Bakı Şəhəri Nərimanov Rayon Məhkəməsi Qərar — İş №3(005)-25/2022

Azərbaycan Respublikası adından QƏRAR Bakı şəhəri İş № 3(005)-25/2022 19.01.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlunun sədrliyi, X2 oğlunun katibliyi, Prokuror - Azərbaycan Respublikası Baş Prokurorluğunun Cinayət Təqibindən kənar icraatlar idarəsinin prokuroru X1, Barəsində inzibati xəta haqqında iş üzrə icraat aparılan Şəxs və onun vəkili fərdi qaydada fəaliyyət göstərən Vəkil iştirakları ilə, Şəxs barəsində Azərbaycan Respublikası İnzibati Xətalar Məcəlləsinin 398-ci maddəsi ilə tərtib olunan inzibati xəta haqqında protokola dair inzibati xəta haqqında işə açıq məhkəmə iclasında baxaraq MÜƏYYƏN ETDİ: Azərbaycan Respublikası Baş Prokurorluğu Şəxs barəsində Azərbaycan Respublikası İnzibati Xətalar Məcəlləsinin 398-ci maddəsi ilə 20 dekabr 2021-ci il tarixli inzibati xəta haqqında iş üzrə icraatın başlanması barədə qərar qəbul edərək, baxılması üçün məhkəməyə göndərmişdir. İnzibati xəta haqqında iş üzrə icraatın başlanması barədə qərardan görünür ki, fiziki şəxs Şəxs (FİN-xxxxxxx) Azərbaycan Respublikasının qanunvericiliyi ilə müəyyən edilmiş qaydada dövlət qeydiyyatına (vergi uçotuna) alınmadan 14.03.2018-ci il tarixdən 25.08.2021-ci il tarixədək olan dövrdə “ALİEXPRESS” internet saytından satış məqsədi ilə əldə etdiyi elektron texniki vasitələrinin www.tap.az və www.lalafo.az saytları vasitəsi ilə satışdan ümumillikdə 3065 manat 93 qəpik gəlir əldə edərək sahibkarlıq fəaliyyəti ilə məşğul olmuşdur. Bununla da, Şəxs tərəfindən Azərbaycan Respublikası İnzibati Xətalar Məcəlləsinin 398-ci maddəsi ilə nəzərdə tutulmuş inzibati xəta törədilmişdir. Azərbaycan Respublikası Baş Prokurorluğunun Cinayət Təqibindən kənar icraatlar idarəsinin prokuroru X3 məhkəmə iclasında çıxış edərək Şəxs barəsində qanunamüvafiq qərarın qəbul edilməsini məhkəmədən xahiş etmişdir. Barəsində inzibati xəta haqqında iş üzrə icraat aparılan Şəxs və onun vəkili Vəkil məhkəmə iclasında çıxış edərək bildirmişlər ki, inzibati xəta nəticəsində əldə edilmiş gəliri, yəni 3065 manat 93 qəpik məbləğində pul vəsaiti tamamilə dövlət büdcəsinə köçürülmüşdür. Odur ki, T. Gülümov barəsində AR İXM-inn 398-ci maddəsinin Qeyd hissəsində göstərilənlərin nəzərə alınmasını və inzibati iş üzrə icraata xitam verilməsini xahiş etmişdir. İş materiallarında olan: 20.11.2021-ci il tarixli sübutların qiymətləndirilməsi haqqında qərardan görünür ki, Şəxs qanunsuz sahibkarlıqla məşğul olması Azərbaycan Respublikası Cinayət Məcəlləsinin 190-cı maddəsinin qeyd hissəsinə əsasən həmin Məcəllənin 192-ci maddəsinin tərkib əlamətini yaratmadığından CPM-nin 39.1.2-ci maddəsinə əsasən onun barəsində cinayət işinin başlanması rədd edilmiş, onun əməli Azərbaycan Respublikası İXM-nin 398-ci maddəsində nəzərdə tutulmuş qanunsuz sahibkarlıq fəaliyyəti ilə məşğul olma inzibati xətası kimi qiymətləndirilmiş. Azərbaycan Respublikası Mərkəzi Bankının rəsmi internet səhifəsində yerləşdirilmiş cədvəldən görünür ki, 01.11.2019-ci il tarixdən 09.01.2021-ci il tarixədək müddət ərzində, habelə 22.04.2021-ci il tarixdə Respublika ərazisində 1 ABŞ dollarının alışı 1,7 Azərbaycan manatına bərabər olmuşdur. Beləliklə məhkəmə araşdırması zamanı müəyyən edilmişdir ki, 2020-ci ilin dekabr ayında Şəxs dövlət qeydiyyatına (vergi uçotuna) alınmadan qanunsuz sahibkarlıq fəaliyyəti ilə məşğul olmuşdur. Azərbaycan Respublikası İnzibati Xətalar Məcəlləsinin 398-ci maddəsinə əsasən dövlət qeydiyyatına (vergi uçotuna) alınmadan və ya sahibkarlıq fəaliyyətinin həyata keçirilməsi üçün lisenziya tələb olunduğu hallarda belə lisenziya almadan sahibkarlıq fəaliyyəti ilə məşğul olmağa, yaxud lisenziyada nəzərdə tutulmuş şərtlərin pozulması ilə və ya xüsusi icazə olmadan mülki dövriyyəsi məhdudlaşdırılmış əşyalardan istifadə etməklə sahibkarlıq fəaliyyətinin həyata keçirilməsinə görə məsuliyyət nəzərdə tutur. İş materiallarında olan "xxxx" ASC-nin 19.01.2022-ci il tarixli ödəniş qəbzindən görünür ki, barəsində inzibati xəta haqqında iş üzrə icraat aparılan şəxs Şəxs inzibati xəta nəticəsində əldə edilmiş gəliri yəni 3065 manat 93 qəpik məbləğində pul vəsaitini tamamilə dövlət büdcəsinə köçürmüşdür. Azərbaycan Respublikası İnzibati Xətalar Məcəlləsinin 398-ci maddəsinin Qeyd hissəsinin 2-ci bəndinə əsasən Bu Məcəllənin 398-ci maddəsində nəzərdə tutulan əməli ilk dəfə törətmiş şəxs inzibati xəta nəticəsində vurulmuş ziyanı tamamilə ödədikdə və ya inzibati xəta nəticəsində əldə edilmiş gəliri tamamilə dövlət büdcəsinə köçürdükdə inzibati məsuliyyətdən azad olunur. İnzibati xəta haqqında işin materiallarını tədqiq edərək məhkəmə hesab edir ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq Azərbaycan Respublikası İnzibati Xətalar Məcəlləsinin 398-ci maddəsi ilə tövsif olunmuşdur. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır 12-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə inzibati xəta haqqında protokolu nəzərdən keçirib, tərəfləri dinləyib, toplanmış sübutlara məcmu halda hüquqi qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 398-ci maddəsində nəzərdə tutulan əməl üzrə inzibati xəta nəticəsində əldə edilmiş gəliri, yəni 3065 manat 93 qəpik məbləğində pul vəsaitini tamamilə dövlət büdcəsinə köçürtdüyündən Azərbaycan Respublikası İnzibati Xətalar Məcəlləsinin 398-ci maddəsinin Qeyd hissəsinin 2-ci bəndinə əsasən barəsində olan inzibati xəta haqqında iş üzrə icraata xitam verilməli və o, inzibati məsuliyyətdən azad olunmalıdır. Şərh olunanlara əsasən və Azərbaycan Respublikası İXM-nin 40-43, 48-51, 53, 114, 115,128-130 maddələrini rəhbər tutaraq, məhkəmə QƏRARA ALDİ: Şəxs barəsində olan inzibati xəta haqqında iş üzrə icraata xitam verilsin və o, inzibati məsuliyyətdən azad olunsun. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim Hafiz Kamranov