni Müəssisə olaraq - Azərbaycan Respublikası "Tibbi Ərazi Bölmələrini İdarəetmə Birliyi" X6 Müşahidə Şurasının xx.xx.2023-cü il tarixli 13-Q/2023 saylı qərarı əsasında Respublika Təcilil və X2 Mərkəzi" PHŞ yaradılmışdır. İş materiallarında olan Protokoldan görünür ki, bu Protokol fəaliyyətdə olamayan bir Müəssisəyə yazılmış və eyni zaman da, həmin Protokolun yazılmasına əsas kimi - Müəssisənin rəsmi fəaliyyətdə olmadığı tarixdə, ona verilmiş sorğunun cavablandırılmaması göstərilmişdir. Hansı ki, sorğunun verildiyi tarixdə "Təcili və X2 Stansiyası" PHŞ adlı Müəssisə ümumiyyətlə olmamış və hər hansı bir fəaliyyət göstərməmişdir. Təbii ki, varlığı və fəaliyyəti olmayan bir Müəssisə Yasamal rayon DYPŞ-nin hər hansı sorğusunu cavablandıra bilməzdi. Odur ki, Yasamal rayon DYPŞ-nin yazdığı hazırki Protokola etiraz etmişdir və həmin işlə bağlı açılmış inzibati xəta haqqında iş üzrə icraata xitam verilməsi xahiş etmişdir. Məhkəmə iclasının vaxtı və yeri barədə protokol tərtib etmiş orqana lazımi qaydada məlumat verilməsinə baxmayaraq nümayəndələri məhkəmə iclasına gəlməmiş və tərəflərindən məhkəmə iclasının təxirə salınması barədə vəsatət daxil olmamışdır. Məhkəmə onların iştirakı olmadan məhkəmə iclasının keçirilməsini mümkün hesab etmişdir. Məhkəmə iş materiallarını araşdıraraq hesab edir ki, inzibati xəta haqqında icraata xitam verilməlidir. Belə ki, iş materiallarında olan xx.xx.2025-ci tarixli, İXP ******* saylı inzibati xəta haqqında protokoldan görünür ki, MERCEDES VİTO 111 CDİXÜC markalı, **-JS-*** dövlət qeydiyyat nömrə nişanlı nəqliyyat vasitəsini idarə edən şəxs barəsində məlumat «Təcili və X2 stansiyası» PHŞ tərəfindən nəzərdə tutulmuş müddətdə səlahiyyətli orqana verilməmişdir. Bunun nəticəsində «Təcili və X2 stansiyası» PHŞ tərəfindən Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulmuş inzibati xəta törədilmişdir. İş materiallarında olan “Azərbaycan Respublikası Tibbi Ərazi Bölmələrini İdarəetmə Birliyi” X6 Müşahidə Şurasının xx.xx.2023-cü il tarixli, 13-Q/2023 nömrəli qərarından görünür ki, Bakı Şəhər Təcili və X2 Stansiyası" publik hüquqi şəxsi, "Təcili və X2 Stansiyası"xxxx"X4 X6in (birlikdə - Müəssisələr) birləşmə şəklində yenidən təşkili yolu ilə “Respublika Təcili və X2 Mərkəzi" publik hüquqi şəxs (Mərkəz) yaradılmışdır. Azərbaycan Respublikası İnzibati Xətalar Məcəlləsinin 347-ci maddəsinə əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə inzibati xəta törətməkdə təqsirli olan şəxs inzibati məsuliyyətə cəlb olunur. Həmin Məcəllənin 123.1-ci maddəsinə əsasən bu Məcəllənin 122.1-ci maddəsində nəzərdə tutulmuş xətalar hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsinin sürücüsü tərəfindən törədildikdə və müvafiq icra hakimiyyəti orqanının mərkəzi informasiya sistemində inzibati xətanın törədilməsi zamanı nəqliyyat vasitəsini idarə etmək hüququna malik fiziki şəxs barədə məlumat olmadıqda, həmin hüquqi şəxsə (dövlət qurumuna) səlahiyyətli orqan (vəzifəli şəxs) tərəfindən bu barədə dərhal sorğu göndərilir. Həmin Məcəllənin 123.3-cü maddəsinə əsasən bu Məcəllənin 123.1-ci maddəsində nəzərdə tutulmuş sorğuya cavab verməyən hüquqi şəxs, yaxud dövlət qurumunun vəzifəli şəxsi bu Məcəllənin 347-ci maddəsində nəzərdə tutulmuş inzibati xətanın törədilməsinə görə məsuliyyətə cəlb olunur. Hüquqi şəxsin, yaxud dövlət qurumunun vəzifəli şəxsinin məsuliyyətə cəlb olunması onu müvafiq məlumatı təqdim etmək vəzifəsindən, fiziki şəxsi isə törətdiyi əmələ görə məsuliyyətdən azad etmir. Həmin Məcəllənin 57.2-ci maddəsinə əsasən sənəd onu göndərən hakimə və ya səlahiyyətli orqana (vəzifəli şəxsə) qaytarılmalı olan qəbzə və ya sənədin kötüyünə imza etdirilməklə, ünvan sahibinə rabitə orqanları, səlahiyyətli orqan (vəzifəli şəxs), yaxud sənədin çatdırılması tapşırılmış şəxslər tərəfindən şəxsən verilir. Hüquqi şəxsə ünvanlanmış sənəd müvafiq vəzifəli şəxsə qəbzə və ya sənədin kötüyünə imza etdirilməklə verilir. Göründüyü kimi qanunvericiliyin mənasına görə Azərbaycan Respublikası İXM-nin 347-ci maddəsi ilə nəzərdə tutulmuş məsuliyyətin yaranması üçün inzibati xəta törətmiş fiziki şəxs barəsində nəqliyyat vasitəsinin mülkiyyətçisi olan hüquqi şəxsə səlahiyyətli orqan tərəfindən sorğu verilməli, həmin sorğu hüquqi şəxsə təqdim olunmalı (daxil olmalı) və bundan sonra hüquqi şəxs tərəfindən 5 gün müddətində sorğuya cavab verilməlidir. Məhkəmə araşdırması zamanı müəyyən edilmişdir ki, hazırkı iş üzrə Bakı şəhəri Yasamal Rayon Polis İdarəsinin DYPŞ «Təcili və Təxirəsalınmaz tibbi stansiyası» PHŞ barəsində inzibati xəta haqqında protokol tərtib etmişdir, halbuki “Azərbaycan Respublikası Tibbi Ərazi Bölmələrini İdarəetmə Birliyi” X6 Müşahidə Şurasının xx.xx.2023cü il tarixli, 13-Q/2023 nömrəli qərarı ilə «Təcili və X2 stansiyası» PHŞ ləğv edilmiş və saləhiyyətləri “Respublika Təcili və X2 Mərkəzi" X6ə ötürülmüşdür Belə olan halda məhkəmə hesab edir ki, «Təcili və X2 stansiyası» PHŞ AR İXM-nin 347-ci maddəsi ilə məsuliyyətə cəlb edilə bilməz. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikası İnzibati Xətalar Məcəlləsinin 109.2-ci maddəsinə əsasən bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilənlərə əsasən məhkəmə hesab edir ki, «Təcili və X2 stansiyası» PHŞ-nin əməlində Azərbaycan Respublikası İXM-nin 347-ci maddəsində nəzərdə tutulmuş inzibati xəta tərkibi olmadığından onun barəsində başlanmış icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 53.1.2, 115, 128-130-cu maddələrini rəhbər tutaraq, məhkəmə QƏRARA ALDİ: «Təcili və X2 stansiyası» PHŞ barəsində xx.xx.2025-ci tarixli, İXP ******* saylı inzibati xəta haqqında protokol üzrə Azərbaycan Respublikası İnzibati Xətalar Məcəlləsinin 347-ci maddəsi ilə nəzərdə tutulmuş inzibati xətanı törətməsinə dair iş üzrə icraata xitam verilsin. Qərarın surəti rəsmi qaydada alındığı gündən 10 (on) gün müddətində qərarı qəbul etmiş Bakı şəhəri Yasamal Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti verilə bilər. Hakim: Rəşad Cavadzadə