Bakı Şəhəri Nərimanov Rayon Məhkəməsi Qərar — İş №3(005)-2105/2024

Azərbaycan Respublikası adından QƏRAR Bakı şəhəri İş № 3(005)-2105/2024 22.07.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi ilə, İnzibati xəta haqqında protokol tərtib etmiş şəxsin nümayəndəsi X1, Barəsində inzibati icraat aparılan hüquqi şəxs Şəxs nümayəndəsi X2, Şəxs barəsində Azərbaycan Respublikası İnzibati Xətalar Məcəlləsinin 210.1-ci maddəsi ilə tərtib olunan inzibati xəta haqqında materiala açıq məhkəmə iclasında baxaraq MÜƏYYƏN ETDİ: Azərbaycan Respublikası Səhiyyə Nazirliyi tərəfindən Şəxs barəsində Azərbaycan Respublikası İnzibati Xətalar Məcəlləsinin 210.1-ci maddəsi ilə MN ******* nömrəli 09 iyul 2024-cü il tarixli inzibati xəta haqqında protokol tərtib edilərək baxılması üçün məhkəməyə göndərilmişdir. İnzibati xəta haqqında həmin protokoldan görünür ki, 07 iyun 2024-cü il tarixdə ünvan 1 ünvanda yerləşən Şəxs MMC-yə məxsus klinikada DVX-in əməkdaşlarının yoxlaması zamanı lisenziya olmadan özəl tibbi fəaliyyəti (stomatoloji) aşkar edilmişdir. Bununla da Şəxs MMC tərəfəndən İXM-in 210.1-ci maddəsində nəzərdə tutulmuş inzibati xəta törədilmişdir. İnzibati xəta haqqında protokol tərtib etmiş şəxsin nümayəndəsi X3 məhkəmə iclasında izahat verərək bildirmişdir ki, 07 iyun 2024-cü il tarixdə ünvan 1 ünvanda yerləşən Şəxs MMC-yə məxsus klinikada DVX-in əməkdaşlarının yoxlaması zamanı lisenziya olmadan özəl tibbi fəaliyyəti (stomatoloji) aşkar edilmişdir. Ona görə də X3 tərtib edilmiş protokolu müdafiə edərək Şəxs inzibati məsuliyyətə cəlb olunmasını xahiş etmişdir. Barəsində inzibati icraat aparılan hüquqi şəxs Şəxs nümayəndəsi X4 izahat verərək bildirmişdir ki, Şəxs başqa ünvanda fəaliyyət göstərirdi. Dövlət Vergi Xidmətinin əməkdaşları gələndə MMC-nin ünvanı dəyişmişdi. O ərəflərdə işçilərin işə qəbul edilməsi, avandanlıqların yerləşdirilməsi vaxt tələb edirdi. Şəxs lisenziyanın alınması üçün səlahiyyətli orqana müraciət etmiş, lakin təsdiqlənməmişdi, buna vaxt tələb olunur. Şəxsnə müraciətlər olunsa da, müraciətlər qeydiyyata alınırdı, lakin praktiki tibbi fəaliyyət göstərilmirdi. Hazırda onlar lisenziya almışlar. Göstərilənlərə əsasən inzibati iş üzrə icraata xitam verilməsini xahiş etmişdir. Məhkəmə iş materiallarını hərtərəfli, tam və obyektiv nəzərdən keçirib hesab edir ki, Şəxs barəsində Azərbaycan Respublikasının İXM-nin 210.1-ci maddəsi ilə başlanmış inzibati xəta haqqında iş üzrə təqsiri toplanmış material üzrə inzibati işə xitam verilməlidir. İş materiallarında olan sənədlərdən görünür ki, İqtisadiyyat Nazirliyi yanında Dövlət Vergi Xidmətinin Bakı şəhəri X5 və Uçotun Təşkili Baş İdarəsinin xx.xx.2024-cü il tarixli **********5650 nömrəli “X5nin həyata keçirilməsi haqqında" Qərarına əsasən Şəxs (VÖEN: **********) fəaliyyət göstərdiyi ünvan 1ndə yerləşən “X8 CLİNİC” adlı stomatoloji obyektdə X5 tədbiri keçirilmişdir. Vergi nəzarəti tədbiri nəticəsində Şəxs (VÖEN: **********) xüsusi razılıq (lisenziya) tələb olunduğu halda belə razılıq (lisenziya) alınmadan özəl tibb fəaliyyəti (stomatoloji fəaliyyət) ilə məşğul olduğu aşkar edilərək, qanun pozuntusu xx.xx.2024-cü il tarixli DVX seriyalı 000790 nömrəli “Lisenziya tələb olunan fəaliyyət növləri ilə belə lisenziya olmadan məşğul olan şəxslərin aşkar edilməsi üzrə X5nin nəticələri haqqında” aktla rəsmiləşdirilmişdir. İş materiallarında olan EL-594/2024 saylı, 18 iyul 2024-cü il tarixli lisenziya və əlavədən görünür ki, Azərbaycan Respublikasının İqtisadiyyat Nazirliyi (Bakı şəhəri Nizami rayonu Keşlə qəsəbəsi, Heydər Əliyev prospekti 155) tərəfindən 18 iyul 2024-cü il tarixində qeydiyyat nömrəsi ilə verilmiş lisenziya əsasında Şəxsnə (hüquqi ünvanı: ünvan 2QEN **********) ünvan 3 ünvanında özəl tibb fəaliyyətinin ambuiator tibbi xidməti üzrə görülməsinə icazə verilən işlərin siyahısına Stomatologiyanın terapevtik stomatoloji, cərrahi stomatoloji, cərrahi stomatoloji və ortodontik stomatoloji növləri daxil edilmişdir. Azərbaycan Respublikası İnzibati Xətalar Məcəlləsinin 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 4-cü maddəsinə əsasən, bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 6.1-ci maddəsinə əsasən, inzibati xətalara görə inzibati tənbeh həmin Məcəlləyə uyğun olaraq tətbiq edilir; 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 12.1-ci maddəsində göstərilir ki, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 210.1-ci maddəsinə əsasən lisenziya olmadan özəl tibbi fəaliyyətlə və ya əczaçılıqla məşğul olmağa görə fiziki şəxslər iki min manatdan üç min manatadək məbləğdə, vəzifəli şəxslər beş min manatdan on min manatadək məbləğdə, hüquqi şəxslər iyirmi min manatdan otuz min manatadək məbləğdə cərimə edilir. İş materialları araşdırılarkən müəyyən olmuşdur ki, Şəxsnə praktiki tibb fəaliyyəti ilə bağlı müraciətlər olunsa da, müraciətlər qeydiyyata alınmış, lakin praktiki tibbi fəaliyyət göstərməmişdir. Şəxs 18 iyul 2024-cü il tarixdə özəl tibbi fəaliyyəti (stomatoloji) ilə məşğul olmaq üçün lisenziya almışdır. Məhkəmə qeyd edir ki, inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir (İXM, Maddə 8. Təqsirsizlik prezumpsiyası prinsipi). Qanunvericiliyin məzmununa əsasən müəyyən edilir ki, inzibati xətanın baş verməsini sübutetmə yükü hazırki işdə məhz Azərbaycan Respublikası Səhiyyə Nazirliyinin üzərinə düşür. Beləliklə, məhkəmə hesab edir ki, Şəxs hərəkətlərində inzibati xəta tərkibi yoxdur, tərtib edilmiş inzibati protokol əsasında o, inzibati məsuliyyətə cəlb edilə bilməz. Bu səbəbdən Şəxs MMC barəsində başlanmış inzibati xəta haqqında iş üzrə icraata, hərəkətlərində inzibati xəta tərkibi olmadığından, xitam verilməlidir. Azərbaycan Respublikası İXM-in: 53.1.2-ci maddəsinin tələbinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Şərh olunanlara əsasən və Azərbaycan Respublikası İXM-nin 40-43, 48-51, 53, 114, 115,128- 130 maddələrini rəhbər tutaraq, məhkəmə QƏRARA ALDİ: Şəxs MMC barəsində Azərbaycan Respublikası İnzibati Xətalar Məcəlləsinin 210.1-ci maddəsi ilə tərtib edilmiş MN ******* nömrəli 09 iyul 2024-cü il tarixli inzibati xəta haqqında protokola dair inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Gültəkin Əsədova