Bakı Şəhəri Nərimanov Rayon Məhkəməsi Qərar — İş №3(005)-2752/2025

Azərbaycan Respublikası adından QƏRAR Bakı şəhəri İş № 3(005)-2752/2025 19.08.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Babayev Kamal Yunis oğlunun sədrliyi, Məhkəmə iclas katibi Məmmədova Təhminə Nizami qızının katibliyi ilə, İnzibati xəta haqqında qərardan şikayət vermiş şəxs X1 nümayəndəsi (vəkili) Nümayəndə iştirakı ilə, X1 Azərbaycan Respublikası DİN-nin Baş X5 İdarəsi tərəfindən qəbul edilmiş TP ******* saylı, xx.xx.2025-ci il tarixli inzibati tənbeh vermə haqqında qərardan verdiyi şikayətə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: X1 Azərbaycan Respublikası DİN-nin Baş X5 İdarəsi tərəfindən qəbul edilmiş TP ******* saylı, xx.xx.2025-ci il tarixli qərarından şikayətlə Bakı Şəhəri Nərimanov Rayon Məhkəməsinə müraciət edərək, qərarın ləğv edilməsi və inzibati xəta haqqında iş üzrə icraata xitam verilməsini xahiş etmişdir. Şikayətdə qeyd edilmişdir ki, bildirir ki, barəsində tərtib olunmuş protokol əsasında TP ******* saylı, xx.xx.2025-ci il tarixli elektron qərar qəbul edilmişdir. Qeyd etmək istəyir ki, həmin qərar İXM-nin 327.1-1 -ci maddəsinə əsasən tərtib edilmişdir. Sözügedən qərarın qəbul edilməsinə əsas olaraq yollarda mövcud olan kmaeralar olmuşdur. Lakin sözügedən qərarın qəbul edilməsinə səbəb olmuş hadisə xx.xx.2025-ci il tarixdə baş vermişdir. Həmin hadisənin baş verməsindən təqribi 2 həftə keçdikdən sonra yəni xx.xx.2025-ci il tarixdə həmin hadisə ilə bağlı İXP ******* saylı protokol tərtib edilmişdir. Bundan sonra isə xx.xx.2025-ci il tarixdə həmin protokola əasən qərar qəbul edilmişdir. Qeyd edilən iş üzrə tarixlərə nəzər yetirdikdə müəyyən etmək mümkün olur ki, səlahiyyətli orqan tərəfindən prosessual pozuntuya yol verilmişdir. Beləki məlum olduğu kimi elektron vasitələrin köməkliyi ilə müəyyən edilmiş inzibati xəta pozuntusu barədə məlumatlandırma 1 gün müddətində inzibati xətanı törədən tərəfə ünvanlanmalıdır. Lakin yuxarıda qeyd edilən müddətlərə nəzər yetirdikdə nəyinki qərarın göndərilməsi ümumiyyətlə tərtib edilən protokolun və ona əsasən tərtib edilən qərarın müddəti artıq 1 aya yaxın müddətdə baş tutmuşdur. Səlahiyyətli orqan tərəfindən ilkin olaraq protokolun qəbul edilməsi barədə məlumat X2 xx.xx.2025-ci il tarixdə elektron olaraq verilmişdir. Bu barədə orqan ilə əlaqə saxladıqda ona qərarı onun üçün gözlətdiklərini demişdirlər. Belə bir səbəb və ya icazənin olması bu zamana qədər nə mənə nə də tərəfə və hesab edir ki, nə də qanunvericiliyə uyğun tənzimlənməmişdir. Qeyd edilənlər bir dah asübuta yetirir ki, səlahiyyətli orqan düzgün prosessual normalara riayət etmədən, elektron formada protokol təıtib edərək qərar qəbul etmişdir. Məhkəmə iclasında qəraradan şikayət vermiş şəxsin nümayəndəsi Nümayəndə şikayət ərizəsinin məzmununa uyğun izahat verərək qərarın ləğv olunmasını və iş üzrə icraata xitam verilməsini xahiş etmişdir. Məhkəmə iclasının yeri və vaxtı barəsində məlumat verilməsinə baxmayaraq məhkəmə iclasında inzibati qərar qəbul edən qurumun nümayəndəsi iştirak etməmişdir. Məhkəmə nümayəndənin iştirakı olmadan məhkəmə iclasının keçirilməsini mümkün hesab etmişdir. İş materiallarında olan və məhkəmə iclasında tədqiq edilmiş: Asan ödəniş sistemindən çıxarışdan görünür ki, xx.xx.2025-ci il tarixli, İXP ******* nömrəli inzibati xəta haqqında protokol əsasında X3 **-UH-*** dövlət qeydiyyat nişanlı nəqliyyat vasitəsini idarə edərkən İXM-in 327.1-1-ci maddəsində nəzərdə tutulan inzibati xətanı törətmişdir. X3 İXM-in 327.1-1-ci maddəsində nəzərdə tutulan inzibati xəta törətdiyi üçün 100 manat məbləğində cərimə edilmişdir. Hüquqi məsələlər Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İXM-nin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. 124.3-cü maddəsinə əsasən barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşmadıqda, səlahiyyətli vəzifəli şəxs inzibati xəta haqqında protokol tərtib edir. 124.4-cü maddəsinə əsasən inzibati tənbeh tətbiq etmə haqqında qərar və ya inzibati xəta haqqında protokol operativ nəqliyyat vasitəsində quraşdırılmış bort-kompüter vasitəsilə tərtib olunaraq dərhal, yaxud belə kompüter olmadıqda həmin günün sonunadək müvafiq icra hakimiyyəti orqanının mərkəzi informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə bu Məcəllənin 125.2.1-ci maddəsində nəzərdə tutulmuş qaydada bu barədə məlumat verilir. İnzibati tənbeh tətbiq etmə haqqında qərarın və ya inzibati xəta haqqında protokolun kağız daşıyıcıda surəti səlahiyyətli orqan (vəzifəli şəxs) tərəfindən yerindəcə barəsində inzibati xəta haqqında iş üzrə icraat aparılan şəxsə, həmçinin belə müraciəti olduqda inzibati xəta haqqında iş üzrə zərər çəkmiş şəxsə verilir. Bu Məcəllənin 124.3-cü maddəsində nəzərdə tutulmuş hallarda inzibati xəta haqqında protokol baxılması üçün yuxarı səlahiyyətli orqana (vəzifəli şəxsə) göndərilir. Yuxarı səlahiyyətli orqan (vəzifəli şəxs) tərəfindən həmin iş üzrə qəbul edilən qərar qəbul edildiyi gün müvafiq icra hakimiyyəti orqanının mərkəzi informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə həmin qərar barədə bu Məcəllənin 125.2-ci maddəsində nəzərdə tutulmuş qaydada məlumat verilir. 134.1, 134.1.4-cü maddələrinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. 327.1-1-ci maddəsinə əsasən “Yol hərəkəti haqqında” Azərbaycan Respublikası Qanununun yol verdiyi hallar istisna olmaqla, 5.9, 5.10.1–5.10.3 nişanları ilə işarələnmiş, ümumi istifadədə olan nəqliyyat vasitələri üçün nəzərdə tutulmuş hərəkət zolağı olan yollarda hərəkət edən digər nəqliyyat vasitələrinin həmin zolaqda hərəkət etməsinə görə – yüz manat məbləğində cərimə edilir. Sübutların qiymətləndirilməsi və məhkəmənin hüquqi mövqeyi: Məhkəmə proses iştirakçısının izahatını dinləyib, şikayət ərizəsini və iş materiallarını araşdıraraq hesab edir ki, şikayət qismən təmin edilməlidir. Məhkəmə qeyd edir ki, barəsində inzibati xəta haqqında iş üzrə icraat aparılan şəxs X3 barəsində xx.xx.2025-ci il tarixdə İXP ******* saylı protokol tərtib edilmişdir. Bundan sonra isə TP ******* saylı, xx.xx.2025-ci il tarixli inzibati tənbeh vermə haqqında elektron qərar qəbul edərək onu həmin gün ərzində elektron kabinetə yerləşdirməli olduğu halda bunu təmin etməmiş və bununla X1 hüquqlarını pozmuşdur. Hazırda həmin xüsusatın texniki yanlışlıq olub-olmadığını müəyyən etmək mümkün olmamışdır. Belə ki, DYP əməkdaşları da məhkəmə iclasında iştirak etməmişlər. Beləliklə, məhkəmə hesab edir ki, inzibati xəta haqqında icraat aparılarkən səlahiyyətli orqan (vəzifəli şəxs) İXM-lə müəyyən edilmiş tələbləri işin hallarını tam şəkildə araşdırmada, X3 barəsində inzibati tənbehvermə haqqında qərar qəbul etmişdir. Odur ki, həmin xüsusat üzrə araşdırma aparılmalı və müvafiq qərar qəbul edilməlidir. Ona görə də, şikayət qismən təmin edilməli, Baş X6 İdarəsinin vəzifəli şəxsi tərəfindən qəbul edilmiş X1 İXM-nin 327.1-1-ci maddəsi ilə cərimə olunmasına dair TP ******* saylı, xx.xx.2025-ci il tarixli saylı elektron qərar ləğv edilməli və X3 barəsində işə yenidən baxılması Baş X6 İdarəsinə geri qaytarılmalıdır.. Göstərilənlərə əsasən və Azərbaycan Respublikası İXM-nin 128, 129 və 133-136-cı maddələrini rəhbər tutaraq, məhkəmə QƏRARA ALDİ: Şikayət qismən təmin edilsin. Azərbaycan Respublikası Daxili İşlər Nazirliyinin Baş X5 İdarəsinin vəzifəli şəxsi tərəfindən qəbul edilmiş X1 İnzibati Xətalar Məcəlləsinin 327.1-1-ci maddəsi ilə cərimə olunmasına dair TP ******* saylı, xx.xx.2025-ci il tarixli inzibati tənbeh vermə haqqında qərar ləğv edilsin və işə yenidən baxılması üçün Azərbaycan Respublikası Daxili İşlər Nazirliyinin Baş X6 İdarəsinə qaytarılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Hakim Kamal Babayev