Bakı Şəhəri Nərimanov Rayon Məhkəməsi Qərar — İş №3(005)-1234/2021

Azərbaycan Respublikası adından QƏRAR Bakı şəhəri İş № 3(005)-1234/2021 10.06.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Qurbanov Vüsal Rafiq oğlunun sədrliyi, Ələkbərova Aysel Ceyhun qızının katibliyi, Şikayət vermiş şəxs X1 iştirakı ilə, Bakı şəhəri Nərimanov RPİ-nin 16-cı PB-nin sahə rəisi X2 tərəfindən qəbul edilmiş 21.05.2021-ci il tarixli, EPQ seriyalı ******* nömrəli “İnzibati tənbeh vermə haqqında” qərarın ləğv olunması və barəsində başlanılmış inzibati xəta haqqında işin icraatına xitam verilməsi barədə qərar qəbul edilməsinə dair X1 şikayətinə məhkəmənin binasında, açıq məhkəmə iclasında baxaraq, MÜƏYYƏN ETDİ: X3, Bakı şəhəri Nərimanov RPİ-nin 16-cı PB-nin sahə rəisi X2 tərəfindən qəbul edilmiş 21.05.2021-ci il tarixli, EPQ seriyalı ******* nömrəli “İnzibati tənbeh vermə haqqında” qərarın ləğv olunması və barəsində başlanılmış inzibati xəta haqqında işin icraatına xitam verilməsi barədə qərar qəbul edilməsinə dair şikayətlə məhkəməyə müraciət etmişdir. Şikayət onunla əsaslandırılmışdır ki, Nərimanov rayon Polis İdarəsi 16-cı Polis Bölməsinin EPQ ******* nömrəli qərarı ilə Azərbaycan Respublikası İnzibati Xətalar Məcəlləsinin (bundan sonra - İnzibati Xətalar Məcəlləsi) 211.2-ci maddəsinə əsasən, barəsində inzibati tənbeh tətbiq edilmiş, 100 (yüz) manat məbləğində cərimə olunmuşdur. Qeyd olunan qərar və inzibati xətanın törədilməsinə dair EXP ******* saylı protokol tamamilə əsassızdır və qanunvericiliyə və işin faktiki hallarına zidd olaraq tərtib edilmişdir. Həsən Əliyev küçəsində saat 10:30 radələrində **-BB-*** qeydiyyat nişanlı, “Prado” markalı nəqliyyat vasitəsini idarə edən 2 nəfər polis əməkdaşı ona yaxınlaşaraq maskadan düzgün istifadə etmədiyini və buna görə cərimə yazacaqlarını bildirdilər. O isə öz növbəsində cərimə ilə razılaşmayaraq maskadan istifadə ilə bağlı heç bir tələbi pozmadığını polis əməkdaşlarının diqqətinə çatdırmışdır. Lakin polislər cərimə tətbiq etməkdə israrlı idilər. Mübahisə əsnasında ətrafında maskasız gəzən başqa bir vətəndaş da vardı. Polis ona yaxınlaşaraq yalnız qanunla müəyyən edilmiş qaydada məsuliyyət daşıdığını bildirməklə kifayətlənmiş və yol verdiyi pozuntuya görə protokol tərtib etməmişdir. Bu zaman hadisə yerində olan və baş verənlərin şahidi olan vətəndaşlar polislərə “bunun cəriməsini sildin, bəs bu oğlanın da cəriməsini silin də, kasıb uşaqdır” dedikdə “onun ağzında maska var, ona cərimə düşmür ki, yazım” şəklində bildirmişlər. Bu hadisədən 2 gün sonra portala daxil olduqda adına cərimə yazıldığını görmüşdür. Elə oradaca “102” Çağrı mərkəzinə zəng vuraraq həmin günü baş verənlər barədə məlumat vermişdir. Buna baxmayaraq hələ də cərimənin tətbiq edilməsi barədə protokol və qərar ləğv edilməmişdir. Bir sözlə, törədilməmiş hüquq pozuntusuna görə məsuliyyət daşıyırmış. Halbuki hazırkı işdə hər hansı inzibati xətadan söhbət gedə bilməz. İnzibati Xətalar Məcəlləsinin 211.2-ci maddəsi üzrə tərtib olunmuş EXP ******* saylı protokol və Nərimanov rayon Polis İdarəsinin 16 saylı Polis Bölməsinin polis sahə rəisi X2 tərəfindən 21 may 2021-ci il tarixində qəbul edilmiş EPQ ******* saylı qərar əsassız və qanunsuzdur. Evə qazanc gətirən yeganə şəxsdir. Himayəsində üç azyaşlı övladı vardır. Bununla yanaşı, anası da onunla birlikdə yaşayır. Qanunsuz olaraq yazılmış cəriməni ödəməyə heç bir imkanı yoxdur. Yuxarıda qeyd edilənləri nəzərə alaraq Bakı şəhəri Nərimanov rayon Polis İdarəsinin 16-cı Polis Bölməsinin EPQ ******* nömrəli qərarının ləğv edilməsini və inzibati xəta haqqında işin icraatına xitam verilməsi barədə qərar qəbul edilməsini xahiş etmişdir. Məhkəmə iclasında şikayət vermiş şəxs X3 şikayətin məzmununa uyğun çıxış edərək təmin olunmasını məhkəmədən xahiş etdi. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, inzibati xəta haqqında qərarı qəbul etmiş barəsində Bakı şəhəri Nərimanov RPİ-nin 16-cı PB-nin nümayəndəsinə məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Məhkəmə, işə inzibati xəta haqqında qərarı qəbul etmiş barəsində Nərimanov RPİnin 16-cı PB-nin nümayəndəsinin iştirakı olmadan baxılmasını mümkün hesab etmişdir. Məhkəmə, işdə iştirak edən şəxsin izahatını dinləyib, şikayət ərizəsini və ona əlavə edilmiş sənədləri araşdıraraq hesab edir ki, şikayət qismən təmin edilməlidir. İş materiallarında olan Bakı şəhəri Nərimanov RPİ-nin 16-cı PB-nin sahə rəisi X2 tərəfindən qəbul edilmiş 21.05.2021-ci il tarixli, EPQ seriyalı ******* nömrəli “İnzibati tənbeh vermə haqqında” qərardan görünür ki, X3 Azərbaycan Respublikası İXM-nin 211.2-ci maddəsi ilə nəzərdə tutulmuş inzibati xətanın törədilməsində təqsirli bilinərək barəsində 100 (yüz) manat məbləğində inzibati cərimə tənbeh tədbiri tətbiq edilmişdir. Məhkəmə, işin faktiki hallarına hüquqi qiymət verərək hesab edir ki, X1 barəsində inzibati icraat qanun pozuntularına yol verilməsi ilə aparılmışdır. Azərbaycan Respublikası İnzibati Xətalar Məcəlləsinin: 48-ci maddəsinə əsasən, inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri vəşəraiti aşkar etməkdən və inzibati xətaların qarşısını almaqdan ibarətdir; 134.1, 134.1.4-cü maddələrinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir; 135.1, 135.1.6-cı maddələrinə əsasən hakimin, səlahiyyətli orqanın (vəzifəli şəxsin) bu Məcəllə ilə müəyyən edilmiş tələbləri işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi üçün müəyyən edilən əsaslar sırasına daxildir. Beləliklə, məhkəmə hesab edir ki, inzibati xəta haqqında icraat aparılarkən səlahiyyətli orqan (vəzifəli şəxs) İXM ilə müəyyən edilmiş tələblərin işin hallarının hərtərəfli, tam və obyektiv araşdırılmasını maneə törədəcək dərəcədə pozmaqla X3 barəsində 21.05.2021-ci il tarixli, EPQ seriyalı ******* nömrəli “İnzibati tənbeh vermə haqqında” qərar qəbul edərək sonuncunun hüquqlarını pozmuşdur. Bu səbəbdən də X3 Azərbaycan Respublikası İXM-in 211.2-ci maddəsi ilə inzibati məsuliyyətə cəlb edilə bilməz. Buna görə də, inzibati icraat zamanı yol verilmiş natamamlıqlarla bağlı iş üzrə yenidən araşdırma aparılmalı və müvafiq qərar qəbul edilməli və Bakı şəhəri Nərimanov RPİ-nin 16-ci PB-nin sahə rəisi X2 tərəfindən qəbul edilmiş 21.05.2021-ci il tarixli, EPQ seriyalı ******* nömrəli “İnzibati tənbeh vermə haqqında” qərar ləğv edilməli və iş yenidən baxılması üçün Bakı şəhəri Nərimanov RPİ-nin 16-ci PB-nə göndərilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 133, 134, 135-ci maddələrini rəhbər tutaraq, məhkəmə QƏRARA ALDİ: Şikayət qismən təmin edilsin. Bakı şəhəri Nərimanov RPİ-nin 16-cı PB-nin sahə rəisi X2 tərəfindən qəbul edilmiş 21.05.2021-ci il tarixli, EPQ seriyalı ******* nömrəli “İnzibati tənbeh vermə haqqında” qərar ləğv edilsin. X3 barəsində Azərbaycan Respublikası İXM-in 211.2-ci maddəsi ilə inzibati xəta haqqında iş yenidən baxılması üçün Bakı şəhəri Nərimanov RPİ-nin 16-cı PB-nə göndərilsin. Qərarın surəti təqdim edildiyi və ya alındığı gündən 10 (on) gün müddətində Bakı Apelyasiya Məhkəməsinə apelyasiya şikayəti verilə bilər. Hakim Vüsal Qurbanov