Bakı Şəhəri Nərimanov Rayon Məhkəməsi Qərar — İş №3(005)-2435/2022

Azərbaycan Respublikası adından QƏRAR Bakı şəhəri İş № 3(005)-2435/2022 19.08.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Qurbanov Vüsal Rafiq oğlunun sədrliyi, Ələkbərova Aysel Ceyhun qızının katibliyi, Bakı şəhəri Nərimanov Rayon Polis İdarəsinin 16-cı Polis Bölməsinin rəisi X2 tərəfindən qəbul edilmiş 15 oktyabr 2021-ci il tarixli, EPQ seriyalı ******* saylı “İnzibati tənbeh vermə haqqında” qərarın ləğv olunması barədə qərar qəbul edilməsinə dair X1 şikayətinə məhkəmənin binasında, açıq məhkəmə iclasında baxaraq, MÜƏYYƏN ETDİ: X3 Bakı şəhəri Nərimanov Rayon Polis İdarəsinin 16-cı Polis Bölməsinin rəisi X2 tərəfindən qəbul edilmiş 15 oktyabr 2021 -ci il tarixli, EPQ seriyalı ******* saylı “İnzibati tənbeh vermə haqqında” qərarın ləğv olunması barədə qərar qəbul edilməsinə dair şikayətlə məhkəməyə müraciət etmişdir. Şikayət onunla əsaslandırılmışdır ki, 15 oktyabr 2021-ci il tarixdə Nərimanov Rayon Polis İdarəsinin 16-cı Polis Bölməsinin rəisi X2 tərəfindən Nərimanov rayonunda həmin bölmədə İnzibati Xətalar Məcəlləsinin 211.3-cü maddəsi ilə 200 manat cərimə edilməklə barəsində EXP ******* saylı inzibati xəta haqqında protokol tərtib edilmiş və həmin protokolun əsasında Nərimanov Rayon Polis İdarəsinin 16-cı Polis Bölməsinin rəisi X2 tərəfindən Nərimanov rayonunda həmin bölmədə 15 oktyabr 2021-ci il tarixli, EPQ ******* saylı “İnzibati tənbeh vermə haqqında” qərar çıxarılmışdır. Bildirmək istəyir ki, tərtib edilmiş protokol və onun əsasında çıxarılmış qərar qanunsuzdur. Belə ki, 15 oktyabr 2021-ci il tarixdə ona polis yaxınlaşmışdır. Həmin vaxt ona özünü təqdim etmədən özünü təqdim etməyi bildirmiş, o isə özünü təqdim etmişdir. Onu niyə saxladığını və özünü təqdim etməK istədiyini ondan sorduqda isə o, hal-hazırda COVİD-19 virusu ilə bağlı reyd keçirdiklərini, adını sistemə daxil edib COVİD-19 virusuna yoluxub-yoluxmadığını, beləliklə karantin rejimi ilə bağlı qaydalara riayət edib-etmədiyini yoxlamaq üçün bunu etdiyini qeyd etmişdir. Bundan sonra isə heçnə deməyərək çıxıb getmişdir. Sahə inspektoru onun xəbəri olmadan protokol tərtib etmişdir və həmin protokolun əsasında qərar çıxarılmışdır. Sonradan o, polis idarəsindən maraqlananda ona bildiriblər ki, guya onun ağzında tibbi maska olmamışdır. Halbuki bu yalandır, onun ağzında tibbi maska olmuşdur. Polis ona yaxınlaşanda özü də bunu görmüş, hətta ətrafdakı insanlar da görmüşdür ki, onun ağzında tibbi maska vardır. Özü cavan olduğundan hər yerdə tibbi maska ilə gəzir. Həmin cəriməni ödəməyə maddi imkanı yoxdur və yazılmış cərimə qanunsuzdur. Onun xəbəri olmadan, ona hər hans bir irad və ya hansı səbəbə görə barəsində inzibati protokolun tərtib edilməsini bildirmədən bu protokolun və qərarın çıxarılması qanunsuzdur. Ona cərimənin ödənilməsi barədə zəng gələndə bilmişdir ki, ona cərimə yazılıb. Bununla bağlı şikayət edəndən sonra protokol və qərarı 09 avqust 2022-ci il tarixdə ona təqdim ediblər. Protokol ona təqdim edilməyib, həmçinin hansı səbəbə görə cərimə edilməyi barədə nə bir qeyd, nə də ki onun izahatı alınmayıb. Protokolda göstərdiyi xüsusuatlar barədə hər hansı bir qeyd yoxdur. Qeyd etdiklərini nəzərə alaraq Bakı şəhəri Nərimanov Rayon Polis İdarəsinin 16-cı Polis Bölməsinin rəisi X2 tərəfindən barəsində qəbul edilmiş 15 oktyabr 2021-ci il tarixli, EPQ ******* saylı inzibati tənbeh haqqında qərarın ləğv edilməsi barədə qərar qəbul edilməsini xahiş etmişdir. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, şikayət vermiş X1 məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Məhkəmə, işə şikayət vermiş X1 iştirakı olmadan baxılmasını mümkün hesab etmişdir. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, inzibati xəta haqqında qərarı qəbul etmiş Bakı şəhəri Nərimanov RPİ-nin 16cı Polis Bölməsinin nümayəndəsi məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Məhkəmə, işə inzibati xəta haqqında qərarı qəbul etmiş Bakı şəhəri Nərimanov RPİnin 16-cı Polis Bölməsinin nümayəndəsinin iştirakı olmadan baxılmasını mümkün hesab etmişdir. Məhkəmə, şikayət ərizəsini və ona əlavə edilmiş sənədləri araşdıraraq hesab edir ki, şikayət qismən təmin edilməlidir. İş materiallarında olan Bakı şəhəri, Nərimanov Rayon Polis İdarəsinin 16-cı Polis Bölməsinin rəisi X2 tərəfindən qəbul edilmiş 15 oktyabr 2021-ci il tarixli, EPQ seriyalı ******* saylı “İnzibati tənbeh vermə haqqında” qərarın surətindən görünür ki, xüsusi karantin rejiminin tələblərini pozduğuna görə X3 Azərbaycan Respublikası İXM-nin 211.3cü maddəsində nəzərdə tutulmuş inzibati xətanı törətdiyinə görə barəsində 200 manat inzibati cərimə tənbeh tədbiri tətbiq edilmişdir. Məhkəmə, işin faktiki hallarına hüquqi qiymət verərək hesab edir ki, X1 barəsində inzibati icraat qanun pozuntularına yol verilməsi ilə aparılmışdır. Belə ki, iş üçün əhəmiyyət kəsb edən halların inzibati xəta haqqında protokolda göstərilməməsi, inzibati xəta haqqında qərar qəbul etmiş şəxsin məhkəmə iclasına dəvət olunmasına baxmayaraq gəlməməsi, inzibati xəta haqqında protokolda işin baxılma yeri, hər-hansı texniki vasitədən istifadə edilib-edilməməsi barədə qeyd aparılmaması belə nəticəyə gəlməyə əsas verir ki, səlahiyyətli orqan (vəzifəli şəxs) tərəfindən iş üçün əhəmiyyətli olan hallar sübuta yetirilməmişdir. Məhkəmə qeyd etməyi zəruri hesab edir ki, iş yenidən araşdırılmalı və barəsində inzibati tənbeh tətbiq edilmiş şəxsin xətanı törətməsinə dair hər hansı sübut olduğu halda, göstərilməklə, X1 iştirakı ilə yenidən araşdırılmalı, əsaslı qərar qəbul olunmalıdır. Azərbaycan Respublikasının İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktiki məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Məhkəmə qeyd edir ki, hazırki şəraitdə inzibati xəta haqqında protokol və inzibati tənbeh vermə haqqında qərar inzibati xətalar haqqında qanunvericiliyin tələblərini pozmaqla aparılmışdır və onlara iş üzrə əhəmiyyət kəsb edən halların müəyyən edilməsində istinad oluna bilməz. Azərbaycan Respublikası İnzibati Xətalar Məcəlləsinin 115.1-ci maddəsinə əsasən inzibati xəta haqqında iş üzrə qərarda qərarı çıxarmış hakimin, vəzifəli şəxsin vəzifəsi, soyadı, adı, atasının adı, kollegial orqanın adı və tərkibi, işin baxılması tarixi və yeri, işinə baxılan şəxs haqqında məlumat, işə baxılarkən müəyyən edilmiş hallar, inzibati xətaya görə məsuliyyət nəzərdə tutan bu Məcəllənin müvafiq maddəsi və inzibati xətaya görə tətbiq edilən inzibati tənbeh növü, inzibati cərimə şərti olaraq tətbiq edildikdə, hüquqpozmanın aradan qaldırılması üçün müəyyən edilmiş müddət və bu müddətdə hüquqpozma aradan qaldırıldığı təqdirdə, cərimənin ödənilməməsi barədə qeyd, iş üzrə icraata xitam verilməsi və ya dayandırılması üçün əsas olan bu Məcəllənin müvafiq maddəsi, qərardan şikayət verilməsi müddəti və qaydası göstərilir. Azərbaycan Respublikası İnzibati Xətalar Məcəlləsinin: 48-ci maddəsinə əsasən, inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri vəşəraiti aşkar etməkdən və inzibati xətaların qarşısını almaqdan ibarətdir; 133.2.8-ci maddəsinə görə inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. Azərbaycan Respublikası İnzibati Xətalar Məcəlləsinin 134.1.4-cü maddəsinə əsasən bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. Azərbaycan Respublikası İnzibati Xətalar Məcəlləsinin 135.1.3-cü maddəsinə görə hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. X3 barəsində qəbul edilmiş inzibati tənbeh vermə haqqında protokol Azərbaycan Respublikası İnzibati Xətalar Məcəlləsinin 211-ci maddəsi ilə tərtib edilsə də, işə baxılarkən müəyyən edilmiş hallar əsaslandırılmamışdır. Bu isə belə nəticəyə gəlməyə əsas verir ki, inzibati tənbeh vermə haqqında qərar heç bir sübuta əsaslanmadan qəbul edilmişdir. Beləliklə, məhkəmə hesab edir ki, inzibati xəta haqqında icraat aparılarkən səlahiyyətli orqan gəldiyi nəticələr üzrə mühüm əhəmiyyət kəsb edən bütün faktiki halların araşdırmamış və X3 barəsində 15 oktyabr 2021-ci il tarixli “İnzibati tənbeh vermə haqqında” qərar qəbul edərək sonuncunun hüquqlarını pozmuşdur. Bu səbəbdən də X3 Azərbaycan Respublikası İXM-in 211.3-cü maddəsi ilə inzibati məsuliyyətə cəlb edilə bilməz. Buna görə də, inzibati icraat zamanı yol verilmiş natamamlıqlarla bağlı iş üzrə yenidən araşdırma aparılmalı və müvafiq qərar qəbul edilməli və Bakı şəhəri Nərimanov RPİ-nin 16-cı Polis Bölməsinin rəisi X2 tərəfindən qəbul edilmiş 15 oktyabr 2021-ci il tarixli “İnzibati tənbeh vermə haqqında” qərar ləğv edilməli və iş yenidən baxılması üçün həmin orqana göndərilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 133, 134, 135-ci maddələrini rəhbər tutaraq, məhkəmə QƏRARA ALDİ: Şikayət qismən təmin edilsin. Bakı şəhəri Nərimanov Rayon Polis İdarəsinin 16-cı Polis Bölməsinin rəisi X2 tərəfindən qəbul edilmiş 15 oktyabr 2021-ci il tarixli, EPQ seriyalı ******* saylı “İnzibati tənbeh vermə haqqında” qərar ləğv edilsin. X3 barəsində Azərbaycan Respublikası İXM-in 211.3-cü maddəsi ilə inzibati xəta haqqında iş yenidən baxılması üçün Bakı şəhəri Nərimanov RPİ-nin 16-cı Polis Bölməsinə göndərilsin. Qərarın surəti təqdim edildiyi və ya alındığı gündən 10 (on) gün müddətində Bakı Apelyasiya Məhkəməsinə apelyasiya şikayəti verilə bilər. Hakim Vüsal Qurbanov