Bakı Şəhəri Nərimanov Rayon Məhkəməsi Qərardad — İş №3(005)-262/2025

Azərbaycan Respublikası adından QƏRARDAD Bakı şəhəri İş № 3(005)-262/2025 23.01.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlu, Şikayət vermiş şəxs X2 DİN-nin Baş DYPİ tərəfindən qəbul edilmiş EQ 25639846 saylı, xx.xx.2025-ci il tarixli inzibati tənbeh haqqında qərarından verdiyi şikayətə baxaraq MÜƏYYƏN ETDİ: X3 DİN-nin Baş DYPİ tərəfindən qəbul edilmiş EQ 25639846 saylı, xx.xx.2025-ci il tarixli inzibati tənbeh vermə haqqında qərardan şikayətlə Bakı Şəhəri Nərimanov Rayon Məhkəməsinə müraciət edərək həmin qərarın ləğv edilməsini xahiş etmişdir. Şikayət onunla əsaslandırılmışdır ki, X1 götürdüyü Hyundai Elantra minik markalı, **- MZ-*** dövlət qeydiyyat nişanlı nəqliyyat vasitəsini xx.xx.2025-ci il tarixdə idarə edərkən barəsində qanunsuz və əsassız EQ 25639846 saylı elektron qərar qəbul edilmişdir və AR İXM-nin 327.1-1 maddəsi tətbiq edilmişdir. Həmin qərarın ləğv edilməsini xxahiş edir. Məhkəmə iş materiallarını araşdıraraq hesab edir ki, inzibati tənbeh vermə haqqında qərardan verdiyi şikayət baxılması üçün aidiyyəti üzrə Bakı Şəhəri Nəsimi Rayon Məhkəməsinə göndərilməlidir. Belə ki, məhkəmə araşdırması zamanı müəyyən edilmişdir ki, inzibati xəta hadisəsi Nəsimi rayonunun ərazisində törədilmişdir. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 4 noyabr 2020-ci il tarixli qərarına əsasən qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Qeyd olunanlara əsasən məhkəmə hesab edir ki X2 DİN-nin Baş DYPİ tərəfindən qəbul edilmiş EQ 25639846 saylı, xx.xx.2025-ci il tarixli inzibati tənbeh vermə haqqında qərardan verdiyi şikayət baxılması üçün aidiyyəti üzrə Bakı şəhəri Nəsimi Rayon Məhkəməsinə göndərilməlidir. Yuxarıda göstərilənləri rəhbər tutaraq, QƏRARA ALDİ: X2 DİN-nin Baş DYPİ tərəfindən qəbul edilmiş EQ 25639846 saylı, xx.xx.2025-ci il tarixli inzibati tənbeh vermə haqqında qərardan verdiyi şikayət baxılması üçün aidiyyəti üzrə Bakı şəhəri Nəsimi Rayon Məhkəməsinə göndərilsin. Hakim Hafiz Kamranov