Bakı Şəhəri Nərimanov Rayon Məhkəməsi Qərar — İş №3(005)-181/2023

Azərbaycan Respublikası adından QƏRAR Bakı şəhəri İş № 3(005)-181/2023 26.01.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi Məmmədhəsənov Fərman Salman oğlunun katibliyi, Azərbaycan Respublikası Fövqəladə Hallar Nazirliyi X7 Xidməti 3-cü ərazi X7 İdarəsinin X7 şöbəsinin inspektoru X1, barəsində inzibati xəta haqqında iş üzrə icraat aparılan Şəxs MMC-nin rəhbəri X2 iştirakları ilə iştirakı ilə, Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 518.1-ci maddəsi ilə tənbeh tədbirinin tətbiq edilməsinə dair Azərbaycan Respublikası Fövqəladə Hallar Nazirliyi X7 Xidməti 3-cü ərazi X7 İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Fövqəladə Hallar Nazirliyi X7 Xidməti 3-cü ərazi X7 İdarəsinin Şəxs MMC-nin barəsində İXM-in 518.1-ci maddəsi ilə MN ******* nömrəli, xx.xx.2023-cü il tarixli inzibati xəta haqqında protokol tərtib edərək baxılması üçün məhkəməyə göndərmişdir. İnzibati xəta haqqında protokoldan görünür ki, Şəxs MMC tərəfindən xx.xx.2023-cü il tarixdə Bakı şəhəri, Nərimanov rayonu, Heydər Əliyev prospekti, 95/2 ünvanda yerləşən Şəxs MMC-yə məxsus ofisdə yanğın-texniki müayinə keçirilən zaman qanunvericiliyin pozulması aşkar edilmişdir. Nəticədə Şəxs MMC tərəfindən İXM-in 518.1-ci maddəsində nəzərdə tutulan inzibati xəta törədilmişdir. Məhkəmə iclasında Azərbaycan Respublikası Fövqəladə Hallar Nazirliyi X7 Xidmətinin 3-cü ərazi X7 İdarəsinin X7 şöbəsinin inspektoru X4 inzibati xəta haqqında protokolda göstərilənlərə uyğun izahat verərək inzibati xəta törətmiş hüquqi şəxsin barəsində inzibati tənbeh tədbirinin tətbiq edilməsini xahiş etmişdir. Barəsində inzibati xəta haqqında iş üzrə icraat aparılan Şəxs MMC-nin rəhbəri X5 məhkəmə iclasında izahat verərək bildirmişdir ki, Bakı şəhəri, Nərimanov rayonu, Heydər Əliyev prospekti, 95/2 ünvana dair mülkiyyətçi ilə aralarında bağlanmış icarə müqaviləsi xx.xx.2022-ci il tarixdə ləğv edilmişdir. İnzibati protokol isə xx.xx.2023-cü il tarixdə tərtib edilmişdir. Göründüyü kimi protokol MMC-nin həmin ünvanda fəaliyyət göstərmədiyi vaxtda tərtib edildiyindən inzibati iş üzrə icraata inzibati xəta tərkibi olmadığından xitam verilməsini xahiş etmişdir. İş materiallarında olan və məhkəmə iclasında tədqiq edilmiş: Sahibkarlıq sahəsində aparılan yoxlamaların vahid məlumat reyestrindən xx.xx.2023-cü il tarixli KY231878889 nömrəli çıxarışdan görünür ki, Şəxs MMC tərəfindən “Yanğın təhlükəsizliyi haqqında” Azərbaycan Respublikası Qanununun tələblərinə riayət edilib-edilməməsinin yoxlanılması müəyyən edilmişdir. Yoxlamanın müddəti xx.xx.2023-xx.xx.2023-cü il; “Yanğın-texniki müayinənin aparılması haqqında” Azərbaycan Respublikası Fövqəladə Hallar Nazirliyi X7 Xidmətinin xx.xx.2023-cü il tarixli, 098 nömrəli qərarından görünür ki, Şəxs MMC-də planlı (növbəti) yoxlamanın aparılması qərara alınmışdır; xx.xx.2023-cü il tarixli, 098 nömrəli yanğın-texniki müayinə aktından görünür ki, obyekt yanğın xəbərverici siqnalizasiya qurğusu ilə tam təmin olunmayıb və işlək vəziyətdə deyil; obyektdə mövcud balonların tərkibi yenilənməyib; obyektdə ümumi elektrik təsərrüfatına profilaktiki baxış aktı təqdim olunmadı; obyektiv icbari qaydada sığorta şəhadətnaməsi təqdim olunmadı; obyektdə müvəqqəti çəkilmiş elektrik xətləri mövcuddur; otaqlar YTQ-yə uyğun saxlanılmır; sənədlərin təqdim edilməsindən imtina edilir. xx.xx.2023-cü il tarixli imtina aktından görünür ki, Azərbaycan Respublikası Fövqəladə Hallar Nazirliyi Dövlət X6 3-cü ərazi X7 İdarəsinin X7 şöbəsinin böyük inspektoru daxili xidmət mayoru Seymur Musayev, həmin şöbənin inspektoru daxili xidmət baş leytenantı Əmrah Hüseynov və həmin şöbənin inspektoru daxili xidmət kapitanı Taleh Əhmədzadə ilə birlikdə bu aktı tərtib etdik ona görə ki, həqiqətən 11.01-xx.xx.2023-cü il tarixdə Nərimanov rayonu, H.Əliyev pr.95/2 ünvanda yerləşən X11 MMC-də keçirilmiş planlı yanğın-texniki müayinənin nəticəsi olaraq tələb edilən heç bir hüquqi sənəd təqdim edilməmiş, həmin tarixdə tərtib edilmiş YTM aktına və İnzibati xəta haqqında protokola həqiqətən imza etməkdən imtina edilmişdir. Müqavilənin ləğvinə dair xx.xx.2022-ci il tarixli müqavilədən görünür ki, X3 və Şəxs MMC arasında Bakı şəhəri, Nərimanov rayonu, Heydər Əliyev prospekti, 95/2 ünvanda yerləşən yaşayış sahəsinə dair Bakı şəhəri 9 saylı notariat ofisi tərəfindən xx.xx.2022-ci ildə təsdiq olunmuş 3-M-349 reyestr nömrəli icarə müqaviləsi rəsmiləşdirilmişdir. Hal-hazırda həmin müqavilənin ləğvi barədə razılığa gəlmişlər. Məhkəmə iş üzrə toplanmış materialları tədqiq edərək və araşdırılan sübutlara məcmu halda hüquqi qiymət verərək hesab edir ki, Azərbaycan Respublikası Fövqəladə Hallar Nazirliyi X7 Xidməti 3-cü ərazi X7 İdarəsinin MN ******* nömrəli, xx.xx.2023-cü il tarixli protokolu ilə başlanılmış inzibati xəta haqqında icraata xitam verilməlidir. Məhkəmə tərəfindən inzibati xəta haqqında işə baxıılarkən müəyyən edilmişdir ki, Bakı şəhəri, Nərimanov rayonu, Heydər Əliyev prospekti, 95/2 ünvana dair mülkiyyətçi ilə aralarında bağlanmış icarə müqaviləsi xx.xx.2022-ci il tarixdə ləğv edilmişdir. Həmin tarixdən etibarən qeyd edilən ünvandakı ofis fəaliyyət göstərmir. Bu halda xx.xx.2023-cü il tarixdə tərtib edilmiş inzibati protokol əsaslı hesab edilə bilməz. Azərbaycan Respublikası İXM-nin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 518.1-ci maddəsinə əsasən mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə-fiziki şəxslərə xəbərdarlıq edilir və ya onlar iyirmi manatdan otuz manatadək məbləğdə cərimə edilir, vəzifəli şəxslərə xəbərdarlıq edilir və ya onlar yüz manatdan yüz əlli manatadək məbləğdə, hüquqi şəxslər üç yüz əlli manatdan beş yüz manatadək məbləğdə cərimə edilir. Həmin Məcəllənin 18.1-ci maddəsinə əsasən hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. Həmin Məcəllənin 18.2-ci maddəsinə əsasən hüquqi şəxs inzibati məsuliyyətə həmin hüquqi şəxsin xeyrinə və ya onun maraqlarının qorunması üçün aşağıdakı şəxslər tərəfindən törədilən inzibati xətalara görə cəlb edilir: 18.2.1. hüquqi şəxsi təmsil etmək səlahiyyətinə malik olan vəzifəli şəxs; 18.2.2. hüquqi şəxsin adından qərarlar qəbul etmək səlahiyyətinə malik olan vəzifəli şəxs; 18.2.3. hüquqi şəxsin fəaliyyətinə nəzarət etmək səlahiyyətinə malik olan vəzifəli şəxs; 18.2.4. bu Məcəllənin 18.2.1-18.2.3-cü maddələrində nəzərdə tutulmuş vəzifəli şəxslər tərəfindən nəzarətin həyata keçirilməməsi nəticəsində hüquqi şəxsin işçisi. Həmin Məcəllənin 18.5-ci maddəsinə əsasən həmin məcəllənin 127-4.5-ci maddəsində nəzərdə tutulmuş hal istisna olmaqla hüquqi şəxs barəsində inzibati tənbeh yalnız hakim tərəfindən tətbiq edilir. Həmin Məcəllənin 11.2-ci maddəsinə əsasən inzibati xətalara görə məsuliyyəti yüngülləşdirən və ya onu aradan qaldıran normativ hüquqi aktların geriyə qüvvəsi vardır, yəni həmin aktlar onların qüvvəyə mindiyi vaxtadək törədilmiş, həmçinin inzibati tənbeh tətbiq etmə haqqında qərarı tam icra olunmamış xətalara da şamil edilir. Həmin Məcəllənin 114.2.1-ci maddəsinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Həmin Məcəllənin 114.1.4-cü maddəsinə əsasən inzibati xəta haqqında iş üzrə icraata xitam verilməsi haqqında inzibati xəta haqqında işə baxılarkən qərar çıxarılır. Həmin Məcəllənin 53.2-ci maddəsinə əsasən, hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. Beləliklə, məhkəmə hesab edir ki, işdə olan bütün şübhələr Şəxs MMC-nin xeyrinə həll edilməlidir. Şəxs MMC-nin təqsirliliyi sübuta yetirilmədiyinə görə onun barəsində inzibati xəta haqqında işin icraatına xitam verilməlidir Qeyd olunanlara əsasən və İXM-in 40; 43; 48-50; 114-115 və 128-130-cu maddələrini rəhbər tutaraq, məhkəmə QƏRARA ALDİ: Şəxs MMC barəsində Azərbaycan Respublikası Fövqəladə Hallar Nazirliyi X7 Xidməti 3-cü ərazi X7 İdarəsi tərəfindən tərtib edilmiş MN ******* nömrəli, xx.xx.2023-cü il tarixli inzibati xəta haqqında protokola əsasən Azərbaycan Respublikası İnzibati Xətalar Məcəlləsinin 518.1-ci maddəsi ilə başlanmış inzibati xətaya dair iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Hakim Gültəkin Əsədova