Bakı Şəhəri Nərimanov Rayon Məhkəməsi Qərar — İş №3(005)-221/2024

Azərbaycan Respublikası adından QƏRAR Bakı şəhəri İş № 3(005)-221/2024 20.01.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi, Məhkəmə iclas katibi Ələsgərov Abdulla Arzu oğlunun katibliyi ilə, İnzibati xəta haqqında protokolu tərtib etmiş şəxs Bakı şəhəri Nərimanov Rayon Polis İdarəsinin 16-cı polis bölməsinin polis sahə inspektoru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.2003-cü il təvəllüdlü, Bakı şəhərində anadan olmuş, Bakı şəhəri Nəsimi rayonu, 2-ci mikrorayon, H.Seyidzadə küçəsi ev 17, mənzil 40-da qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməsinə dair Bakı şəhəri Nərimanov Rayon Polis İdarəsinin 16-cı polis bölməsindən daxil olmuş materiallara açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Nərimanov Rayon Polis İdarəsinin 16-cı polis bölməsinin polis sahə inspektoru X2 tərəfindən Şəxs barəsində İXM-nin 535.1-ci maddəsi ilə nəzərdə tutulmuş inzibati xətanı törətməsinə dair 20 yanvar 2024-cü il tarixli inzibati xəta haqqında protokol tərtib edilərək baxılması üçün məhkəməyə göndərilmişdir. MN seriyalı ******* nömrəli inzibati xəta haqqında protokolda göstərilir ki Şəxs xx.xx.2024-cü il tarixdə polis əməkdaşlarına tabesizlik göstərmişdir. Məhkəmə iclasında inzibati xəta haqqında protokolu tərtib etmiş şəxs Bakı şəhəri Nərimanov Rayon Polis İdarəsinin 16-cı polis bölməsinin polis sahə inspektoru X2 izahatında göstərdi ki, Bakı şəhər BPİ DYPİ-nin YPX inspektorlan, baş serjantlar Murad Əliyev və Vaqif Əsədov xx.xx.2024-cü il tarixdə saat 23:55 radələrində Nərimanov rayonu, akademik Həsən Əliyev küçəsində “Mercedes” markalı ** YP *** dövlət qeydiyyat nişanlı avtopatrul avtomobilində xidmətdə olarkən həmin istiqamətdə işıqları yandırılmadan idarə edilən “Toyota Camry” markalı ** GB *** dövlət qeydiyyat nişanlı avtomobili dayandırıldıqdan sonra sürücü, xx.xx.2003-cü ildə Bakı şəhərində doğulmuş, ünvan 1 ünvanda qeydiyyatda olan Şəxs spirtli içkinin təsiri altında avtomobili idarə etməsi şübhə doğurduğuna görə sənədlərini təqdim etməsi tələb olunmuş, sürücü Şəxs fiziki zorakılıq göstərərək YPX-nin əməkdaşı, polis baş serjantı Murad Əliyevin göz nahiyəsindən yumruqla vuraraq xəsarət yetirmiş, hadisə yerinə çağırılmış X5 Alayının 1-ci patrul bölüyünün əməkdaşlarının köməyilə Şəxs polis şöbəsinə gətirilmiş, sərxoşluq vəziyyətinin müayinəsi zamanı Şəxs orta dərəcəli sərxoş olması müəyyən edilərək xx.xx.2024-cü il tarixdə saat 01:10-da tərtib olunmuş 2/140 nömrəli akt materiala əlavə edilmişdir. Daha sonra şəxsiyyəti müəyyən edilən Şəxs hərəkətlərində İXM-nin 535.1-ci maddəsinin tərkibi olduğu üçün tərəfindən onun barəsində həmin maddə ilə nəzərdə tutulmuş inzibati xətanı törətməsinə dair protokol tərtib edilmişdir. Şəxs barəsində qanuni tədbir görülməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü İXM-nin 535.1-ci maddəsi ilə təqsirli bilərək izahatında göstərdi ki, hadisə günü az miqdarda alkoqollu içki qəbul etmiş, Həsən Əliyev küçəsi ilə avtomobili ilə hərəkətdə olarkən Yol Patrul Xidmətinin əməkdaşları tərəfindən saxlanılmış, ona sərxoşluq müayinəsindən keçmək təklif olunduğu zaman müayinənin avtomobilin salonunda keçirilməsinə etiraz etmiş və bu səbəbdən polis əməkdaşlarına tabesizlik göstərmişdir. Yekun olaraq əməlindən səmimi peşman olmasını bildirərək barəsində yüngül inzibati tənbeh tədbirini tətbiq edilməsini xahiş etmişdir. Məhkəmə iclasında şahid qismində dindirilən Bakı şəhər Baş Polis İdarəsinin X7 İdarəsinə bilavasitə tabe olan Yol-Patrul Xidməti Alayı yol-patrul xidməti inspektoru X3 bildirmişdir ki, xx.xx.2024-cü il tarixdə saat 23:55 radələrində Nərimanov rayonu, akademik Həsən Əliyev küçəsində “Mercedes” markalı ** YP *** dövlət qeydiyyat nişanlı avtopatrul avtomobilində xidmətdə olarkən həmin istiqamətdə işıqları yandırılmadan idarə edilən “Toyota Camry” markalı ** GB *** dövlət qeydiyyat nişanlı avtomobili dayandırıldıqdan sonra sürücü, xx.xx.2003-cü ildə Bakı şəhərində doğulmuş, ünvan 1 ünvanda qeydiyyatda olan Şəxs spirtli içkinin təsiri altında avtomobili idarə etməsi şübhə doğurduğuna görə sənədlərini təqdim etməsi tələb olunmuş, sürücü Şəxs fiziki zorakılıq göstərərək YPX-nin əməkdaşı, polis baş serjantı Murad Əliyevin göz nahiyəsindən yumruqla vuraraq xəsarət yetirmiş, hadisə yerinə çağırılmış X5 Alayının 1-ci patrul bölüyünün əməkdaşlarının köməyilə Şəxs polis şöbəsinə gətirilmişdir. İş materiallarında olan və məhkəmə iclasında tədqiq edilmiş: MN seriyalı ******* nömrəli inzibati xəta haqqında protokolda göstərilir ki Şəxs xx.xx.2024-cü il tarixdə polis əməkdaşlarına tabesizlik göstərmişdir. “İnzibati qaydada tutma haqqında” 20 yanvar 2023-cü il tarixli protokoldan görünür ki, Şəxs həmin tarixdə saat 00:05-də inzibati qaydada tutulmuşdur; İş materiallarına əlavə olunmuş 01 ədəd DVD diskdəki görüntülərdən görünür ki, Şəxs xx.xx.2024-cü il tarixdə polis əməkdaşlarına tabesizlik göstərmişdir. İnzibati material üzrə araşdırılan sübutların məcmusunu hərtərəfli, tam və obyektiv qiymətləndirərək məhkəmə hesab edir ki, Şəxs İXM-nin 535.1-ci maddəsində nəzərdə tutulan inzibati xətanı törətməsi, özünün etirafedici izahatından başqa, araşdırılmış sübutlarla tam sübuta yetir. Belə ki, Şəxs xidməti vəzifəsini yerinə yetirən polis əməkdaşlarının qanuni tələblərinə qəsdən tabe olmaması şahid izahatı, məhkəmə iclasında araşdırılan digər sübutlarla öz təsdiqini tapmışdır. İXM-nin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama həmin maddədə nəzərdə tutulmuş inzibati məsuliyyətə səbəb olur və fiziki şəxslər iki yüz manat miqdarında cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Qeyd edilən maddənin dispozisiyasından göründüyü kimi, polis işçisi və ya hərbi qulluqçu ictimai qaydanın mühafizəsi ilə bağlı vəzifələrini icra edərkən, ictimai qaydanı pozan şəxs tərəfindən onların qanuni tələblərinə qəsdən tabe olmama İXM-nin 535.1-ci maddəsində nəzərdə tutulan məsuliyyətə səbəb olur. Hazırki halda Şəxs hərəkətlərində də həmin halların mövcud olması məhkəmə iclasında öz təsdiqini tapmışdır. İXM-nin 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən yalnız İXM-lə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. İXM-nin 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. İXM-nin 6.1-ci maddəsinə əsasən inzibati xətalara görə inzibati tənbeh İXM-ə uyğun olaraq tətbiq edilir. İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. İXM-nin 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; İXM-nin 89.5-ci maddəsinə əsasən inzibati qaydada tutma müddəti inzibati xəta törətmiş şəxsin protokol tərtib etmək üçün gətirildiyi vaxtdan, sərxoş halda olmuş şəxsin isə ayıldığı vaxtdan hesablanır. Məhkəmə, İXM-nin 31.2-ci maddəsinə əsasən Şəxs barəsində inzibati tənbeh tətbiq edərkən, xətanın xarakterini, onun şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən və ağırlaşdıran halların olmamasını nəzərə alır və hesab edir ki, Şəxs İXM-nin 535.1-ci maddəsində nəzərdə tutulan inzibati xətanı törətməkdə təqsirli bilinərək ona həmin maddənin sanksiyasında nəzərdə tutulan inzibati həbs növündə tənbeh tədbiri tətbiq edilməlidir. Məhkəmə qeyd edir ki, inzibati həbs növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. QƏRARA ALDİ: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə nəzərdə tutulan inzibati xətanı törətməkdə təqsirli bilinsin və barəsində 10 (on) gün müddətinə inzibati həbs növündə tənbeh tədbiri tətbiq edilsin. Həbsetmənin əvvəli 20 yanvar saat 00:05-dən hesablansın. Həbsetmə ilə bağlı qərarın icrası Azərbaycan Respublikası DİN-nin Baş İctimai Təhlükəsizlik İdarəsinə tabe olan inzibati həbs olunanların saxlama məntəqəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Nərimanov Rayon Məhkəməsi vasitəsilə və ya bilavasitə Bakı Apellyasiya Məhkəməsinə şikayət verilə bilər. Hakim Xalidə Əlisoy