Bakı Şəhəri Nərimanov Rayon Məhkəməsi Qərardad — İş №3(005)-2465/2024

Azərbaycan Respublikası adından QƏRARDAD Bakı şəhəri İş № 3(005)-2465/2024 12.08.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi Məhkəmə iclas katibi X1 ilə, X6 və X2 İsmayıllı Rayon Polis İdarəsinin inzibati xəta haqqında qərarından verdiyi şikayəti açıq məhkəmə iclasında baxaraq MÜƏYYƏN ETDİM: X5 Sefulla və X3 şikayət ərizəsi ilə məhkəməyə müraciət edərək İsmayıllı Rayon Polis İdarəsinin inzibati xəta haqqında qərarının ləğv edilməsi və iş üzrə icraata xitam verilməsi barədə qərar qəbul edilməsini xahiş etmişdir. Şikayəti və ona əlavə edilmiş sənədləri nəzərdən keçirərək hesab edirəm ki, şikayət geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 128.2, 128.2.3-cü maddələrinə əsasən isə inzibati xəta haqqında iş üzrə qərardan şikayət və ya protest səlahiyyətli orqanın (vəzifəli şəxsin) qərarından yuxarı səlahiyyətli orqana (vəzifəli şəxsə) və ya məhkəməyə verilir. Göründüyü kimi, qanunvericilik inzibati xəta haqqında qərardan şikayət verilməsi nəzərdə tutmuşdur X6 və X3 hər biri ayrı-ayrılıqda tərtib edilmiş inzibati xəta haqqında qərarı əldə edib həmin qərarı mübahisələndirməli olduğu halda, həmin qərarı əldə etməyərək iş materiallarına əlavə etməmişdir. Həmçinin şikayətdə bir neçə qərar olduğunu göstərsə də hansı qərarlar olması, həmin qərarların kimin barəsində qəbul edilməsi və inzibati xətanın hansı ərazidə törədilməsi qeyri müəyyən olmuşdur. Sadalanan hallar həmin qərarların mövcudluğunu şübhə altına almaqla yanaşı, həmçinin şikayətin məhkəmə aidiyyətinin müəyyən edilməsini də qeyri-mümkün edir. Qeyd olunanlara əsasən və Azərbaycan Respublikası İnzibati Xətalar Məcəlləsinin 128, 132-ci maddələrini rəhbər tutaraq, QƏRARA ALDİM: X6 və X2 xx.xx.2024-cü il tarixli inzibati xəta haqqında qərarların ləğv edilməsi barədə verdiyi şikayət və ona əlavə olunmuş sənədlər geri qaytarılsın. Hakim Xalidə Əlisoy