Bakı Şəhəri Nərimanov Rayon Məhkəməsi Qərar — İş №3(005)-1750/2021

Azərbaycan Respublikası adından QƏRAR Bakı şəhəri İş № 3(005)-1750/2021 06.09.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlunun sədrliyi, X3 oğlunun katibliyi, inzibati xəta haqqında qərardan şikayət vermiş X2 iştirakı ilə, X2 Azərbaycan Respublikası DİN-in Bakı şəhər Baş Polis İdarəsinin X9 İdarəsi tərəfindən qəbul edilmiş 26 iyul 2021-ci il tarixli, ******* nömrəli inzibati tənbeh vermə haqqında qərarından verdiyi şikayətə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: X5 şikayət ərizəsi ilə məhkəməyə müraciət edərək Azərbaycan Respublikası DİN-in Bakı şəhər Baş Polis İdarəsinin X9 İdarəsi tərəfindən qəbul edilmiş 26 iyul 2021-ci il tarixli, ******* nömrəli qərarın ləğv edilməsini xahiş etmişdir. X5 şikayət ərizəsində və məhkəməyə verdiyi izahatında göstərmişdir ki, barəsində Bakı şəhər BPİ tarixli TP ******* saylı inzibati tənbeh vermə haqqında qərar qəbul olunmuşdur. Həmin qərardan tərəfindən Bakı şəhəri Nərimanov rayon Məhkəməsinə şikayət verilmişdir. Bakı şəhəri Nərimanov rayon Məhkəməsinin 10.06.2021-ci il tarixli, 3(005)-1232/2021 saylı qərarı ilə Bakı şəhər BPİ DYPİ tərəfindən qəbul edilmiş 12.05.2021-ci il tarixli TP ******* saylı inzibati tənbeh vermə haqqında qərar ləğv olunaraq inzibati xəta haqqında işə yenidən baxılması üçün səlahiyyətli orqana göndərilmişdir. Bakı şəhər BPİ DYPİ-nin 26.07.2021-ci il tarixli ******* N-li inzibati tənbeh vermə haqqında qərar ilə o, yenidən AR İX.Vl-in 327.1 -ci maddəsində nəzərdə tutulmuş əməli törətməkdə təqsirli bilinərək barəsində 40 (qırx) manat miqdarında cərimə tətbiq edilmişdir. Bakı şəhər BPİ DYPİ-nin 26.07.2021-ci il tarixli,3937227 N-li inzibati tənbeh vermə haqqında qərarı əsassız və qanunsuzdur. Qeyd edir ki, həmin qərarı o, 27.07.2021 -ci il tarixində rəsmi qaydada təhvil almışdır. İşin faktiki halları ilə bağlı qeyd edir ki, o, 01.05.2021-ci il tarixində Nərimanov rayonu, K.Kazımzadə küçəsi ilə Gənclik metrosu istiqamətində hərəkət edərkən qəfildən Audio A5 markalı 99UA321 qeydiyyat nömrəli maşın onun maşınının arxa qapısından vurdu. Zərbənin təsirindən o, idarəetməni itirərək sağ tərəfdə hərəkət edən Əflatun adlı şəxsin idarə etdiyi Mersedes markalı maşınla toqquşmuşdur. O, Audio markalı maşını ümumiyyətlə görməmişdir, o qəfildən onun maşınına dəydi. Buna görə də o, qəzanın qarşısını ala bilməmişdir. Bundan sonra hadisə yerinə gələn Bakı şəhər DYPİ-nin polis kapitanı X6 hadisə yerinə yaxın mağazadan kamera görüntüləri gətirdi və həmin görüntülərə baxaraq guya onun yol nəqliyyat hadisəsində təqsirli olduğunu bildirdi. Lakin o, buna etiraz etdi və heç bir təqsirinin olmadığını, düz yolda hərəkət edərkən Audio markalı maşının onun maşınına dəydiyini desə də, polis kapitanı onun dediyini nəzərə almadı. Həmçinin, o, ondan yolu və hadisəsini daha yaxşı göstərən TŞ-6-165 nömrəli kameraya baxmağı tələb etsə də, o digər kameranın yaxşı göstərmədiyini bəhanə edərək bundan imtina etmişdir. Onun heç bir təqsirinin olmamasına baxmayaraq polis kapitanı Cəlil Əliyev onun barəsində qanunsuz və əsassız olan İXP ******* nömrəli protokolu tərtib etdi. O, həmin protokola da yol-nəqliyyat hadisəsinin onun təqsirindən deyil, digər tərəfin təqsirindən baş verdiyini, onun heç bir təqsirinin olmadığını qeyd etmişdir. O, Bakı şəhər DYPİ-nə bu protokoldan şikayət etmişdir. Onlar isə onun haqlı olduğunu, buna görə də, protokolu ləğv edib ona məlumat verəcəklərini desələr də, faktiki olaraq heç bir tədbir görülməmişdir. Bunun nəticəsində də, həmin qanunsuz protokol əsasında 12.05.2021 -ci il tarixində TP ******* nömrəli inzibati qərar qəbul edilmiş və o, AR İXM-in 327.1 -ci maddəsi ilə təqsirli bilinməklə barəsində 40 (qırx) manat məbləğində inzibati cərimə tətbiq edilmişdir. Göründüyü kimi digər nəqliyyat vasitəsinin onun nəqliyyat vasitəsini vurmasına baxmayaraq heç bir əsas olmadan onun təqsirli olduğu qənaətinə gəlinməklə onun barəsində inzibati qərar qəbul edilmişdir. Həmin qərar Nərimanov Rayon Məhkəməsi tərəfindən ləğv olunaraq yenidən baxılması üçün inzibati orqana göndərilsə də, inzibati orqan heç bir araşdırma aparmadan əvvəlki qanunsuz qərarı təkrarlamışdır. Qərarından şikayət verilən orqan məhkəmə iclasının yeri və vaxtı barədə müvafiq qaydada xəbərdar edilsə də, məhkəmə iclasına gəlməmiş və gəlməməsinin üzürlü səbəbləri barədə məhkəməyə məlumat verməmişdir. Buna görə də, məhkəmə onun iştirakı olmadan işə baxılmasını mümkün hesab etmişdir. Məhkəmə şikayəti və materialları nəzərdən keçirdərək hesab edir ki, aşağıdakı əsaslara görə qərar ləğv edilməli və material araşdırılması üçün geri qaytarılmalıdır. Belə ki, iş materiallarında olan Azərbaycan Respublikası DİN-in Bakı şəhər Baş Polis İdarəsinin X9 İdarəsi tərəfindən qəbul edilmiş 26 iyul 2021-ci il tarixli, ******* nömrəli inzibati xəta haqqında iş üzrə qərarına əsasən X1 Xətalar Məcəlləsinin 327.1-ci maddəsi ilə təqsirli bilinib 40 manat cərimə edilmişdir. Belə ki, iş üçün əhəmiyyət kəsb edən halların inzibati xəta haqqında qərarda göstərilməməsi, inzibati xəta haqqında qərar qəbul etmiş şəxsin məhkəmə iclasına dəvət olunmasına baxmayaraq gəlməməsi, inzibati xəta haqqında qərarda işin baxılma yeri, hərhansı texniki vasitədən istifadə edilib-edilməməsi barədə qeyd aparılmaması belə nəticəyə gəlməyə əsas verir ki, səlahiyyətli orqan (vəzifəli şəxs) tərəfindən iş üçün əhəmiyyətli olan hallar sübuta yetirilməmişdir. Odur ki, məhkəmə qeyd etməyi zəruri hesab edir ki, iş yenidən araşdırılmalı və barəsində inzibati tənbeh tətbiq edilmiş şəxsin xətanı törətməsinə dair hər hansı sübut olduğu halda, göstərilməklə, X2 iştirakı ilə yenidən əsaslı qərar qəbul edilməlidir. Azərbaycan Repsublikası İnzibati Xətalar Məcəlləsinin 125.2.3.-cü maddəsinin tələblərinə görə inzibati xəta haqqında elektron protokol və ya inzibati xəta haqqında iş üzrə qərar ona əlavə edilmiş materiallarla birlikdə kağız daşıyıcıda çap olunaraq səlahiyyətli orqan (vəzifəli şəxs) tərəfindən inzibati xətanın törədildiyi vaxtdan 2 gün müddətində Azərbaycan Repsublikası İnzibati Xətalar Məcəlləsinin 57-ci maddəsində nəzərdə tutulmuş rəsmi qaydada verilir. Azərbaycan Repsublikası İnzibati Xətalar Məcəlləsinin 327.1-ci maddəsinə görə, Yol nişanlarının və ya yolların hərəkət hissəsinin işarələrinin tələblərinə riayət edilməməsinə, yaxud nəqliyyat vasitəsinin yolların hərəkət hissələrində yerləşdirilməsi, yaxud araməsafəsi, yedəyə alma, yük daşıma, sürmə təlimi keçmə, yaşayış zonasında hərəkət etmə, əks istiqamətli hərəkət zolağına çıxmadan ötmə və ya manevr etmə qaydalarının pozulmasına, səkilərlə və “Yol hərəkəti haqqında” Azərbaycan Respublikasının Qanunu ilə nəzərdə tutulmamış hallarda yolun çiyni ilə hərəkət edilməsinə, nəqliyyat vasitələrindən bayıra hər hansı əşyanın atılmasına görə qırx manat məbləğində cərimə edilir. Qanunvericiliyin məzmunundan göründüyü kimi İXM-nin 327.1-ci maddəsi ilə nəzərdə tutulmuş inzibati xətanın hər hansı sübutlar təqdim edilmədən araşdırılması mümkün deyildir. Qərarı barəsində şikayət verilən səlahiyyətli vəzifəli şəxsin nümayəndəsinin məhkəmə iclasında iştirak etməyərək hər hansı sübut təqdim etməməsi hazırki şikayətin dəlillərini ətraflı və düzgün araşdırılmasını mümkünsüz edir. Azərbaycan Repsublikası İnzibati Xətalar Məcəlləsinin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Azərbaycan Repsublikası İnzibati Xətalar Məcəlləsinin 133.2.8-ci maddəsinə görə inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Azərbaycan Repsublikası İnzibati Xətalar Məcəlləsinin 134.1.4. bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. Azərbaycan Respublikası İnzibati Xətalar Məcəlləsinin 135.1.3-cü maddəsinə görə hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Beləliklə, məhkəmə hesab edir ki, inzibati xəta haqqında icraat aparılarkən səlahiyyətli orqan (vəzifəli şəxsin) İnzibati Xətalar Məcəlləsi ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozaraq, X2 barəsində inzibati xəta haqqında qərar qəbul edərək, sonuncunun hüquqlarını pozmuşdur. X2 Azərbaycan Respublikası İXM-in 327.1-ci maddəsində nəzərdə tutulan inzibati xətanı törətməkdə təqsirli olmasının qanunla müəyyən olunmuş qaydada müəyyən edilməsi mümkün olmadığı üçün o, inzibati məsuliyyətə cəlb edilə bilməz. Buna görə də inzibati icraat zamanı yol verilmiş natamamlıqlarla bağlı iş üzrə yenidən araşdırma aparılmalı və müvafiq qərar qəbul edilməlidir. Ona görə də Azərbaycan Respublikası Daxili İşlər Nazirliyinin Baş X9 İdarəsi tərəfindən qəbul edilmiş 26 iyul 2021-ci il tarixli, ******* nömrəli inzibati tənbeh vermə haqqında qərar ləğv edilməli və işə yenidən baxılması Azərbaycan Respublikası Daxili İşlər Nazirliyinin Bakı şəhər Baş Polis İdarəsinin X9 İdarəsinə göndərilməlidir. Göstərilənlərə əsasən və Azərbaycan Respublikası İnzibatı Xətalar Məcəlləsinin 133, 134, 135-ci maddələrini rəhbər tutaraq, məhkəmə QƏRARA ALDİ: Şikayət qismən təmin edilsin. X2 İXM-in 327.1-ci maddəsi ilə cərimə olunmasına dair Azərbaycan Respublikası Daxili İşlər Nazirliyinin Bakı şəhər Baş Polis İdarəsinin X9 İdarəsinin inzibati xəta haqqında 26 iyul 2021-ci il tarixli, ******* nömrəli qərarı ləğv edilsin və işə yenidən baxılması Azərbaycan Respublikası Daxili İşlər Nazirliyinin Bakı şəhər Baş Polis İdarəsinin X9 İdarəsinə göndərilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Hafiz Kamranov