Bakı Şəhəri Nərimanov Rayon Məhkəməsi Qərardad — İş №3(005)-1973/2020

Azərbaycan Respublikası adından QƏRARDAD Bakı şəhəri İş № 3(005)-1973/2020 08.10.2020 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlu, Məmmədov Rövşən Əlizadə oğlunun Azərbaycan Respublikası Daxili İşlər Nazirliyi Baş Dövlət X1 TP ******* nömrəli xx.xx.2020-ci il tarixli inzibati tənbeh vermə haqqında qərardan verdiyi şikayətə baxaraq, MÜƏYYƏN ETDİ: Məmmədov Rövşən Əlizadə oğlu şikayət ərizəsi ilə məhkəməyə müraciət edərək inzibati tənbeh vermə haqqında edilmiş Azərbaycan Respublikası Daxili İşlər Nazirliyi Baş Dövlət X1 TP ******* nömrəli xx.xx.2020-ci il tarixli qərarın ləğv edilməsi barədə qərar qəbul edilməsini xahiş etmişdir. İnzibati xəta haqqında materialların baxılmağa hazırlanması zamanı şikayəti və ona əlavə edilmiş iş materiallarını nəzərdən keçirərək hesab edirəm ki, Məmmədov Rövşən Əlizadə oğlu tərəfindən verilmiş şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Belə ki, Azərbaycan Respublikasının İXM-nin 130.1-ci maddəsinə əsasən bu Məcəllənin 126.1-ci maddəsində nəzərdə tutulmuş hallar istisna olmaqla, qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Göstərilənlərə əsasən hesab edirəm ki, Məmmədov Rövşən Əlizadəoğlunun Azərbaycan Respublikası Daxili İşlər Nazirliyi Baş Dövlət X1 TP ******* nömrəli xx.xx.2020ci il tarixli inzibati tənbeh vermə haqqında qərardan verdiyi şikayət qanunla müəyyən edilmiş müddətdə verilmədiyindən və müddətin bərpası üçün vəsatət təqdim olunmadığından geri qaytarılmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 106, 109 və 130-cu maddələrinə əsasən, QƏRARA ALDİ: Məmmədov Rövşən Əlizadəoğlunun Azərbaycan Respublikası Daxili İşlər Nazirliyi Baş Dövlət X1 TP ******* nömrəli xx.xx.2020-ci il tarixli inzibati tənbeh vermə haqqında qərardan verdiyi şikayət və ona əlavə edilmiş sənədlər geri qaytarılsın. Hakim Hafiz Kamranov