Bakı Şəhəri Nərimanov Rayon Məhkəməsi Qərar — İş №3(005)-2174/2022

Azərbaycan Respublikası adından QƏRAR Bakı şəhəri İş № 3(005)-2174/2022 03.08.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi, barəsində inzibati xəta haqqında iş üzrə icraat aparılan «İcbari Tibbi Sığorta üzrə Dövlət Agentliyi» X5 nümayəndəsi X1 iştirakı ilə, «İcbari Tibbi Sığorta üzrə Dövlət Agentliyi» X7 barəsində Azərbaycan Respublikası İnzibati Xətalar Məcəlləsinin (bundan sonra - İXM) 347-ci maddəsi ilə tənbeh tədbirinin tətbiq edilməsinə dair Bakı şəhəri Nəsimi rayon Rayon Polis İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Nəsimi rayon Polis İdarəsinin Dövlət X9 «İcbari Tibbi Sığorta üzrə Dövlət Agentliyi» X7 barəsində İXM-in 347-ci maddəsi ilə İXP seriyalı ******* nömrəli, 19 may 2022-ci il tarixli inzibati xəta haqqında protokol tərtib edərək, baxılması üçün məhkəməyə göndərmişdir. İnzibati xəta haqqında həmin protokoldan görünür ki, «İcbari Tibbi Sığorta üzrə Dövlət Agentliyi» X7 tərəfindən 28 aprel 2022-ci il tarixdə qəbul edilmiş sorğuya əsasən mülkiyyətində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumat təqdim edilməmişdir. Məhkəmə iclasında barəsində inzibati xəta haqqında iş üzrə icraat aparılan «İcbari Tibbi Sığorta üzrə Dövlət Agentliyi» X5 nümayəndəsi X2 Bakı şəhəri Nəsimi rayon Polis İdarəsinin Dövlət X9 tərəfindən tərtib edilmiş inzibati xəta haqqında protokola etiraz edərək bildirdi ki, İcbari Tibbi Sığorta üzrə Dövlət Agentliyi publik hüquqi şəxsi öz balansında olan xüsusi təyinatlı (ambulans) və bir neçə digər nəqliyyat vasitələrini öz törəmə müəssisəsi olan “X3” publik hüquqi şəxsinin balansına vermiş və artıq uzun müddətdir ki, həmin nəqliyyat vasitələri qeyd edilən hüquqi şəxsin istifadəsindədir. Bununla bağlı tərəflərindən 01 dekabr 2021-ci il tarixli məktub Bakı şəhəri Nəsimi rayon Polis İdarəsinə göndərilmişdir. İş materiallarında olan inzibati xətanın törədilməsi zamanı nəqliyyat vasitəsini idarə etmək hüququna malik olan fiziki şəxs barədə məlumat verilməsi ilə bağlı məktub Bakı şəhəri Nəsimi rayon Polis İdarəsi “X3” publik hüquqi şəxsinin ünvanına göndərilmişdir. Eyni zamanda inzibati protokolun məhkəməyə göndərilməsi ilə bağlı müşayət məktubunda da “X3” publik hüquqi şəxsinin barəsində protokol tərtib olunaraq baxılması üçün məhkəməyə göndərilmişdir. Qeyd olunanlara əsasən hazırkı iş üzrə İcbari Tibbi Sığorta üzrə Dövlət Agentliyi publik hüquqi şəxsi barəsində tərtib edilmiş protokolun ləğv edilməsini və inzibati xəta haqqında icraata xitam verilməsi barədə qərar qəbul etmənizi xahiş edir. Bakı şəhəri Nərimanov rayon Polis İdarəsinin Dövlət X8 verilmiş sorğuya rəsmi cavab verilmiş, məktubun surəti və poçt qəbzi məhkəməyə təqdim edilmişdir. Göstərilənləri nəzərə alaraq iş üzrə icraata xitam verilməsi məhkəmədən xahiş olunmuşdur. İş materiallarında olan və məhkəmə baxışında tədqiq edilmiş: Bakı şəhəri Nərimanov Rayon Polis İdarəsi tərəfindən tərtib edilmiş İXP seriyalı ******* nömrəli, 19 may 2022-ci il tarixli inzibati xəta haqqında protokoldan görünür ki, «İcbari Tibbi Sığorta üzrə Dövlət Agentliyi» X7 tərəfindən balansında olan “FİAT DOBLO XÜSUSİ Təyinatlı” markalı, **- JX-*** dövlət qeydiyyat nişanlı nəqliyyat vasitəsinin yol hərəkəti qaydalarını pozması ilə əlaqədar tərtib edilmiş elektron protokollar barədə məlumatı qəbul etdikləri gündən 5 gün müddətində həmin nəqliyyat vasitəsini idarə etmiş fiziki şəxs barədə rəsmi məlumat verilməmişdir. Buna görə də hüquqi şəxs barəsində İXM-in 347-ci maddəsi ilə protokol tərtib edilmişdir; DİN-in DYP Web Portalından çıxarışdan görünür ki, xx.xx.2022-ci il tarixdə «İcbari Tibbi Sığorta üzrə Dövlət Agentliyi» X5 mülkiyyətində olan “FİAT DOBLO XÜSUSİ Təyinatlı” markalı, **- JX-*** dövlət qeydiyyat nişanlı avtomobillə İXM-in 328.3-cü maddəsində nəzərdə tutulmuş inzibati xəta törədilmişdir; «İcbari Tibbi Sığorta üzrə Dövlət Agentliyi» X4 Bakı şəhəri Nəsimi rayon Polis İdarəsinə ünvanlanmış məktubundan görünür ki, onlar təqdim olunan “FİAT DOBLO XÜSUSİ Təyinatlı” markalı, **-JX-*** dövlət qeydiyyat nişanlı avtomobilin sürücüləri barədə sorğuya rəsmi qaydada cavab verilmişdir. Beləliklə müəyyən olundu ki, «İcbari Tibbi Sığorta üzrə Dövlət Agentliyi» X7 tərəfindən xx.xx.2022-ci il tarixdə qəbul edilmiş sorğuya əsasən mülkiyyətində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatı rəsmi qaydada təqdim etmişdir. İXM-in: 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən İXM-in 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 347-ci maddəsinin dispozisiyasına əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Qeyd olunanları rəhbər tutaraq məhkəmə hesab edir ki, inzibati xəta tərkibi olmadığı üçün «İcbari Tibbi Sığorta üzrə Dövlət Agentliyi» X7 məsuliyyətdən azad olunmalı və iş üzrə icraata xitam verilməlidir. Şərh olunanlara əsasən və İXM-in 8, 25, 40.0.1, 43, 48-51, 53, 55, 114, 115, 128-130 maddələrini rəhbər tutaraq, məhkəmə QƏRARA ALDİ: «İcbari Tibbi Sığorta üzrə Dövlət Agentliyi» X5 əməlində Azərbaycan Respublikası İnzibati Xətalar Məcəlləsinin 347-ci maddəsinin tərkibi olmadığından barəsində İXP seriyalı ******* nömrəli, 19 may 2022-ci il tarixli inzibati xəta haqqında protokol əsasında başlanılmış iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim : Gültəkin Əsədova