Bakı Şəhəri Nərimanov Rayon Məhkəməsi Qərardad — İş №3(005)-1195/2020

Azərbaycan Respublikası adından QƏRARDAD Bakı şəhəri İş № 3(005)-1195/2020 24.06.2020 BAKI ŞƏHƏRİ NƏRİMANOV RAYON MƏHKƏMƏSİ Mən, Bakı Şəhəri Nərimanov Rayon Məhkəməsinin hakimi Ələkbərov Tural Mehman oğlu, Murat Alyarın Azərbaycan Respublikasının Əmək və X1 Nazirliyi yanında Dövlət Əmək Müfəttişliyi Xidmətinin Bakı şəhər idarəsinin xx xxxx 2020-ci il tarixli, MN ******* nömrəli inzibati tənbeh vermə haqqında qərarından verdiyi şikayəti və ona əlavə edilmiş sənədləri məhkəmə iclasında baxılmağa hazırlayarkən MÜƏYYƏN ETDİM: Murat Alyar Azərbaycan Respublikasının Əmək və X1 Nazirliyi yanında Dövlət Əmək Müfəttişliyi Xidmətinin Bakı şəhər idarəsinin xx xxxx 2020-ci il tarixli, MN ******* nömrəli inzibati tənbeh vermə haqqında qərarından məhkəməyə şikayət verərək qərarın ləğv edilməsini xahiş etmişdir. İşin baxılmağa hazırlanması zamanı məhkəmənin elektron sistemindən çıxarılmış şəxsiyyət vəsiqəsi məlumatından görünür ki, MuratAlyar Türkiyə Respublikasının vətəndaşıdır və Bakı şəhəri, Səbail rayonu, 7-ci Buxta döngəsi, dalan 1, 20b ünvanında qeydiyyatdadır. “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 7-ci madddəsinə əsasən əcnəbilərə və ya vətəndaşlığı olmayan şəxslərə Azərbaycan Respublikasında müvəqqəti və ya daimi yaşamaq üçün icazə və ya qaçqın statusu verilərkən, habelə əcnəbilərin və vətəndaşlığı olmayan şəxslərin Azərbaycan Respublikasında müvəqqəti olma müddəti uzadılarkən onlar eyni zamanda müvafiq icra hakimiyyəti orqanı tərəfindən yaşayış yeri üzrə qeydiyyata alınırlar. Şəxsin yaşayış yeri üzrə qeydiyyata alınması haqqında məlumat ona verilmiş müvəqqəti və ya daimi yaşamaq üçün icazə vəsiqəsində, qaçqın vəsiqəsində, habelə müvəqqəti olma müddətinin uzadılması haqqında qərarda öz əksini tapır. İş materiallarından görünür ki, Murat Alyar hüquqi şəxs yaratmadan sahibkarlıq fəaliyyəti ilə məşğul olan fiziki şəxsdir və İXM-in 17-ci maddəsinə əsasən vəzifəli şəxs hesab olunaraq inzibati məsuliyyətə cəlb olunmuşdur. Azərbaycan Respublikası Vergi Məcəlləsinin 33.3-cü maddəsinin məzmunundan aydın olur ki, sahibkarlıq fəaliyyətini hüquqi şəxs yaratmadan həyata keçirən fərdi sahibkarlar fiziki şəxslərdir. Göründüyü kimi, Murat Alyar fiziki şəxs kimi inzibati tənbeh vermə haqqında qərardan şikayət vermişdir ki, sözügedən şikayətə də aidiyyəti üzrə həmin şəxsin qeydiyyatda olduğu yerin məhkəməsi tərəfindən baxılmalıdır. Belə ki, İXM-in: 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir; 132.2-ci maddəsinə əsasən şikayətə və ya protestə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, şikayət və ya protest bütün materiallarla birlikdə aidiyyəti üzrə göndərilir. Qeyd olunanlara əsasən məhkəmə hesab edir ki, MuratAlyarın Azərbaycan Respublikasının Əmək və X1 Nazirliyi yanında Dövlət Əmək Müfəttişliyi Xidmətinin Bakı şəhər idarəsinin xx xxxx 2020-ci il tarixli, MN ******* nömrəli inzibati tənbeh vermə haqqında qərarından verdiyi şikayət baxılması üçün aidiyyəti üzrə Bakı şəhəri Səbail Rayon Məhkəməsinə göndəriməlidir. Göstərilənlərə əsasən və İXM-in 132.2-ci maddəsini rəhbər tutaraq, QƏRARA ALDİM: Murat Alyarın Azərbaycan Respublikasının Əmək və X1 Nazirliyi yanında Dövlət Əmək Müfəttişliyi Xidmətinin Bakı şəhər idarəsinin xx xxxx 2020-ci il tarixli, MN ******* nömrəli inzibati tənbeh vermə haqqında qərarından verdiyi şikayət baxılması üçün aidiyyəti üzrə Bakı Şəhəri Səbail Rayon Məhkəməsinə göndərilsin. Hakim Tural Ələkbərov