Bakı Şəhəri Nərimanov Rayon Məhkəməsi Qərar — İş №3(005)-1072/2021

Azərbaycan Respublikası adından QƏRAR Bakı şəhəri İş № 3(005)-1072/2021 19.05.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlunun sədrliyi, X5 oğlunun katibliyi, İnzibati xəta haqqında protokol tərtib etmiş Bakı şəhəri Nərimanov rayon İcra Şöbəsinin icra məmuru X4 iştirakı ilə, xx.xx.1986-cı ildə Naxçıvan Muxtar Respublikasının Babək rayonunun Nehrəm kəndində anadan olmuş, Azərbaycan Respublikası vətəndaşı, evli, Naxçıvan Muxtar Respublikasının Babək rayonunun Nehrəm kəndində qeydiyyatda olan Şəxs barəsində Azərbaycan Respublikasının İXM-in 528.1-ci maddəsi ilə Bakı şəhəri Nərimanov rayon İcra Şöbəsindən daxil olmuş inzibati xəta haqqında iş materiallarına açıq məhkəmə iclasında baxaraq MÜƏYYƏN ETDİ: 2 saylı Bakı İnzibati-İqtisadi Məhkəməsinin 2-1(82)-2635/2017 nömrəli,30 may 2017-ci il tarixli icra sənədinə əsasən iddiaçı X1 "müvəqqəti xarakterli müdafiə tədbirinin tətbiqi”nə dair ərizəsi təmin edilmiş, iddiaçı X1 cavabdeh Bakı şəhər İcra Hakimiyyətinə qarşı «sərəncamın ləğv edilməsi» tələbinə dair inzibati iş üzrə yekun qərar qəbul edilib qanuni qüvvəyə minənədək Bakı şəhəri, Nərimanov rayonu, H.Əliyev küçəsi 945-ci məhəllədə Xan Şuşinski küçəsi ilə S.Rəhman küçəsinin kəsişməsində üçüncü şəxs “X10” MMC tərəfindən aparılan tikinti işləri dayandırılması qərara alınmışdır. Bununla da borclu “X10” MMC-nin rəhbəri Şəxs İXM-in 528.1-ci maddəsində nəzərdə tutulmuş inzibati xətanı törətmişdir. Onun barəsində Nərimanov rayon icra və probasiya şöbəsinin icra məmuru tərəfindən 03 may 2021-ci il tarixli inzibati xəta haqqında protokol tərtib olunmuşdur. İnzibati xəta haqqında protokol tərtib etmiş Bakı şəhəri Nərimanov rayon İcra Şöbəsinin icra məmuru X7 icra sənədi şöbənin icraatına 08.08.2017-ci il tarixdə daxil olmuş və icraata başlamaq haqqında qərar qəbul edilərək icra olunması üçün borcluya və müvafiq məhkəməyə göndərilmişdir. İcra sənədlərinin icra olunması məqsədi ilə qeyd olunan əraziyə baxış keçirilərkən müəyyən edilmişdir ki, “X10” MMC tərəfindən Bakı şəhəri, Nərimanov rayonu, H.Əliyev küçəsi 945-ci məhəllədə Xan Şuşinski küçəsi ilə S.Rəhman küçəsinin kəsişməsində aparılan tikinti işləri dayandırılmamışdır. Bundan sonra fəhlələr oradan uzaqlaşdırılmış, tikinti işləri dayandırılmışdır. MMC-nin isə məsul şəxsləri icra yerinə gəlməmiş və onlarla əlaqə saxlamamışdır. MMC-nin rəhbəri olmayan lakin özünü Şahlar adı ilə təqdim edən bir şəxs tikilinin rəhbəri kimi özünü təqdim etmişdir. Daha sonra tərəflərində icra vərəqəsində qeyd olunan icra tədbirləri barədə həmin şəxsə məlumat vermişlər. Daha sonra yenidən müxtəlif tarixlərdə həmin əraziyə baxış keçirərkən müəyyən etmişlər ki, müvafiq bildirişlərə habelə onları məlumatlandırılmalarına baxmayaraq MMC tərəfindən tikinti işləri dayandırılmamışdır. Digər tərəflərə məhkəmə iclasının vaxtı və yeri barədə məlumat verilməsinə baxmayaraq məhkəmə iclasına gəlməmiş və bunun üzrlü səbəbi barədə məhkəməyə məlumat verməmişlər. İş materiallarında olan və məhkəmə baxışında tədqiq edilmiş: 2 saylı Bakı İnzibati-İqtisadi Məhkəməsinin 2-1(82)-2635/2017 nömrəli,30 may 2017ci il tarixli icra sənədinə əsasən iddiaçı X1 “müvəqqəti xarakterli müdafiə tədbirinin tətbiqi”nə dair ərizəsi təmin edilmiş, iddiaçı X1 cavabdeh Bakı şəhər İcra Hakimiyyətinə qarşı «sərəncamın ləğv edilməsi» tələbinə dair inzibati iş üzrə yekun qərar qəbul edilib qanuni qüvvəyə minənədək Bakı şəhəri, Nərimanov rayonu, H.Əliyev küçəsi 945-ci məhəllədə Xan Şuşinski küçəsi ilə S.Rəhman küçəsinin kəsişməsində üçüncü şəxs “X10” MMC tərəfindən aparılan tikinti işləri dayandırılması qərara alınmışdır. İcraata başlamaq haqqında 08.08.2017-ci il tarixli qərardan görünür ki, 2 saylı Bakı İnzibati-İqtisadi Məhkəməsinin 2-1(82)-2635/2017 nömrəli,30 may 2017-ci il tarixli icra sənədi üzrə icraata başlanılmışdır. 08.12.2020-ci il, 23.12.2020-ci il, 08.04.2021 və 28.04.2021-ci il tarixli aktdan görünür ki, icra məmuru Vüsal Şirinov, X9, icra işi üzrə tələbkar X2, hal şahidləri X8, X3 iştirakı ilə Bakı şəhəri, Nərimanov rayonu, H. Əliyev küçəsi 945-ci məhəllədə Xan Şuşinski küçəsi ilə S.Rəhman küçəsinin kəsişməsinə məhkəmə qərarının icra olunubolunmamasını aydınlaşdırma üçün gəlmişlər və həmin ərazidə MMC tərəfindən tikinti işlərinin aparılmasının davam etdirilməsini aşkar etmişlər. Azərbaycan Respublikası Konstitusiyasının 129-cu maddəsinin İ və İİ hissələrinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Məhkəmə qərarlarının icrasının məcburiliyi “Məhkəmələr və hakimlər haqqında” qanunun 5-ci maddəsində də əks olunmuşdur. Həmin maddəyə əsasən məhkəmələr baxılmış işlər üzrə Azərbaycan Respublikası adından qətnamələr, hökmlər, qərardadlar və qərarlar çıxarırlar. Azərbaycan Respublikasının qanunvericiliyi ilə müəyyən edilmiş qaydada qanuni qüvvəyə minmiş bu qərarlar Azərbaycan Respublikası ərazisində bütün fiziki və hüquqi şəxslər tərəfindən mütləq, vaxtında və dəqiq icra olunmalıdır. Qanuni qüvvəyə minmiş məhkəmə qərarlarının icra edilməməsi Azərbaycan Respublikası qanunvericiliyi ilə nəzərdə tutulmuş məsuliyyətə səbəb olur. «İcra haqqında» Azərbaycan Respublikası Qanununun 3-cü maddəsində göstərildiyi kimi, «Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar». Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək inzibati həbs tətbiq olunur. Azərbaycan Respublikası İnzibati Xətalar Məcəlləsinin 17-ci maddəsinə əsasən vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Qeyd: Dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyri-dövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Azərbaycan Respublikası İnzibati Xətalar Məcəlləsinin 12.1-ci maddəsinə əsasən, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İnzibati Xətalar Məcəlləsinin 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir; Azərbaycan Respublikası İnzibati Xətalar Məcəlləsinin 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; Məhkəmə iclasında tədqiq edilmiş inzibati xəta haqqında protokol, habelə inzibati materialda olan digər sənədlərlə sübuta yetirilmişdir ki, borclu “X10” MMC-nin rəhbəri Şəxs məhkəmə qərarları ilə üzərinə qoyulmuş öhdəliyi üzrsüz səbəbdən yerinə yetirməyərək, icra vərəqələrinin icrasını təmin etməmiş, icra sənədlərinin icrasının təmin edilməsinə hərəkətsizlik göstərmişdir. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. İnzibati məsuliyyəti istisna edən və icraatı rədd edən hallar yoxdur. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən halların və ağırlaşdıran halların müəyyən edilməməsini, habelə işin digər hallarını nəzərə alıb, iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinməli və barəsində sanksiyasının hədləri daxilində müəyyən məbləğdə cərimə növündə inzibati tənbeh tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 53, 55, 114, 115, 128-130-cu maddələrini rəhbər tutaraq QƏRARA ALDİ: “X10” MMC-nin rəhbəri Şəxs Azərbaycan Respublikası Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək 1200 (bir min iki yüz) manat məbləğində cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim Hafiz Kamranov