Bakı Şəhəri Nərimanov Rayon Məhkəməsi Qərar — İş №3(005)-1856/2023

Azərbaycan Respublikası adından QƏRAR Bakı şəhəri İş № 3(005)-1856/2023 09.06.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlunun sədrliyi, Əhmədova Aynur Əvəz qızının katibliyi, İnzibati xəta haqqında protokolu tərtib etmiş Azərbaycan Respublikası Daxili İşlər Nazirliyi Bakı şəhəri Nərimanov RPİ-nin 16-cı PB-nin polis sahə rəisi X2, Barəsində inzibati xəta haqqında iş üzrə icraat aparılan - Şəxs iştirakları ilə, xx.xx.1984-cü ildə Yevlax rayonunda anadan olmuş, Azərbaycan Respublikası vətəndaşı, evli, işləməyən, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 206-cı maddəsi ilə inzibati tənbeh tədbirinin tətbiq edilməsinə dair inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Azərbaycan Respublikası Daxili İşlər Nazirliyi Bakı şəhəri Nərimanov RPİ-nin 16-cı PB-dən daxil olmuş 09 iyun 2023-cü il tarixli, MN ******* nömrəli inzibati xəta haqında protokoldan görünür ki, Şəxs xx.xx.2023-cü il tarixdə axşam saat 21 radələrində narkotik vasitə olan marixuana və psixotrop maddə olan metamfetamin istifadə etmişdir. Bununla da o, Azərbaycan Respublikası İnzibati Xətalar Məcəlləsinin 206-cı maddəsi ilə nəzərdə tutulmuş inzibati xətanı törətmişdir. İnzibati xəta haqqında protokolu tərtib etmiş Azərbaycan Respublikası Daxili İşlər Nazirliyi Bakı şəhəri Nərimanov RPİ-nin 16-cı PB-nin polis sahə rəisi X5 məhkəmə iclasında protokolda qeyd olunanlara uyğun çıxış edərək bildirmişdir ki, xx.xx.2023-cü il tarixdə saat 15:00 radələrində BNMİ-nin əməkdaşları tərəfindən ünvan 2 ünvanın qarşısında Şəxs oğlu saxlanılaraq saat 15:30 radələrində şübhəli şəxs qismində 16-cı PB-nə gətirilmişdir. 16-cı PBdə ona üzərində hər hansı qanunsuz əşya və ya maddəni könüllü təqdim etmək təklif olunmuşdur. Şəxs oğlunun üzərinə şəxsi axtarış aparılmışdır. Bu zaman Şəxs oğlu üzərində olan göy rəngli pencəyin sağ yan iç cibindən içərisində spesifik qoxuya malik, yaşıl rəngli, ot şəkilli maddə olan şəffaf sellofana bükülmüş 01 ədəd bükümü və sol yaniç cibindən 01 ədəd “İphone 13” markalı mobil telefonu, göy rəngli şalvarının sağ yan cibindən 01 ədəd 500-lük, 01 ədəd 50-lik və 01 ədəd 20 manatlıq pul əskinaslarını könüllü olaraq təqdim etmişdir. Şübhəli şəxs Şəxs bildirmişdir ki, təqdim etdiyi 01 ədəd büküm içərisində narkotik vasitə marixuanadır. Daha sonra araşdırma başlanılmış və cinayət işinin başlanması rədd edildikdən sonra Şəxs barəsində tədbir görülməsi üçün inzibati xəta haqqında protokol tərtib edilmişdir. Barəsində inzibati xəta haqqında icraat aparılan Şəxs məhkəmə iclasında özünü təqsirli bilib izahatında göstərmişdir ki, ailə problemləri olduğundan belə səhvə yol vermişdir. Son olaraq əməlindən səmimi peşman olduğunu bildirib barəsində maddənin sanksiyası həddində yüngül tənbeh tədbirinin tətbiq edilməsi barədə qərar qəbul edilməsini xahiş etmişdir. İş materiallarında olan və məhkəmə baxışında tədqiq edilmiş: Azərbaycan Respublikası Səhiyyə Nazirliyi Respublika Narkoloji X7 Şəxsi Ambulator X1 09 iyun 2023-cü il tarixli, 3605 nömrəli ekspert rəyindən görünür ki, Şəxs opioidlərin qəbulu nəticəsində asılılıq sindromu aşkar olunur. Narkomaniyadan məcburi müalicəyə ehtiyacı vardır. Ərazi narkoloji dispanserində qeydiyyata alınması məsləhət görülür. “İnzibati qaydada tutma haqqında” 09 iyun 2023-cü il tarixli protokoldan görünür ki, Şəxs xx.xx.2023-cü il tarixdə 16:40-da inzibati qaydada tutulmuşdur. “Cinayət işinin başlanmasının rədd edilməsi barədə” 09 iyun 2023-cü il tarixli qərardan görünür ki, toplanmış material üzrə cinayət işinin başlanması rədd edilmiş və vətəndaş Şəxs maddi sübut kimi götürülmüş 1,865 qram çəkidə narkotik vasitə marixuana saxlanması üçün Nərimanov RPİ-nin saxlancına verilmişdir. “Cinayət törətməkdə şübhəli olan şəxsin tutulması haqqında” 08 iyun 2023-cü il tarixli protokoldan görünür ki, Şəxs xx.xx.2023-cü il tarixdə saat 16:30-da şübhəli şəxs qismində tutulmuşdur. “Şübhəli şəxsin üzərində şəxsi axtarış və götürmə aparılması haqqında” 08 iyun 2023-cü il tarixli protokoldan görünür ki, xx.xx.2023-cü il tarixdə saat 15:00 radələrində BNMİ-nin əməkdaşları tərəfindən ünvan 2 ünvanın qarşısında Şəxs oğlu saxlanılaraq saat 15:30 radələrində şübhəli şəxs qismində 16-cı PB-nə gətirilmişdir. 16-cı PB-də ona üzərində hər hansı qanunsuz əşya və ya maddəni könüllü təqdim etmək təklif olunmuşdur. Şəxs oğlunun üzərinə şəxsi axtarış aparılmışdır. Bu zaman Şəxs oğlu üzərində olan göy rəngli pencəyin sağ yan iç cibindən içərisində spesifik qoxuya malik, yaşıl rəngli, ot şəkilli maddə olan şəffaf sellofana bükülmüş 01 ədəd bükümü və sol yaniç cibindən 01 ədəd “İphone 13” markalı mobil telefonu, göy rəngli şalvarının sağ yan cibindən 01 ədəd 500-lük, 01 ədəd 50-lik və 01 ədəd 20 manatlıq pul əskinaslarını könüllü olaraq təqdim etmişdir. Şübhəli şəxs Şəxs bildirmişdir ki, təqdim etdiyi 01 ədəd büküm içərisində narkotik vasitə marixuanadır. Aşkar olunmuş narkotik vasitə qablaşdırılmış və 218 nömrəli möhürlə möhürlənmişdir. “Cinayət törətməkdə şübhəli şəxs qismində saxlanılan şəxsin azad edilməsi haqqında” 09 iyun 2023-cü il tarixli qərardan görünür ki, şübhəli şəxs qismində saxlanılmış Şəxs oğlu azad edilmişdir. Azərbaycan Respublikasının Ədliyyə Nazirliyi Məhkəmə Ekspertizası Mərkəzinin 09 iyun 2023-cü il tarixli, 7/829 nömrəli ekspert rəyindən görünür ki, vətəndaş Şəxs oğlundan aşkar edilərək götürülmüş təmiz çəkisi 1,865 qram olan bitki mənşəli kütlə, tərkibində narkotik maddələr olan çətənə (kannabis) bitkisindən kustar üsulla hazırlanmış narkotik vasitə qurudulmuş marixuanadır. Aparılmış tədqiqatın dəyəri 72 manatdır. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən inzibati xətaya görə inzibati tənbeh bu Məcəlləyə uyğun olaraq tətbiq edilir; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 31.4-ci maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin üçdə birindən az ola bilməz; 37.1-ci maddəsinə əsasən inzibati həbs nəzərdə tutan inzibati xəta törətmiş, narkomaniyadan müalicəyə ehtiyacı olan şəxslərə inzibati həbs tənbeh növü tətbiq edilərkən məhkəmə tərəfindən onlara məcburi müalicə təyin edilir və inzibati həbs növündə inzibati tənbeh çəkilib qurtardıqdan sonra icra olunur; 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsinə görə üç yüz manatdan dörd yüz manatadək məbləğdə cərimə edilir, işin hallarına görə və xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbs tətbiq edilir; Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokol, barəsində inzibati xəta haqqında iş üzrə icraat aparılan və inzibati protokolu tərtib etmiş şəxsin, eləcə də inzibati materialda olan digər sənədlərlə tam sübuta yetirilmişdir. Azərbaycan Respublikasinin İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə Şəxs əməlindən səmimi peşmançılıq çəkməsini nəzərə alır və onun məsuliyyətini yüngülləşdirən hal kimi qiymətləndirir. Şəxs məsuliyyətini ağırlaşdıran hallar müəyyən edilməmişdir. Məhkəmə iclasında müəyyən edilmişdir ki, Şəxs xx.xx.2023-cü il tarixdə saat 15:00 radələrində BNMİ-nin əməkdaşları tərəfindən ünvan 2 ünvanın qarşısında saxlanılaraq Bakı şəhəri Nərimanov RPİ-nin 16-cı PB-yə gətirilmişdir və daha sonra şübhəli şəxs qismində tutularaq Nərimanov RPİ-nin MSY-yə təhvil verilmişdir. İş materiallarından göründüyü kimi Şəxs azadlığı faktiki olaraq xx.xx.2023-cü il tarix saat 15:00-dan məhdudlaşdırılmışdır. Bu səbəbdən də Şəxs barəsində həbsetmənin əvvəli onun azadlığının məhdudlaşdırıldığı vaxtdan, yəni 08 iyun 2023-cü il tarixdən saat 15:00-dan hesablanmalıdır. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən halın olmasını və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətməkdə təqsirli bilinərək barəsində maddənin sanksiyasının hədləri daxilində inzibati həbs növündə inzibati tənbeh tətbiq edilməli, narkomaniyadan məcburi müalicə təyin edilməli və ərazi narkoloji dispanserdə qeydiyyata götürülməli, iş üzrə maddi sübut kimi tanınmış və hazırda Azərbaycan Respublikası Daxili İşlər Nazirliyi Nərimanov RPİ-nin 16-cı PB-nin maddi sübutların saxlanc yerində saxlanılan 1,865 qram narkotik vasitə marixuana məhv edilməli və iş üzrə aparılmış ekspertiza tədqiqatının dəyəri 72 (yetmiş iki) manat İXM-in 55.2-ci maddəsinin tələblərinə əsasən dövlət hesabına ödənilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddələrini rəhbər tutaraq QƏRARA ALDİ: Şəxs Azərbaycan Respublikası İnzibati Xətalar Məcəlləsinin 206-cı maddəsində nəzərdə tutulmuş inzibati xətanı törətməkdə təqsirli bilinərək, barəsində 15 gün müddətinə inzibati həbs növündə inzibati tənbeh tətbiq edilsin. Həbsetmənin əvvəli 08 iyun 2023-cü il tarixdən saat 15:00-dan hesablansın. Nərimanov RPİ-də saxlanılan 1,865 qram narkotik vasitə marixuana məhv edilsin. Barəsində inzibati xəta haqqında iş üzrə icraat aparılan Şəxs narkomaniyadan məcburi müalicə təyin edilsin və o, ərazi narkoloji dispanserdə qeydiyyata götürülsün. İş üzrə ekspertiza tədqiqatının dəyəri 72 (yetmiş iki) manat dövlət büdcəsi vəsaiti hesabına ödənilsin. Həbsetmə ilə bağlı qərarın icrası Azərbaycan Respublikası Daxili İşlər Nazirliyinin İnzibati X3 Mərkəzinə tapşırılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apelyasiya Məhkəməsinə apelyasiya şikayəti verilə bilər. Hakim Hafiz Kamranov