Bakı Şəhəri Nərimanov Rayon Məhkəməsi Qərar — İş №3(005)-2054/2024

Azərbaycan Respublikası adından QƏRAR Bakı şəhəri İş № 3(005)-2054/2024 18.07.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi Məmmədhəsənov Fərman Salman oğlunun katibliyi, Azərbaycan Respublikası Əmək və Əhalinin Sosial Müdafiəsi Nazirliyi yanında X19 Xidmətinin Bakı şəhər İdarəsinin nümayəndəsi X15, Barəsində inzibati xəta haqqında iş üzrə icraata başlanılmış hüquqi şəxs Şəxs MMC-nin nümayəndəsi X16 iştirakları ilə, Şəxs MMC barəsində Azərbaycan Respublikası İnzibati Xətalar Məcəlləsinin (bundan sonra - İXM) 192.1-ci maddəsi ilə Azərbaycan Respublikası Əmək və Əhalinin Sosial Müdafiəsi Nazirliyi yanında X19 Xidmətinin Bakı şəhər İdarəsi tərəfindən tərtib olunmuş inzibati xəta haqqında protokola və inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Əmək və Əhalinin Sosial Müdafiəsi Nazirliyi yanında X19 Xidmətinin Bakı şəhər İdarəsi tərəfindən Şəxs MMC barəsində İXM-nin 192.1-ci maddəsi ilə tərtib olunmuş inzibati xəta haqqında MN seriyalı ******* nömrəli, 01 iyul 2024-cü il tarixli inzibati xəta haqqında protokol və müvafiq materiallar baxılması üçün Nərimanov Rayon Məhkəməsinə göndərilmişdir. Azərbaycan Respublikası Əmək və Əhalinin Sosial Müdafiəsi Nazirliyi yanında X19 Xidmətinin Bakı şəhər İdarəsi tərəfindən tərtib edilmiş MN seriyalı ******* nömrəli, 01 iyul 2024-cü il tarixli inzibati xəta haqqında protokola əsasən Qarabağ və Şərqi Zəngəzur iqtisadi rayonlarına giriş informasiya sistemi üzərindən əldə olunmuş məlumatlar əsasında müəyyən edilmişdir ki, işğaldan azad edilmiş ərazilərə iş icazəsi alınmış X9, X12 və X17 AR Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən xx.xx.2024-cü il tarixdən xx.xx.2024-cü il tarixinədək hər hansı işlərin (xidmətlərin) yerinə yetirilməsinə cəlb edilmişdir. Azərbaycan Respublikası Əmək və Əhalinin Sosial Müdafiəsi Nazirliyi yanında X19 Xidmətinin Bakı şəhər İdarəsinin nümayəndəsi X22 məhkəmə iclasında izahatında aparılmış icraat zamanı şəxsləri çağırıb onların izahatlarının alınmadığını bildirmişdir. O, protokolu müdafiə edərək təmin edilməsini xahiş etdi. Məhkəmə iclasında barəsində inzibati xəta haqqında iş üzrə icraata başlanılmış hüquqi şəxs Şəxs MMC-nin nümayəndəsi X23 etiraz edərək bildirmişdir ki, "Körpü-Bina-Tikinti” MMC və işəgötürəni tərəfindən Əmək Məcəlləsinin 7 və 49-cu maddələrinin tələblərinə əməl etmədən X3 və digər 2(iki) nəfərin cəmiyyətdə iş və xidmətlərin yerinə yetirilməsinə cəlb edildiyi üçün cəmiyyət və cəmiyyətin işəgötürəni barəsində İnzibati Xətalar Məcəlləsinin 192.1-ci maddəsində nəzərdə tutulmuş inzibati xətanın törədilməsinə dair DƏMX-nin Bakı şəhər İdarəsinin məsləhətçi əmək müfəttişi X20 tərəfindən xx.xx.2024-cü il tarixli ******* saylı və xx.xx.2024-cü il tarixli ******* saylı İnzibati xəta haqqında protokollar işəgötürənə məlumat vermədən və işəgötürənin iştirakı təmin olunmadan tərtib olunmuşdur. xx.xx.2024-cü il tarixdə cəmiyyətə daxil olan protokollarda qeyd edilir ki, “Qarabağ və Şərqi Zəngəzur iqtisadi rayonlarına giriş” informasiya sistemi üzərindən əldə olunmuş məlumatlar əsasında müəyyən edilmişdir ki, işğaldan azad edilmiş ərazilərə iş icazəsi aldığımız şəxslər- X9 və digər 2(iki) nəfərin Nazirliyin Əmək və Məşğulluq alt sistemində qüvvədə olan əmək müqavilələrinin aşkar edilməmiş və həmin şəxslərin adına əmək müqaviləsi hüquqi qüvvəyə minmədən müəyyən işlərin yerinə yetirilməsinə cəlb edilmişdir. DƏMX tərəfindən verilmiş bildirişdə bu şəxslərin əmək müqaviləsi hüquqi qüvvəyə minmədən müəyyən işlərin yerinə yetirilməsinə cəlb edilməsi yalnız sözlə ifadə edilir və buna dair müvafiq sübutlar və faktlar bildirişə əlavə olunmamış və ya buna dair heç bir təsdiqedici sənədlər təqdim edilməmişdir. Bu hala dair inzibati xəta əlamətlərinin nədən ibarət olmasını, hansı inzibati xəta əlamətlərinin olmasını, inzibati xəta üzrə faktların necə aşkar olunması əsaslandırılmamış və barəsində inzibati xəta hqqında protokol tərtib edilmiş şəxsin təqsirliliyi sübuta yetirilməmişdir. X19 Xidməti tərəfindən sahibkarlıq subyektində aparılan yoxlamalar dövründə vətəndaşların DƏMX-nə ünvanladığı şikayət ərizələrinin araşdırılması zamanı, həmçinin Şəxs MMCnin iş yerində baş vermiş bədbəxt hadisələrin araşdırılması zamanı heç bir halda, heç bir zaman əmək müqaviləsi hüquqi qüvvəyə minmədən cəmiyyət tərəfindən heç bir şəxsin iş və xidmətlərin yerinə yetirilməsinə cəlb edilməsi halı aşkarlanmamışdır. X9 və digərlərinə iş icazəsi alınması ilə bağlı AAYDA-ya heç bir müraciət olunmamış və adı çəkilən vətəndaşlara iş icazəsi alınmamışdır. Vətəndaş cəmiyyət tərəfindən heç bir iş və xidmətlərin yerinə yetirilməsinə cəlb olunmamışdır. O, inzibati xəta haqqında iş üzrə icraata xitam verilməsini xahiş etmişdir. Məhkəmə iclasında Şəxs MMC-nin təşəbbüsü ilə şahid qismində dindirilmiş X4 çıxış edərək bildirmişdir ki, o, Şəxs MMC-də heç vaxt işləməmişdir. O, 7-8 aydır işsizdir və işsiz olduğu üçün X8 iş üçün müraciət etmişdir. X1 işləyən tanışlarına özünə aid olan iş üçün sənədlərini vermiş, Şəxs MMC-yə isə verməmişdir. O, işğaldan azad edilmiş ərazilərə böyük maşını olduğundan tur şirkəti ilə və əvvəllər "xxxx" MMC-də işləyərkən getmişdir. O, xx.xx.2024-cü il tarixdən xx.xx.2024-cü il tarixinədək Şəxs MMC tərəfindən hər hansı işlərin (xidmətlərin) yerinə yetirilməsinə cəlb edilməmişdir. Məhkəmə iclasında Şəxs MMC-nin təşəbbüsü ilə şahid qismində dindirilmiş X12 çıxış edərək bildirmişdir ki, o, hal-hazırda işsizdir və Mingəçevir şəhərində yaşayır. o, Şəxs MMC-də heç vaxt işləməmişdir. X12 işğaldan azad edilmiş ərazilərdə olmamışdır. O, həmin ərazilərə getmək üçün portaldan qeydiyyatdan keçmədiyini bildirmişdir. X12 işsiz olduğu üçün X6 Mingəçevir və Ağdam şöbələrinə iş üçün müraciət etmiş, sənədlərini vermişdir. X2 rayonu, Xıdırlı kəndi, sənaye parkında işləyən tanışlarından X7 uyğun iş olan zaman ona bildirmələrini xahiş etmişdir. O, xx.xx.2024-cü il tarixdən xx.xx.2024-cü il tarixinədək Şəxs MMC tərəfindən hər hansı işlərin (xidmətlərin) yerinə yetirilməsinə cəlb edilməmişdir. Məhkəmə, iş materiallarını araşdırıb hesab edir ki, Şəxs əməlində nəzərdə tutulan inzibati xəta tərkibi yoxdur. Məhkəmə iclasında iş materialları tədqiq edilərkən olundu ki: Azərbaycan Respublikası Əmək və Əhalinin Sosial Müdafiəsi Nazirliyi yanında X19 Xidmətinin Bakı şəhər İdarəsi tərəfindən tərtib edilmiş MN seriyalı ******* nömrəli, 01 iyul 2024-cü il tarixli inzibati xəta haqqında protokola əsasən Qarabağ və Şərqi Zəngəzur iqtisadi rayonlarına giriş informasiya sistemi üzərindən əldə olunmuş məlumatlar əsasında müəyyən edilmişdir ki, işğaldan azad edilmiş ərazilərə iş icazəsi alınmış X9 və X12 və X17 AR Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən xx.xx.2024-cü il tarixdən xx.xx.2024-cü il tarixinədək hər hansı işlərin (xidmətlərin) yerinə yetirilməsinə cəlb edilmişdir. İş materiallarında olan Azərbaycan Avtomobil Yolları Dövlət Agentliyi tərəfindən Şəxsnə ünvanlanan № 11-1/2-61xx-xx/2024 saylı, 17 iyul tarixli məktubdan görünür ki, Əmək və Əhalinin Sosial Müdafiəsi Nazirliyi yanında X19 Xidmətinin Bakı şəhər idarəsi tərəfindən daxil olmuş xx.xx.2024-cü il tarixli, 3-17-5/2-27713/2024 saylı bildirişə əsasən ona əlavə edilmiş siyahı Azərbaycan Avtomobil Yolları Dövlət Agentliyi tərəfindən araşdırılmış və adları qeyd olunan X9, X13 və X10 “Qarabağ və Şərqi Zəngəzur iqtisadi rayonlarına giriş” informasiya sistemi üzərindən Şəxs MMC tərəfindən iş və xidmətlərin yerinə yetirilməsinə cəlb olunmasına dair iş icazəsinin alınması ilə bağlı tərəfindən rəsmi müraciət olunmamışdır. Azərbaycan Respublikası Konstitusiyasının 125-ci maddəsinin Vİİ bəndi ilə müəyyən edilmişdir ki, məhkəmə icraatı həqiqətin müəyyən edilməsini təmin etməlidir. İnzibati Xətalar Məcəlləsinin 192.1-ci maddəsinə əsasən Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə-fiziki şəxslər min manatdan iki min manatadək məbləğdə, vəzifəli şəxslər üç min manatdan beş min manatadək məbləğdə, hüquqi şəxslər iyirmi min manatdan iyirmi beş min manatadək məbləğdə cərimə edilir. Azərbaycan Respublikası Əmək Məcəlləsinin: 7-ci maddəsinə əsasən bu Məcəllənin 7-ci maddəsinin 2-1-ci hissəsi ilə müəyyən edilmiş hallar istisna olmaqla, əmək münasibətləri elektron informasiya sisteminə gücləndirilmiş elektron imza vasitəsi ilə daxil edilmiş əmək müqaviləsi bildirişinin qeydiyyata alınmasından və bu barədə işəgötürənə elektron qaydada məlumat göndərilməsindən sonra yaranır; 49-cu maddəsinə əsasən bu Məcəllənin 7-ci maddəsinin 2-1-ci hissəsi və bu maddənin 1-2-ci hissəsi ilə müəyyən edilmiş hallar istisna olmaqla, əmək müqaviləsinin bağlanılması, ona dəyişiklik edilməsi və ya xitam verilməsi bununla bağlı elektron informasiya sisteminə gücləndirilmiş elektron imza vasitəsi ilə daxil edilmiş əmək müqaviləsi bildirişinin həmin elektron informasiya sistemində qeydiyyata alınmasından və bu barədə işəgötürənə elektron qaydada məlumat göndərilməsindən sonra hüquqi qüvvəyə minir. Qanunvericiliyin məzmunundan aydın olur ki, işəgötürən ilə işçi arasında bağlanmış əmək müqaviləsi, bununla bağlı elektron informasiya sisteminə gücləndirilmiş elektron imza vasitəsi ilə daxil edilmiş əmək müqaviləsi bildirişinin həmin elektron informasiya sistemində qeydiyyata alınmasından və bu barədə işəgötürənə elektron qaydada məlumat göndərilməsindən sonra hüquqi qüvvəyə minir. Hazırkı iş üzrə məhkəmə iclasında araşdırılan sübutlarla işəgötürən Şəxs MMC tərəfindən müvafiq əmək müqaviləsi bağlamadan və əmək müqaviləsi bildirişini elektron informasiya sisteminə daxil etmədən işçi ilə qanunazidd olaraq əmək münasibətlərinə daxil olması faktı öz təsdiqini tapmamışdır. Belə ki, şahid qismində məhkəmə iclasında dindirilən X9 və X12 xx.xx.2024-cü il tarixdən xx.xx.2024-cü il tarixinədək hər hansı işlərin (xidmətlərin) yerinə yetirilməsinə cəlb edilməməsini bildirmişdir. Bundan başqa X19 Xidmətinin Bakı şəhər İdarəsi tərəfindən Şəxs MMC barəsində inzibati material araşdırılarkən nə X9 və X5, nədə MMC-nin iştirakı təmin olunmamış və onların izahatları alınmamışdır. Beləliklə inzibati icraat qanunvericiliyin tələblərinin pozulması ilə aparılmışdır. İXM-nin 76.1 maddəsinə əsasən - İnzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 76.2. Qanuna zidd olaraq əldə edilmiş sübutların istifadə edilməsinə yol verilmir. 100.1. Bu Məcəllənin 54-cü maddəsində nəzərdə tutulmuş hallar istisna olmaqla, inzibati xətanın törədilməsi haqqında protokol tərtib edilir. İnzibati xəta haqqında protokolda aşağıdakılar göstərilir: 100.1.1. protokolun tərtib edildiyi tarix və yer;100.1.2. protokolu tərtib etmiş şəxsin vəzifəsi, soyadı, adı, atasının adı;100.1.3. barəsində inzibati xəta haqqında iş üzrə icraat aparılan şəxs haqqında məlumat, o cümlədən vətəndaşın fərdi identifikasiya nömrəsi; 100.1.4. inzibati xətanın törədildiyi yer, vaxt və bu xətanın mahiyyəti; 100.1.5. inzibati xətaya görə məsuliyyət nəzərdə tutan bu Məcəllənin müvafiq maddəsi; 100.1.6. olduğu halda, şahidlərin və zərər çəkmiş şəxslərin adı, atasının adı, soyadı və onların yaşadığı yerin ünvanı; 100.1.7. barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları; Qeyd edilənlərə əsasən məhkəmə hesab edir ki, faktla bağlı inzibati araşdırma aparmış orqan Şəxs MMC tərəfindən X9 və X12 və X17 əmək müqaviləsi (kontraktı) hüquqi qüvvəyə minmədən MMC-də işçi kimi fəaliyyətə cəlb edilməmişlər. X9, X12 və X17 AR Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən xx.xx.2024-cü il tarixdən xx.xx.2024-cü il tarixinədək hər hansı işlərin (xidmətlərin) yerinə yetirilməsinə cəlb edilməməsi şahid ifadələri və Azərbaycan Avtomobil Yolları Dövlət Agentliyi tərəfindən Şəxsnə ünvanlanan № 11-1/2-61xx-xx/2024 saylı, 17 iyul tarixli məktub ilə sübuta yetirilmişdir. 12.1. Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. 12.2. Bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın 18.1. Hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən İXM-in 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; Qeyd olunanları rəhbər tutaraq məhkəmə hesab edir ki, inzibati xəta tərkibi olmadığı üçün Şəxs inzibati məsuliyyətdən azad olunmalı və iş üzrə icraata xitam verilməlidir. . Qeyd olunanlara əsasən və İXM-nin 40, 43, 48-50, 114-115 və 128-130-cu maddələrini rəhbər tutaraq, məhkəmə QƏRARA ALDİ: Şəxs əməlində Azərbaycan Respublikası İnzibati Xətalar Məcəlləsinin 192.1-ci maddəsinin tərkibi olmadığından barəsində MN seriyalı ******* nömrəli, 01 iyul 2024-cü il tarixli inzibati xəta haqqında protokol əsasında başlanılmış iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə apellyasiya şikayəti və ya protesti verilə bilər. Hakim : Gültəkin Əsədova