Bakı Şəhəri Nərimanov Rayon Məhkəməsi Qərar — İş №3(005)-1928/2025

Azərbaycan Respublikası adından QƏRAR Bakı şəhəri İş № 3(005)-1928/2025 17.06.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi Məmmədhəsənov Fərman Salman oğlunun katibliyi ilə, xx.xx.2002-ci il tarixdə Lerik rayonu, Soru kəndində anadan olmuş, Azərbaycan Respublikasının vətəndaşı, evli, "xxxx" Məhdud Məsuliyyətli Cəmiyyətində” menecer vəzifədində işləyən, orta təhsilli, Lerik Rayonu, Əliabad Ə/D, Soru kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 338.7-ci maddəsi ilə Azərbaycan Respublikası Daxili İşlər Nazirliyi Bakı şəhəri Nərimanov rayon Polis İdarəsindən daxil olmuş inzibati xəta haqqında iş materiallarına məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyinin Bakı şəhəri Nərimanov rayon Polis İdarəsindən daxil olmuş “Cinayət işinin başlanmasının rədd edilməsi barədə” Nərimanov RPİ-nin Təhqiqat şöbəsinin təhqiqatçısı, polis mayoru Nadir Rza-zadənin 26 may 2025-ci il tarixli qərarından və 04 iyun 2025-ci il tarixli İXP ******* nömrəli inzibati xəta haqqında protokoldan görünür ki, 07 may 2025-ci il tarixdə saat 14:30 radələrində Şəxs idarə etdiyi mopedi ilə Nərimanov rayonu F.X.Xoyski küçəsi ilə Gənclik Mall ticarət mərkəzinin qarşısında X1 idarə etdiyi Hyundai Avante markalı **-LA-*** dövlət nömrə nişanlı avtomobilin arxa hissəsinə dəyərək toqquşmuş və toqquşma nəticəsində zərərçəkmiş X2 maddi zərər vurulması ilə nəticələnən ehtiyatsızlıqdan yol nəqliyyat hadisəsi törətmişdir. Məhkəmə iclasının vaxtı və yeri barədə lazımi qaydada məlumatlandırılmasına baxmayaraq, barəsində inzibati xəta haqqında iş üzrə icraat aparılan şəxs, inzibati xəta haqqında protokol tərtib etmiş səlahiyyətli qurumun nümayəndəsi və zərərçəkmiş şəxs məhkəmə iclasına gəlməmişdir. Məhkəmə, işə inzibati xəta haqqında protokol tərtib etmiş səlahiyyətli qurumun nümayəndəsinin, barəsində inzibati xəta haqqında iş üzrə icraat aparılan şəxsin və zərərçəkmiş şəxsin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Araşdırma zamanı X3 izahatında bildirmişdir ki, 07 may 2025-ci il tarixdə saat təxminən 14:30 radələrində o idarə etdiyi Hyundai Avante markalı ** LA *** dövlət nömrə nişanlı avtomobil ilə Nərimanov rayonu F.X.Xoyski küçəsi ilə Gənclik mol ticarət mərkəzinin qabağı ilə üzü K.Rəhimov küçəsi ilə olan kəsişməyə doğru sağ zolaqla saatda 45-50 km sürətlə hərəkət edərkən sol yan güzgüdən iki motosikl hərəkət etdiyini görmüşdür.Sonrada avtomobilinin arxa hissəsinə zərbə səsi eşitdiyini və avtomobilinin sirkələndiyini hiss etmişdir.Avtomobili dərhal saxlayıb düşüb baxdıqda arxada moped yerdə olduğunu və sürücüsü ilk əvvəl yerdə olduğunu, daha sonra sonra ayaq üstə qalxdığını görmüşdür.O həmin şəxsə köməklik göstərmiş və hadisə barədə sonra DİN 102 xidmətinə zəng vurub məlumat vermişdir.Sonra YPX 475 nömrəli avtomobil gəlib onu xəstəxanaya aparmağı təklif etmişdir, o da moped idarə edən şəxsi avtomobilinin qabaq sağ oturacağına əyləşdirib xəstəxanaya aparmışdır.Hadisə zamanı avtomobildə tək olmuşdur.Moped avtomobilinin arxa buferinə sol hissəsinə toqquşmuşdur.Hadisə zamanı o xəsarət almamışdır.Xəstəxanada moped sürücüsünə tibbi yardım göstəriləndən sonra sonuncu evə buraxılmışdı və o onu gəlib Gənclik mol ticarət mərkəzinin yanında düşürtmüşdür.Sürücülük vəsiqəsini sabah təqdim edəcəyini bildirmişdir. Nərimanov RPİ-nin Növbətçi Hissəsinin məsul növbətçisi, polis kapitanı Vüsal Həsənov tərəfindən tərtib edilmiş HK-1 N-456/102-9073/nömrəli, xx.xx.2024-cü il tarixli raportdan görünür ki, xx.xx.2025-ci il tarixdə saat 14:49-da, vət. Şəxs “DİN”-nin 102 XZM-nə məlumat verərək bildirdi ki, Nərimanov rayonu “Gənclik Moll”-un qarşısında baş vermiş YNH-si zamanı, "Hyundai” markalı **- LA-*** dövlət qeydiyyat nişanlı avtomaşınla, motosikletin toqquşması nəticəsində xəsarət alan olmuşdur. xx.xx.2025, xx.xx.2025 və xx.xx.2025-ci il tarixli protokollardan görünür ki, Nərimanov RPİ-nin Təhqiqat Şöbəsinin təhqiqatçısı, polis mayoru Nadir Rza-zadə, Azərbaycan Respublikası 51 və 86cı maddələrin tələblərinə müvafiq olaraq, tərtib edirəm həmin protokolu ondan ötrü ki, xx.xx.2025-ci il tarixdə Şəxs DİN 102 xidmətinə müraciət edərək, Nərimanov rayonu «Gənclik Mail» ticarət mərkəzin qarşısında baş vermiş yol-nəqliyyat hadisəsi zamanı Hyundai markalı ** LA *** dövlət qeydiyyat nişanlı avtomobilin motosikletlə toqquşması nəticəsində xəsarət alan olması barədə məlumat vermişdir. Şəxs DİN 102 xidmətinə verdiyi məlumat ilə əlaqədar olaraq, onun izahatının alınması və almış olduğu xəsarətin dərəcəsini təyin etmək üçün istifadəsində olan 055 *** ** ** saylı mobil nömrəsi ilə dəfələrlə əlaqə saxlanılmışdır.Lakin vətəndaşa zəng çatmadığından onunla əlaqə yaratmaq, izahatını almaq və MTE-dan keçməsini təmin etmək mümkün olamışdır. “Cinayət işinin başlanmasının rədd edilməsi barədə” 26 may 2024-cü il tarixli qərardan görünür ki, qərarın təsviri hissəsində göstərilənlərə əsasən əməlində cinayət tərkibi olmadığına görə Şəxs barəsində cinayət işi başlanılması rədd edilmiş, qərarın surətinin və toplanmış materialın sürücü Şəxs barəsində İXM-in İXM-in 338.7-ci maddəsinin tələbinə əsasən inzibati tənbeh tədbiri görülməsindən ötrü Nərimanov RPİ-nin DYPŞ-si vasitəsilə Nərimanov rayon məhkəməsinə göndərilməsi qərara alınmışdır. Şəxs həmin hərəkətləri ilə «Yol hərəkəti haqqında» Azərbaycan Respublikası Qanununun 50-cı maddəsinin 2-ci hissəsinin (Sürücü sürətdən və hərəkət şəraitindən asılı olaraq elə ara məsafəsi seçməlidir ki, eyni zolaqda özündən qabaqda gedən nəqliyyat vasitəsi sürəti kəskin azaltdıqda və ya gözlənilmədən dayandıqda, onunla toqquşmanın qarşısını almaq mümkün olsun. ) tələblərini pozmuşdur. Məhkəmə qeyd edir ki, İXM-in 338.7-ci maddəsində nəzərdə tutulmuş inzibati xətanın Şəxs tərəfindən törədilməsi işdə pıan özünün etirafedici izahatı, zərərçəkmiş şəxsin izahatı, məhkəmə iclasında tədqiq edilmiş inzibati xəta haqqında protokol, ekspert rəyi, eləcə də inzibati materialda olan digər sənədlərlə sübuta yetirilmişdir. İXM-in 31.2-ci maddəsinə əsasən fiziki şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İş üzrə məsuliyyəti yüngülləşdirən və ağırlaşdıran hallar mövcud deyildir. İXM-in: 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 6.1-ci maddəsinə əsasən inzibati xətalara görə inzibati tənbeh həmin Məcəlləyə uyğun olaraq tətbiq edilir; 12.1-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin üçdə birindən az ola bilməz; 38.3-cü maddəsinə görə cinayət işinin başlanması rədd edildikdə və ya cinayət işinə xitam verildikdə, lakin şəxsin əməllərində inzibati xəta tərkibinin bütün əlamətləri olduqda, inzibati tənbeh cinayət işinin başlanmasının rədd edilməsi və ya ona xitam verilməsi haqqında qərar qəbul edildiyi gündən ən geci üç ay keçənədək verilə bilər; 55.2-ci maddəsinə əsasən fiziki şəxslər barəsində inzibati xətalar haqqında işlər üzrə məsrəflər dövlət hesabına ödənilir. Hüquqi şəxslər barəsində inzibati xətalar haqqında işlər üzrə məsrəflər isə həmin şəxslərin üzərinə qoyulur; 338.7-ci maddəsinə əsasən bu Məcəllənin 338.4 və 338.5-ci maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə və ya zərər çəkmiş şəxsə maddi zərər vurulmasına görə yüz manatdan yüz əlli manatadək məbləğdə cərimə edilir. “Yol hərəkəti haqqında” Azərbaycan Respublikasının Qanunun 46-cı maddəsinin 1-ci hissəsinə əsasən velosipedlər və mopedlər yalnız yolun sağ kənar zolağında, yol nişanları və ya yol nişanlanmasının tələblərinə riayət etməklə, mümkün qədər sağ tərəfdə bir cərgə ilə hərəkət etməlidirlər. Məhkəmə, törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs İXM-in 338.7-ci maddəsində nəzərdə tutulmuş inzibati xətanı törətməkdə təqsirli bilinməli və ona həmin maddənin sanksiyasında nəzərdə tutulmuş inzibati cərimə növündə tənbeh tədbiri tətbiq edilməlidir. Qeyd olunanlara əsasən və İXM-in 43, 114 və 115-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 338.7-ci maddəsində nəzərdə tutulmuş inzibati xətanı törətməkdə təqsirli bilinsin və barəsində 100 (yüz) manat məbləğində inzibati cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim : Gültəkin Əsədova