Bakı Şəhəri Nərimanov Rayon Məhkəməsi Qərar — İş №3(005)-2003/2023

Azərbaycan Respublikası adından QƏRAR Bakı şəhəri İş № 3(005)-2003/2023 06.07.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi, barəsində inzibati xəta haqqında iş üzrə icraat aparılan şəxs X1 iştirakları ilə, xx.xx.1993-cü il tarixdə Bakı şəhərində anadan olmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan X3 barəsində Azərbaycan Respublikası İnzibati Xətalar Məcəlləsinin (bundan sonra - İXM) 327.8-ci maddəsi ilə Azərbaycan Respublikası Daxili İşlər Nazirliyi Bakı şəhəri Nərimanov rayon Polis İdarəsindən daxil olmuş inzibati xəta haqqında iş materialları na məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyinin Bakı şəhəri Nərimanov rayon Polis İdarəsindən daxil olmuş “cinayət işinin başlanmasının rədd edilməsi barədə” Nərimanov RPİ-nin Təhqiqat şöbəsinin təhqiqatçısı, polis mayoru Nadir Rzazadənin 10 iyun 2023-cü il tarixli qərarından və 17 iyun 2023-cü il tarixli İXP ******* nömrəli inzibati xəta haqqında protokoldan görünür ki, sürücü X3 xx.xx.2023-cü il tarixdə saat 16:45 radələrində özünə məxsus idarə etdiyi Chevrolet Malibu markalı ** FX *** dövlət nömrə nişanlı avtomobil ilə Nərimanov rayonu K.Kazımzadə küçəsi ilə hərəkət edərək sağ tərəfdə yerləşən Bravo supermarketin qarşısındakı parklanma yerinə avtomobili park etmək üsün sağ tərəfə dönərkən ehtiyatsızlıqdan sürət pedalını basdıqda sürət çoxaldığından avtomobil parkinqin maneəsi olan sarı rəngli çuğundurun üstünə qalxmış və avtomobilin ön tərəfi ilə Bravo marketin pilləkanında olan 2013-cü il təvəllüdlü X7 vuraraq sonuncuya yüngül bədən xəsarətinin yetirilməsi ilə nəticələnən yol-nəqliyyat hadisəsi törədilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs X3 özünü İXM-in 327.8-ci maddəsi ilə təqsirli bilib izahatında göstərdi ki, xx.xx.2023-cü il tarixdə saat təxminən 16:45 radələrində o özünə məxsus idarə etdiyi Chevrolet Malibu markalı ** FX *** dövlət nömrə nişanlı avtomobil ilə Nərimanov rayonu K.Kazımzadə küçəsi ilə üzü Bakı Zoopark istiqamətinə doğru yolun sağdan birinci zolağı ilə tıxac olduğundan saatda 10 km sürətlə hərəkət edib sürətini azaldıb sağ tərəfdə olan Bravo supermarketin qarşısında parkınq boş olduğundan sağ tərəfə yavaş yavaş dönərkən maşının sürəti tam azalmış və artıq dayanmaq üzrə olmuşdur və o sürət pedalını azacıq basdıqda sürət tam çoxalmış və maşın artıq parkinqin maneəsi olan sarı rəngli çuğundurun üstünə qalxmış və irəli gedəndə o özünü itirmiş və əyləcdən tam istifadə etsədə avtomobilin ön tərəfi ilə pilləkanın qarşısında maşının önü ilə Bravo marketin pilləkanında olan divara maşın çırpılmış və maşının azacıq hissəsi ilə uşağa dəymişdir.O dərhal avtomobili arxaya verib saxlamışdır, onunla birgə sağ arxa oturacaqda əyləşən yoldaşı düşüb uşağa köməklik etmişdir.O özü şok vəziyyətdə olduğundan arxada ərinin qucağında olan övladını götürmüşdür.Maşın divara çırpılarkən sürəti ən çox saatda 5 km təşkil etmişdir.Hadisə tərəfindən ehtiyatsızlıqdan törədilmişdir.O və ailəsi həmin uşağın sonra yanına yollanmışlar, ona hər cürə dəstək və yardım göstərmişlər və təcili yardıma zəng vurub məlumat vermişlər.TTY gəlib uşağı maşını ilə xəstəxanaya aparmışdır.Onlar tərəfindən həmin uşağın müalicəsi ilə bağlı maddi şəkildə yardım göstəriləcəkdir. Məhkəmə iclasının vaxtı və yeri barədə lazımi qaydada məlumatlandırılmasına baxmayaraq, inzibati xəta haqqında protokol tərtib etmiş səlahiyyətli qurumun nümayəndəsi və zərərçəkmiş şəxs məhkəmə iclasına gəlməmişlır. Məhkəmə, işə inzibati xəta haqqında protokol tərtib etmiş səlahiyyətli qurumun nümayəndəsinin və zərərçəkmiş şəxsin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Nərimanov RPİ-nin Növbətçi Hissəsinin məsul növbətçisi polis mayoru Ərşad Məmmədov tərəfindən tərtib edilmiş HK-1 No 523 nömrəli, xx.xx.2023-cü il tarixli raportdan görünür ki, xx.xx.2023-cü il tarixdə, saat 17:22-də ƏÇPA-nın 9442 çağırışlı naryadı məlumat verərək, K.Kazımzadə küçəsində Chevrolet markalı **-FX-*** d.q.n-lı avtomobil 2013-cü il təvəllüdlü X5 vuraraq xəsarət yetirmişdir. Azərbaycan Respublikası DİN BDYPİ tərəfindən verilmiş nəqliyyat vasitəsinin qeydiyyat şəhadətnaməsinin surətindən görünür ki, “Chevrolet Malibu” minik markalı, **-FX-*** dövlət qeydiyyat nişanlı nəqliyyat vasitəsinin sahibi X2r Azərbaycan Respublikası DİN BDYPİ QİŞ tərəfindən verilmiş BA 200441 nömrəli, xx.xx.2022-ci il tarixli sürücülük vəsiqəsinin surətindən görünür ki, X3 B kateqoriyalı sürücüdür; Azərbaycan Respublikası Səhiyyə Nazirliyinin Məhkəmə-Tibbi Ekspertizası və X4 publik hüquqi şəxsin canlı şəxsin ekspertizasının 24 may 2023-cü il tarixli, 114 nömrəli rəyindən görünür ki, vətəndaş X6 adına tərtib edilmiş tibbi sənəddə qeyd edilən xəsarətlər-ağrı hərəkət məhdudluğu ilə müşayiət olunan sol bud-çanaq oynağının arxa səthinin və hər iki baldırın aşağı üçdə birinin sıyrılmış cırılmış yaraları- küt əşyanın (əşyaların) təsirindən törənmişdir, qərarda göstərilən xx.xx.2023-cü il tarixdə yol-nəqliyyat hadisəsi nəticəsində əmələ gələ bilər və dərəcəsinə görə sağlamlığın qısa müddətə pozulmasına səbəb olmuş sağlamlığa YÜNGÜL zərər vurmaya aiddir. “Cinayət işinin başlanmasının rədd edilməsi barədə” 18 mart 2022-ci il tarixli qərardan görünür ki, əməllərində cinayət tərkibi olmadığına görə toplanmış material üzrə cinayət işinin başlanması rədd edilmiş, qərarın surətinin və toplanmış materialın sürücü X3 barəsində İXM-in 327.8-ci maddəsinin tələbinə əsasən inzibati tənbeh tədbiri görülməsindən ötrü Nərimanov RPİ-nin DYPŞ-yə göndərilməsi qərara alınmışdır. Məhkəmə qeyd edir ki, İXM-in 327.8-ci maddəsində nəzərdə tutulmuş inzibati xətanın X3 tərəfindən törədilməsi özünün etirafedici izahatı, zərərçəkmiş şəxsin qanuni nümayəndəsinin izahatı, məhkəmə iclasında tədqiq edilmiş inzibati xəta haqqında protokol, ekspert rəyi, eləcə də inzibati materialda olan digər sənədlərlə sübuta yetirilmişdir. İXM-in 31.2-ci maddəsinə əsasən fiziki şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, X1 törətdiyi inzibati xətanı etiraf edib əməlindən peşman olmasını onun məsuliyyətini yüngülləşdirən hal kimi nəzərə alır. İş üzrə məsuliyyəti ağırlaşdıran hallar mövcud deyildir. İXM-in: 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 6.1-ci maddəsinə əsasən inzibati xətalara görə inzibati tənbeh həmin Məcəlləyə uyğun olaraq tətbiq edilir; 12.1-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 31.4-cü maddəsinə əsasən bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin üçdə birindən az ola bilməz; 38.3-cü maddəsinə görə cinayət işinin başlanması rədd edildikdə və ya cinayət işinə xitam verildikdə, lakin şəxsin əməllərində inzibati xəta tərkibinin bütün əlamətləri olduqda, inzibati tənbeh cinayət işinin başlanmasının rədd edilməsi və ya ona xitam verilməsi haqqında qərar qəbul edildiyi gündən ən geci üç ay keçənədək verilə bilər; 55.2-ci maddəsinə əsasən fiziki şəxslər barəsində inzibati xətalar haqqında işlər üzrə məsrəflər dövlət hesabına ödənilir. Hüquqi şəxslər barəsində inzibati xətalar haqqında işlər üzrə məsrəflər isə həmin şəxslərin üzərinə qoyulur; 327.8-ci maddəsinə əsasən bu Məcəllənin 327.1-327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə - iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Məhkəmə, törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən halı və məsuliyyəti ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, X3 İXM-in 327.8-ci maddəsində nəzərdə tutulmuş inzibati xətanı törətməkdə təqsirli bilinməli və ona həmin maddənin sanksiyasında nəzərdə tutulmuş inzibati cərimə növündə tənbeh tədbiri tətbiq edilməlidir. Qeyd olunanlara əsasən və İXM-in 43, 114 və 115-ci maddələrini rəhbər tutaraq, məhkəmə QƏRARA ALDİ: X3 Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinsin və barəsində 200 (iki yüz) manat məbləğində inzibati cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim: Gültəkin Əsədova