Bakı Şəhəri Nərimanov Rayon Məhkəməsi Qərar — İş №3(005)-1797/2020

Azərbaycan Respublikası adından QƏRAR Bakı şəhəri İş № 3(005)-1797/2020 06.10.2020 BAKI ŞƏHƏRİ NƏRİMANOV RAYON MƏHKƏMƏSİ Hakim Ələkbərov Tural Mehman oğlunun sədrliyi, Məmmədhəsənov Fərman Salman oğlunun katibliyi ilə, inzibati xəta haqqında protokolu tərtib etmiş Bakı şəhəri Nərimanov rayon İcra və Probasiya şöbəsinin icra məmuru X3 iştirakı ilə, Şəxs MMC-nin rəhbəri X9 barəsində Azərbaycan Respublikası İnzibati Xətalar Məcəlləsinin (bundan sonra - İXM) 528.1-ci maddəsi ilə nəzərdə tutulan inzibati xətanı törətməsinə dair Bakı şəhəri Nərimanov rayon İcra və Probasiya Şöbəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Nərimanov rayon İcra və Probasiya şöbəsinin icra məmuru X7 Bakı Şəhəri Binəqədi Rayon Məhkəməsinin 2(001)-2478/2020 saylı, xx.xx.2020-ci il tarixli icra sənədinin icrası ilə bağlı borclu Şəxs MMC-nin rəhbəri X9 barəsində İXM-in 528.1-ci maddəsi ilə inzibati xəta haqqında protokol tərtib edərək baxılması üçün məhkəməyə göndərmişdir. MN seriyalı ******* nömrəli, xx xxxxxxxx 2020-ci il tarixli inzibati xəta haqqında protokoldan görünür ki, Bakı Şəhəri Binəqədi Rayon Məhkəməsinin 2(001)-2478/2020 saylı, xx.xx.2020-ci il tarixli icra sənədinə əsasən Nərimanov rayonu, C.Hacıbəyli küçəsi ev 2 ünvanında yerləşən evin söküntü işlərinin cavabdeh Şəxs MMC tərəfindən aparılması dayandırılmışdır. Borclu MMC-nin rəhbəri X9 icra məmurunun qanuni tələblərini yerinə yetirməməklə İXM-in 528.1-ci maddəsində nəzərdə tutulmuş inzibati xətanı törətmişdir. İnzibati xəta haqqında protokola əlavədən görünür ki, Binəqədi Rayon Məhkəməsinin 2(001)-2478/2020 saylı, xx.xx.2020-ci il tarixli icra sənədinə əsasən, ünvan 1 ünvanında yerləşən evin söküntü işlərinin cavabdeh Şəxs MMC tərəfindən aparılmasının dayandırılması qərara alınmışdır. İcra sənədi Nərimanov rayon icra və probasiya şöbəsinin icraatına xx.xx.2020-ci ildə daxil olmuş, həmin tarixdə icraata başlama haqqında qərar, tələbin dərhal icra olunması ilə bağlı bildirişlə birgə borcluya, məlumat üçün tələbkar və müvafiq məhkəməyə göndərilmişdir. Sözügedən icra sənədinin icrasını təmin etmək üçün xx.xx.2020-ci ildə söküntü işlərinin aparılmasının dayandırıldığı, Nərimanov rayonu, Ceyhun Hacıbəyli küçəsi 2 ünvanında olan zaman, borclu hüquqi şəxs Şəxs MMC tərəfindən Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işlərinin aparıldığı müəyyən edilmiş, Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işləri dayandırılaraq, çəkiliş aparılmış və bu barədə müvafiq akt tərtib edilmişdir. İcra sənədi üzrə tələbkar X2 və X1 etibarnamə üzrə nümayəndələri X4 şifahi müraciəti əsasında növbəti dəfə xx.xx.2020-ci ildə söküntü işlərinin aparılmasının dayandırıldığı, Nərimanov rayonu, Ceyhun Hacıbəyli küçəsi 2 ünvanında olan zaman, borclu hüquqi şəxs Şəxs MMC tərəfindən Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işlərinin aparıldığı müəyyən edilmiş, Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işləri icra məmuru tərəfindən dayandırılaraq çəkiliş aparılmış və bu barədə müvafiq akt tərtib edilmişdir. İcra sənədi üzrə tələbkar X2 və X1 etibarnamə üzrə nümayəndələri X4 şifahi müraciəti əsasında yenidən xx.xx.2020-ci ildə söküntü işlərinin aparılmasının dayandırıldığı, Nərimanov rayonu, Ceyhun Hacıbəyli küçəsi 2 ünvanında olan zaman, borclu hüquqi şəxs Şəxs MMC tərəfindən Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işlərinin aparıldığı müəyyən edilmiş, Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işləri icra məmuru tərəfindən dayandırılaraq çəkiliş aparılmış və bu barədə müvafiq akt tərtib edilmişdir. İcra sənədinin icrası ilə bağlı yuxarıda göstərilən tarixlərdə icra yerində olan zaman, cavabdeh Şəxs MMC-nin rəhbəri X8 məxsus ***-***-**-** saylı mobil operator vasitəsi ilə əlaqə saxlanılaraq dərhal icra yerinə gəlməsi tələb edilsə də, o, icra yerinə gəlməmişdir. Məhkəmə iclasında inzibati xəta haqqında protokolu tərtib etmiş Bakı şəhəri Nərimanov rayon İcra və Probasiya şöbəsinin icra məmuru X7 inzibati xəta haqqında protokolun məzmununa uyğun izahat verərək borclu barəsində inzibati tənbeh tədbirinin tətbiq edilməsini məhkəmədən xahiş etdi. Məhkəmə iclasının vaxtı və yeri barədə barədə lazımi qaydada xəbərdar olmasına baxmayaraq, barəsində inzibati xəta haqqında iş üzrə icraat aparılan vəzifəli şəxs Şəxs MMC-nin rəhbəri X9 məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Məhkəmə, İXM-in 61.3-cü maddəsinə əsasən işə barəsində inzibati xəta haqqında iş üzrə icraat aparılan vəzifəli şəxsin iştirakı olmadan baxılmasını mümkün hesab etmişdir. Məhkəmə, işdə iştirak edən şəxsin izahatını dinləyib və tədqiq olunmuş sübutlara məcmu halda hüquqi qiymət verərək hesab edir ki, barəsində inzibati xəta haqqında iş üzrə icraat aparılan Şəxs MMC-nin rəhbəri X6 İXM-in 528.1-ci maddəsi ilə nəzərdə tutulan inzibati xətanı törətməsi sübuta yetirildiyindən, o, həmin maddə ilə inzibati məsuliyyətə cəlb edilməlidir. Məhkəmə iclasında icra işinin materiallarına əsasən müəyyən olunur: - Bakı Şəhəri Binəqədi Rayon Məhkəməsinin 2(001)-2478/2020 saylı, xx.xx.2020-ci il tarixli icra vərəqəsindən görünür ki, Nərimanov rayonu, C.Hacıbəyli küçəsi küçəsi ev 2 ünvanında yerləşən evin söküntü işlərinin cavabdeh Şəxs MMC tərəfindən aparılması dayandırılmalıdır; - “İcraata başlamaq haqqında” xx xxxxxxxx 2020-ci il tarixli qərardan və həmin tarixli e136622/2020-15-18-004 nömrəli bildirişin surətindən görünür ki, borclu Şəxs MMC-yə icraata başlama haqqında qərarın surəti göndərilmiş və o, Bakı Şəhəri Binəqədi Rayon Məhkəməsinin 2(001)-2478/2020 saylı, xx.xx.2020-ci il tarixli icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir; - Bakı Şəhəri Nərimanov rayon İcra və Probasiya şöbəsinin əməkdaşları tərəfindən tərtib edilmiş 12 sentyabr və xx xxxxxxxx 2020-ci il tarixli aktların surətindən görünür ki, icra sənədinin icrasını təmin etmək üçün xx.xx.2020-ci ildə söküntü işlərinin aparılmasının dayandırıldığı Nərimanov rayonu, Ceyhun Hacıbəyli küçəsi 2 ünvanında olan zaman, borclu hüquqi şəxs Şəxs MMC tərəfindən Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işlərinin aparıldığı müəyyən edilmiş, Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işləri dayandırılaraq çəkiliş aparılmış və bu barədə müvafiq akt tərtib edilmişdir. İcra sənədi üzrə tələbkar X2 və X1 etibarnamə üzrə nümayəndələri X4 şifahi müraciəti əsasında növbəti dəfə xx.xx.2020-ci ildə söküntü işlərinin aparılmasının dayandırıldığı, Nərimanov rayonu, Ceyhun Hacıbəyli küçəsi 2 ünvanında olan zaman, borclu hüquqi şəxs Şəxs MMC tərəfindən Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işlərinin aparıldığı müəyyən edilmiş, Nərimanov rayonu, Ceyhun Hacıbəyli küçəsi 2 ünvanında yerləşən evin söküntü işləri icra məmuru tərəfindən dayandırılmışdır. Məhkəmə iclasında icra işinin materialları ilə müəyyən edildi ki, Bakı Şəhəri Binəqədi Rayon Məhkəməsinin 2(001)-2478/2020 saylı, xx.xx.2020-ci il tarixli icra sənədi üzrə borclu vəzifəli şəxs X9 dəfələrlə xəbərdarlıq edilməsinə baxmayaraq həmin icra sənədini icra etməmişdir. Qeyd olunanlar, yəni borclu vəzifəli şəxs tərəfindən icra sənədinə əsasən onun üzərinə qoyulan tələbin icra olunmaması onun tərəfindən icra sənədinin üzrsüz səbəbdən və qərəzli olaraq icra edilməməsi kimi qiymətləndirilməsinə əsas verir. Belə ki, “İcra haqqında” Azərbaycan Respublikası Qanununun: 3-cü maddəsinə əsasən məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar; 28.2 və 29.2-ci maddələrinə müvafiq olaraq icraatda tərəflər tələbkar və borcludur. İcra hərəkətlərinin həyata keçirilməsi zamanı tərəflər icra haqqında Azərbaycan Respublikası qanunvericiliyinin tələblərini yerinə yetirməyə borcludurlar; 84.1-ci maddəsinə əsasən icra məmurunun qanuni tələblərinin yerinə yetirilməməsinə görə, icra sənədinin itirilməsinə və ya onun vaxtında göndərilməməsinə görə, habelə borclunun iş yeri və ya yaşayış yeri, onun gəlirləri və əmlak vəziyyəti haqqında dəqiq olmayan məlumat təqdim edilməsinə görə icra məmuru təqsirkar şəxslərin inzibati məsuliyyətə cəlb olunması üçün qanunvericiliyə uyğun olaraq inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarlarının icrasına maneçilik törətmə halları istisna olmaqla). Azərbaycan Respublikası Konstitusiyasının 129-cu maddəsinin İ hissəsinə əsasən məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qeyd edir ki, İnsan Hüquqları üzrə Avropa Məhkəməsi özünün bir çox qərarlarında məhkəmə aktlarının vaxtında icra edilməməsini ədalətli məhkəmə araşdırmasının həyata keçirilməsinin təmin edilməməsi kimi qiymətləndirmişdir. Belə ki, İnsan hüquqlarının və əsas azadlıqların müdafiəsi haqqında Konvensiyanın 6-cı maddəsinə əsasən hər kəs, onun mülki hüquq və vəzifələri müəyyən edilərkən və ya ona qarşı hər hansı cinayət ittihamı irəli sürülərkən, qanun əsasında yaradılmış müstəqil və qərəzsiz məhkəmə vasitəsi ilə, ağlabatan müddətdə işinin ədalətli və açıq araşdırılması hüququna malikdir. İXM-in: 3-cü maddəsinə əsasən yalnız İXM-lə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən inzibati xətalara görə inzibati tənbeh həmin İXM-ə uyğun olaraq tətbiq edilir; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır; 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. İXM-in 528.1-ci maddəsinin dizpozisiyasından məlum olur ki, həmin inzibati xətanın tərkibinin yaranması üçün borclu icra məmurunun qanuni tələblərini yerinə yetirməməli və ya icra sənədini üzrsüz səbəbdən icra etməməlidir. Hazırki iş üzrə borclu vəzifəli şəxs icra məmuru tərəfindən dəfələrlə xəbərdarlıq edilməsinə baxmayaraq, icra sənədi üzrə tələbləri qərəzli olaraq yerinə yetirməmişdir. İXM-in 17-ci maddəsinə əsasən vəzifəli şəxslər öz vəzifələrinin yerinə yetirilməməsi və ya lazımınca yerinə yetirilməməsi ilə bağlı inzibati xətalara görə inzibati məsuliyyətə cəlb olunurlar. Həmin maddənin “Qeyd” hissəsinə əsasən dövlət hakimiyyətinin nümayəndəsi funksiyasını həyata keçirən şəxslər, dövlət orqanlarında, bələdiyyələrdə, Azərbaycan Respublikasının Silahlı Qüvvələrində və Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrdə, dövlət və qeyridövlət təşkilatlarında, idarə və müəssisələrində, o cümlədən publik hüquqi şəxslərdə təşkilati-sərəncamverici və ya inzibati-təsərrüfat vəzifələrində daimi və ya müvəqqəti işləyən şəxslər və ya həmin vəzifələri xüsusi səlahiyyət əsasında həyata keçirən şəxslər, habelə hüquqi şəxs yaratmadan sahibkarlıq fəaliyyəti ilə məşğul olaraq belə səlahiyyətləri yerinə yetirən fiziki şəxslər vəzifəli şəxs hesab edilirlər. Məhkəmə qeyd edir ki, hazırki iş üzrə vəzifəli şəxs Şəxs MMC-nin rəhbəri X6 əməlində İXM-in 528.1-ci maddəsində nəzərdə tutulan inzibati xətanın tərkib əlamətləri vardır və inzibati xəta haqqında iş üzrə icraatı rədd edən hallar, həmçinin əməlin inzibati xəta olmasını aradan qaldıran hallar yoxdur. Beləliklə də, məhkəmə hesab edir ki, vəzifəli şəxs Şəxs MMC-nin rəhbəri X9 İXM-in 528.1-ci maddəsində nəzərdə tutulan inzibati xətanın törədilməsində təqsirli bilinməli və inzibati məsuliyyətə cəlb edilməlidir. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında İXM-in 32 və 33-cü maddələrinə müvafiq olaraq vəzifəli şəxs Şəxs MMC-nin rəhbəri X6 məsuliyyətini yüngülləşdirən və ağırlaşdıran hallar müəyyən olunmadı. Məhkəmə, Şəxs MMC-nin rəhbəri X6 icra sənədlərinin icrasını qərəzli olaraq təmin etmədiyini, Azərbaycan Respublikası adından çıxarılmış məhkəmə qərarlarının icra edilməməsini, həmçinin inzibati xətanın xarakterini, barəsində inzibati xəta haqqında iş üzrə icraat aparılan şəxsin məsuliyyətini yüngülləşdirən və ağırlaşdıran halların olmamasını və işin digər hallarını nəzərə alaraq hesab edir ki, Şəxs MMC-nin rəhbəri X9 İXM-in 528.1-ci maddəsində nəzərdə tutulan inzibati xətanı törətməkdə təqsirli bilinməli və ona həmin maddənin sanksiyasında nəzərdə tutulmuş inzibati cərimə növündə tənbeh tədbiri tətbiq edilməlidir. Qeyd olunanlara əsasən və İXM-in 40, 43, 48-51, 61, 114, 128-131-ci maddələrini rəhbər tutaraq, məhkəmə QƏRARA ALDİ: Şəxs MMC-nin rəhbəri X9 Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətməkdə təqsirli bilinsin və barəsində 1200 (min iki yüz) manat məbləğində cərimə növündə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində Bakı Şəhəri Nərimanov Rayon Məhkəməsi vasitəsilə və ya bilavasitə Bakı Apellyasiya Məhkəməsinə şikayət verilə bilər. Hakim Tural Ələkbərov