Bakı Şəhəri Nərimanov Rayon Məhkəməsi Qərardad — İş №3(005)-1597/2021

Azərbaycan Respublikası adından QƏRARDAD Bakı şəhəri İş № 3(005)-1597/2021 26.07.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlu, Şəxs barəsində Azərbaycan Respublikası İnzibati Xətalar Məcəlləsinin 333.1 və 327.1-ci maddələri ilə Bakı şəhəri Nərimanov Rayon Polis İdarəsi tərəfindən tərtib edilərək məhkəməyə göndərilmiş inzibati xəta haqında protokola və iş materiallarına baxaraq, MÜƏYYƏN ETDİ: Bakı şəhəri Nərimanov Rayon Polis İdarəsi Şəxs barəsində Azərbaycan Respublikası İnzibati Xətalar Məcəlləsinin 333.1 və 327.1-ci maddələri ilə AP seriyalı ******* nömrəli 10 iyul 2021-ci il tarixli inzibati xəta haqqında protokol tərtib edərək, baxılması üçün məhkəməyə göndərmişdir. Barəsində xəta haqqında iş üzrə icraat aparılan Şəxs 26.07.2021-ci il tarixdə vəsatətlə məhkəməyə müraciət edərək bildirmişdir ki, o, hal-hazırda Bakı şəhəri, Yasamal rayonu, Həsən bəy ünvan 1 ünvanda yaşayır. Bu səbəblə də barəsində olan inzibati materialın aidiyyəti üzrə Bakı şəhəri Yasamal Rayon Məhkəməsinə göndərilməsini xahiş etmişdir. İnzibati xəta haqında protokol və ona əlavə edilmiş sənədlərin tədqiqi zamanı müəyyən edilmişdir ki, Şəxs Bakı şəhəri, Yasamal rayonu, Həsən bəy Zərdabi küçəsi, ev 89, mənzil 57 ünvanında qeydiyyatdadır. Buna görə də barəsində inzibati xəta haqqında iş üzrə icraat aparılan şəxs vəsatətlə barəsində olan materiala yaşadığı yer üzrə baxılmasını xahiş etdiyindən hesab edirəm ki, Bakı şəhəri Nərimanov Rayon Polis İdarəsi Şəxs barəsində Azərbaycan Respublikası İnzibati Xətalar Məcəlləsinin 333.1 və 327.1-ci maddələri ilə AP seriyalı ******* nömrəli 10 iyul 2021-ci il tarixli inzibati xəta haqqında protokol baxılması üçün Bakı şəhəri Yasamal Rayon Məhkəməsinə göndərilməlidir. Belə ki, Azərbaycan Respublikası İnzibati Xətalar Məcəlləsinin: 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər; 114.3-cü maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, inzibati xəta haqqında işin aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarılır. 109.1.7-ci maddəsinə əsasən inzibati xəta haqqında işin baxılmağa hazırlanması zamanı əgər həmin məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109, 110 və 114-cü maddələrini rəhbər tutaraq QƏRARA ALDİM: Şəxs barəsində Azərbaycan Respublikası İnzibati Xətalar Məcəlləsinin 333.1 və 327.1-ci maddələri ilə Bakı şəhəri Nərimanov Rayon Polis İdarəsi tərəfindən tərtib olunmuş inzibati xəta haqqında protokol və ona əlavə olunmuş sənədlər baxılması üçün aidiyyəti üzrə Bakı şəhəri Yasamal Rayon Məhkəməsinə göndərilsin. Hakim Hafiz Kamranov