Bakı Şəhəri Nərimanov Rayon Məhkəməsi Qərar — İş №3(005)-1163/2024

Azərbaycan Respublikası adından QƏRAR Bakı şəhəri İş № 3(005)-1163/2024 25.04.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi, Barəsində inzibati xəta haqqında iş üzrə icraat aparılan Şəxs Açıq Səhmdar Cəmiyyətinin nümayəndəsi X1 iştirakı ilə, Şəxs Açıq Səhmdar Cəmiyyəti barəsində Azərbaycan Respublikası İnzibati Xətalar Məcəlləsinin (bundan sonra - İXM) 347-ci maddəsi ilə tənbeh tədbirinin tətbiq edilməsinə dair Bakı şəhəri Nərimanov Rayon Polis İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Şəxs Açıq Səhmdar Cəmiyyəti barəsində İXM-in 347-ci maddəsi ilə İXP seriyalı ******* nömrəli, xx.xx.2024-cü il tarixli inzibati xəta haqqında protokol tərtib edərək, baxılması üçün məhkəməyə göndərmişdir. İnzibati xəta haqqında həmin protokoldan görünür ki, Şəxs Açıq Səhmdar Cəmiyyəti tərəfindən xx.xx.2024-cü il tarixdə qəbul edilmiş sorğuya əsasən mülkiyyətində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumat təqdim edilməmişdir. Məhkəmə iclasında barəsində inzibati xəta haqqında iş üzrə icraat aparılan Şəxs Açıq Səhmdar Cəmiyyəti nümayəndəsi X2 etiraz təqdim edərək bildirmişdir ki, xx.xx.2024-cü il tarixdə saat 11:23-də AR DİN Bakı şəhəri Nərimanov rayon Polis İdarəsindən, Şəxs Açıq Səhmdar Cəmiyyətinin mülkiyyətində olan “FORLAND” markalı **-JR-*** dövlət qeydiyyat nömrəli avtomobil, AR İXM 339.1.1-ci maddə məsuliyyət nəzərdə tutulan inzibati xəta törətdiyinə görə 5 gün müddətində inzibati xətanın törədilməsi zamanı nəqliyyat vasitəsi idarə etmək hüququna malik fiziki şəxs barədə məlumat verilməsi xahiş edilmişdir. Məlumatı alan kimi xx.xx.2024-cü il tarixdə ASCyə məxsus ***-***-**-** nömrəsindən 902 Xidmət nömrəsinə zəng edilərək məlumat verilmişdir ki, göstərilən avtomobil uzun müddətdir ki, istismara yararsız olduğuna görə istifadə edilmir və ASCnin qarşısında yerləşən dayanacaqda saxlanılır. Eyni zamana qeyd edilmişdir ki, həmin avtomobil idarə edilmədiyi üçün şəhər radarlarına düşməsi qeyri-mümkündür. Göstərilən 902 nömrəsində xidmət aparan növbətçi bildirmişdir ki, avtomobil şəhər radarlarına deyil, ASC-nin yerləşdiyi ərazidən keçərkən yol patrul xidmətinin nəqliyyat vasitəsində quraşdırılmış bort-kompüter vasitəsilə aşkar edilmişdir. Eyni zamanda avtomobili yol patrul xidməti avtomobillərində quraşdırılan bortkompüterlərə təkrarən düşməməsi üçün istifadə edilməyən avtomobili ASC-nin həyətinə yerləşdirilməsi bildirilmişdir. Avtomobil qoşqu ilə ASC-nin həyətinə aparılmışdır. Bundan sonra ASC ilə əlaqə saxlanılmamış və heç bir protokol göndərilməmişdir. xx.xx.2024-cü il tarixdən sonra da, həmin avtomobil texniki baxışdan keçməsə də, radarlara düşməməsi təsdiq edir ki, avtomobil idarə edilmir. Digər tərəfdən iş materiallarına əlavə edilən foto-şəkildən də, müəyyən olunur ki, avtomobil yararsız vəziyyətdə dayanacaga yerləşdirilmişdir. Hal-hazırda da, təmirə ehtiyacı olan həmin avtomobil ASC həyətində olmaqla istifadə edilmir. Göstərilənləri nəzərə alaraq o, iş üzrə icraata xitam verilməsi məhkəmədən xahiş etmişdir. Məhkəmə iclasının vaxtı və yeri barədə lazımi qaydada məlumatlandırılmasına baxmayaraq, inzibati xəta haqqında protokol tərtib etmiş səlahiyyətli qurumun nümayəndəsi məhkəmə iclasına gəlməmişdir. Məhkəmə işə səlahiyyətli qurumun nümayəndəsinin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Bakı şəhəri Nərimanov Rayon Polis İdarəsi tərəfindən tərtib edilmiş İXP seriyalı ******* nömrəli, xx.xx.2024-cü il tarixli inzibati xəta haqqında protokoldan görünür ki, Şəxs Açıq Səhmdar Cəmiyyəti tərəfindən mülkiyyətində olan olan “FORLAND” yük markalı, **-JR-*** dövlət qeydiyyat nişanlı nəqliyyat vasitəsinin yol hərəkəti qaydalarını pozması ilə əlaqədar tərtib edilmiş elektron protokollar barədə məlumatı qəbul etdikləri gündən 5 gün müddətində həmin nəqliyyat vasitəsini idarə etmiş fiziki şəxs barədə rəsmi məlumat verilməmişdir. Buna görə də hüquqi şəxs barəsində İXM-in 347-ci maddəsi ilə protokol tərtib edilmişdir; DİN-in DYP Web Portalından çıxarışdan görünür ki, xx.xx.2024-cü il tarixdə Şəxs Açıq Səhmdar Cəmiyyətinin mülkiyyətində olan “FORLAND” yük markalı, **-JR-*** dövlət qeydiyyat nişanlı avtomobillə İXM-in 339.1-1-ci maddəsində nəzərdə tutulmuş inzibati xəta törədilmişdir; Beləliklə müəyyən olundu ki, Şəxs Açıq Səhmdar Cəmiyyətinin əməlində nəzərdə tutulan inzibati xəta tərkibi yoxdur. olan “FORLAND” markalı **-JR-*** dövlət qeydiyyat nömrəli avtomobil istismara yararlı deyil, bu barədə məlumat verilmiş və hal-hazırda dayanacaqda saxlanılır. İXM-in: 12.1. Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 12.2. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın 18.1. Hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən İXM-in 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 347-ci maddəsinin dispozisiyasına əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Qeyd olunanları rəhbər tutaraq məhkəmə hesab edir ki, inzibati xəta tərkibi olmadığı üçün Şəxs Açıq Səhmdar Cəmiyyəti inzibati məsuliyyətdən azad olunmalı və iş üzrə icraata xitam verilməlidir. Şərh olunanlara əsasən və İXM-in 8, 25, 40.0.1, 43, 48-51, 53, 55, 114, 115, 128-130 maddələrini rəhbər tutaraq, məhkəmə QƏRARA ALDİ: Şəxs Açıq Səhmdar Cəmiyyətinin əməlində Azərbaycan Respublikası İnzibati Xətalar Məcəlləsinin 347-ci maddəsinin tərkibi olmadığından barəsində İXP seriyalı ******* nömrəli, xx.xx.2024-cü il tarixli inzibati xəta haqqında protokol əsasında başlanılmış iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim : Gültəkin Əsədova