Bakı Şəhəri Nərimanov Rayon Məhkəməsi Qərar — İş №3(005)-1844/2021

Azərbaycan Respublikası adından QƏRAR Bakı şəhəri İş № 3(005)-1844/2021 20.09.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlunun sədrliyi, Zeynalova Günel Bəxtiyar qızının katibliyi Barəsində inzibati icraat aparılan Şəxs direktoru X1 iştirakı ilə, Şəxs barəsində Azərbaycan Respublikası İnzibati Xətalar Məcəlləsinin 430.4-cü maddəsi ilə tərtib olunan inzibati xəta haqqında materiala açıq məhkəmə iclasında baxaraq MÜƏYYƏN ETDİ: Azərbaycan Respublikasının Mərkəzi Bankı Şəxs barəsində Azərbaycan Respublikası İnzibati Xətalar Məcəlləsinin 430.4-cü maddəsi ilə MN ******* nömrəli 11 avqust 2021-ci il tarixli inzibati xəta haqqında protokol tərtib edərək, baxılması üçün məhkəməyə göndərmişdir. İnzibati xəta haqqında həmin protokoldan görünür ki, "xxxx" ASC-dən (Bank) təqdim edilmiş məlumat və sənədlərə əsasən, Şəxs 12000.00 ABŞ dolları məbləğində xarici valyutada olan vəsaiti ödəniş tapşırığına əsasən Bankda olan hesabından 31.07.2019-cu il tarixində Azərbaycan Respublikasından kənara qabaqcadan ödəniş etməklə köçürmüşdür. Lakin ödənişin aparıldığı gündən iki ildən artıq müddət keçməsinə baxmayaraq, 12000.00 ABŞ dolları məbləğində vəsait müqabilində malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən sənədi banka təqdim etməmiş və ya üçüncü şəxs tərəfindən qabaqcadan ödənilmiş məbləğ geri qaytarılmamışdır. Barəsində inzibati icraat aparılan hüquqi şəxs Şəxs MMC-nin direktoru X2 məhkəmə iclasında çıxış edərək direktoru olduğu hüquqi şəxsin barəsində tərtib olunmuş protokolun tamamilə əsassız olduğunu bildirmiş, əlavə olaraq qeyd etmişdir ki, Şəxs MMC ilə “AKANG HOLDİNG CO. LTD” şirkəti arasında bağlanmış 20.07.2019-cu il tarixli müqaviləyə əsasən Şəxs MMC 12000.00 ABŞ dolları məbləğində pulu qabaqcadan 31.07.2019-cu il tarixdə "xxxx" ASC-nin vasitəsilə sözügedən şirkətə köçürmüşdür. Köçürülən 12000.00 ABŞ dolları məbləğində vəsaitin müqabilində malların satın alınmış mallar isə tam şəkildə respublikaya idxal olunmuşdur. Mallar qanunvericiliklə nəzərdə tutulmuş iki illik müddət ərzində idxal olunmasa da, həmin mallar hazırda ölkə ərazisindədir və köçürülən məbləğin qarşılığı olaraq tam şəkildə idxal olunmuşdur. Mallar müəyyən qədər müddət ərzində geciksə də, bu gecikmə şirkət tərəfindən deyil xarici hüquqi şirkət tərəfindən gecikdirilmişdir. Belə olan halda belə direktoru olduğu şirkətin inzibati məsuliyyətə cəlb edilməsi yanlışdır. Sonda malların ölkəyə idxal olunduğunu təsdiq edən **********4497 saylı gömrük bəyannaməsini məhkəməyə təqdim edib, iş üzrə icraata xitam verilməsini xahiş etmişdir. İnzibati xəta haqqında protokol tərtib etmiş səlahiyyətli orqana məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasında səlahiyyətli nümayəndəsinin iştirakını təmin etməyib bunun səbəbləri barədə məhkəməyə məlumat verməmişdir. Buna görə də məhkəmə inzibati xəta haqqında protokolu tərtib etmiş səlahiyyətli orqanın nümayəndəsinin iştirakı olmadan işə baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: İnternet Vergi İdarəsinin kommersiya qurumlarının dövlət reyestri məlumatları haqqında çıxarışdan görünür ki, nizamnamə kapitalı 30.00 AZN olan Şəxs 26.07.2017-ci ildə dövlət qeydiyyatına alınmışdır; **********4497 saylı gömrük bəyannaməsindən görünür ki, “AKANG HOLDİNG CO. LTD” şirkəti tərəfindən ixrac olunmuş 12000.00 ABŞ dolları dəyərində mallar Şəxs MMC tərəfindən 07.09.2021-ci ildə bəyan olunaraq ölkəyə idxal edilmişdir. Azərbaycan Respublikası İnzibati Xətalar Məcəlləsinin: 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. 53.0.1-ci maddəsinə əsasən inzibati xəta hadisəsi olmadıqda, həmçinin İXM-in 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 105.1-ci maddəsinə əsasən həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olanhakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. 109.2-ci maddəsinə əsasən həmin Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. 430.4-cü maddəsinə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir. Azərbaycan Respublikası Mərkəzi X3 28.11.2016-cı il tarixli, 45/1 saylı qərarı ilə təsdiq edilmiş “Azərbaycan Respublikasının rezident və qeyrirezidentlərinin xarici valyuta əməliyyatlarının aparılması Qaydaları”nın 4.3.1.3-cü bəndinə görə qabaqcadan ödəniş aparıldıqda banka ödənişin təyinatını, şərtlərini və məbləğini əks etdirən sənəd təqdim edilir. Qabaqcadan ödəniş müqabilində malların ölkəyə idxalını (xidmətlərin göstərilməsini) təsdiq edən gömrük bəyannaməsi (xidmətlərin göstərilməsini təsdiq edən sənəd) banka təqdim olunmalıdır və ya xeyrinə qabaqcadan ödənişin edildiyi şəxs və ya üçüncü şəxs tərəfindən qabaqcadan ödənilmiş məbləğ geri qaytarılmalıdır. Müvafiq sənədlər ödənişin aparıldığı gündən ən geci 2 (iki) il müddətində banka təqdim edilmədikdə və ya qabaqcadan ödənilmiş məbləğ geri qaytarılmadıqda və bu zaman idxal edilməyən malların (göstərilməyən xidmətlərin) və ya geri qaytarılmayan məbləğin qalıq dəyəri 10.000 (on min) ABŞ dolları ekvivalenti məbləğindən çox olduqda, bank tərəfindən qabaqcadan ödəniş əməliyyatına dair bütün sənədlər 5 (beş) iş günü ərzində Azərbaycan Respublikasının Mərkəzi Bankına təqdim edilir. Məhkəmə inzibati xəta haqqında protokolu, barəsində inzibati icraat aparılan hüquqi şəxsin nümayəndəsinin izahatını dinləyib, iş materiallarına əlavə edilmiş sənədləri nəzərdən keçirərək hesab edir ki, hüquqi şəxsin barəsində inzibati xəta haqqında iş üzrə icraata xitam verilməlidir. Məhkəmə, Azərbaycan Respublikasının Mərkəzi Bankından daxil olmuş Şəxs barəsində MN ******* nömrəli 11 avqust 2021-ci il tarixli inzibati xəta haqqında protokolu, iş materiallarında olan sübutların məcmusunu nəzərə alaraq belə qənaətə gəlir ki, Şəxs tərəfindən Azərbaycan Respublikası İnzibati Xətalar Məcəlləsinin 430.4-cü maddəsində nəzərdə tutulmuş inzibati xətanı törətməsinə dair iş üzrə icraata xitam verilməlidir. Belə ki, Şəxs barəsində MN ******* nömrəli 11 avqust 2021-ci il tarixli inzibati xəta haqqında protokol tərtib edilsə də, iş materiallarına əlavə edilmiş gömrük bəyannaməsindən görünür ki, Şəxs MMC ilə “CHANGZHOU CARE-DE SANİTARY MATERİAL CO.LTD” şirkəti arasında bağlanmış 11.03.2019-cu il tarixli müqaviləyə əsasən 12000.00 ABŞ dolları məbləğində vəsait hesabına alınmış mallar **********4497 saylı gömrük bəyannaməsi ilə 07.09.2021-ci il tarixdə ölkəyə rəsmi qaydada idxal edilmişdir. Məhkəmə yuxarıda göstərilən xüsusatla bağlı olaraq eyni zamanda qeyd edir ki, Şəxs MMC tərəfindən 20.07.2019-cu il tarixli müqavilə əsasında xaricə 31.07.2019-cu il tarixdə "xxxx" ASC-nin vasitəsilə edilmiş köçürmənin qarşılığı olaraq mallar ölkəyə qanunvericiliklə nəzərdə tutulmuş iki il müddət ərzində idxal olunmamış, ya idxal olunan xidmətlərin göstərilməsini təsdiq edən sənəd banka təqdim edilməmiş və ya üçüncü şəxs tərəfindən qabaqcadan ödənilmiş məbləğ geri qaytarılmamışdır. AR İXM-nin 430.4-cü maddəsinin dizpozisiyasından məlum olur ki, həmin inzibati xətanın tərkibinin yaranması üçün hüquqi şəxs tərəfindən ödənişin aparıldığı gündən iki il müddət ərzində köçürülən vəsait müqabilində malların ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənəd banka təqdim edilməməli və ya üçüncü şəxs tərəfindən qabaqcadan ödənilmiş məbləğ geri qaytarılmamalıdır. Məhkəmə araşdırması zamanı müəyyən edilir ki, Şəxs MMC tərəfindən “CHANGZHOU CARE-DE SANİTARY MATERİAL CO.LTD” şirkəti arasında bağlanmış 11.03.2019-cu il tarixli müqaviləyə əsasən 12000.00 ABŞ dolları məbləğində vəsait hesabına alınmış mallar **********4497 saylı gömrük bəyannaməsi ilə 07.09.2021-ci il tarixdə ölkəyə rəsmi qaydada idxal edilib. Qeyd edilən isə Şəxs MMC tərəfindən qanunun imperativ tələblərinin yerinə yetirilməməsinə yönəlmiş hər hansı bir qərəzli hərəkətin edilməməsini təsdiq edir. Beləliklə, məhkəmə Azərbaycan Respublikasının İnzibati Xətalar Məcəlləsinin 430.4cü maddəsində nəzərdə tutulmuş inzibati xətanı törətməkdə təqsirləndirilən Şəxs 12000.00 ABŞ dolları məbləğində xarici valyutada olan vəsaitin ödəniş tapşırığına əsasən Bankda olan hesabından 31.07.2019-cu il tarixində Azərbaycan Respublikasından kənara qabaqcadan ödəniş etməklə köçürülmüş pul məbləğinin müqabilində malların **********4497 saylı gömrük bəyannaməsi ilə idxal olunmasının müəyyən edilməsini nəzərə alıb belə qənaətə gəlir ki, inzibati xəta tərkibi olmadığından Şəxs barəsində Azərbaycan Respublikasının İnzibati Xətalar Məcəlləsinin 430.4-cü maddəsi ilə nəzərdə tutulan inzibati iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 8, 43, 53, 109, 114, 115, 129-131-ci maddələrini rəhbər tutaraq QƏRARA ALDİ: Şəxs barəsində Azərbaycan Respublikasının İnzibati Xətalar Məcəlləsinin 430.4-cü maddəsində nəzərdə tutulmuş inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Hafiz Kamranov